ಸಂಸದ ಉಮೇಶ್ ಜಾಧವ್ ಕುಟುಂಬದ 12 ಮಂದಿಗೆ ಕೊರೊನಾ ಸೋಂಕು

ಕಲಬರಗಿ, ಆಗಸ್ಟ್ 24: ಸಂಸದ ಉಮೇಶ್ ಜಾಧವ್ ಹಾಗೂ ಪುತ್ರನಿಗೆ ಇತ್ತೀಚೆಗಷ್ಟೇ ಕೊರೊನಾ ಸೋಂಕು ತಗುಲಿರುವುದು ದೃಢಪಟ್ಟಿತ್ತು.

ಇದೀಗ ಕುಟುಂಬದ 12 ಮಂದಿಗೆ ಕೊರೊನಾ ಸೋಂಕು ಇರುವುದು ಪತ್ತೆಯಾಗಿದೆ.ಉಮೇಶ್ ಜಾಧವ್​ರ ಪತ್ನಿ, ಮಗಳು, ಸಹೋದರನ ಪುತ್ರಿ, ಮೊಮ್ಮಕ್ಕಳು, ಸೊಸೆಗೂ ಸೋಂಕು ಕಾಣಿಸಿಕೊಂಡಿದೆ.
ಅಲ್ಲದೆ ಸಂಸದರ ಇಬ್ಬರು ಆಪ್ತ ಸಹಾಯಕರು ಮತ್ತು ಶಾಸಕ ಡಾ.ಅವಿನಾಶ್ ಅವರ ಆಪ್ತ ಸಹಾಯಕ, ಕಾರು ಚಾಲಕನಿಗೂ ಸೋಂಕು ಪತ್ತೆಯಾಗಿದ್ದು, ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಡಾ.ಉಮೇಶ್ ಜಾಧವ್ ಮತ್ತು ಅವರ ಪುತ್ರ, ಚಿಂಚೋಳಿ ಶಾಸಕ ಡಾ.ಅವಿನಾಶ್ ಜಾಧವ್ ಕೊರೊನಾ ಸೋಂಕಿನಿಂದ ಬಳಲುತ್ತಿದ್ದು, ಬೆಂಗಳೂರಿನ ಬೋರಿಂಗ್​ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇದೀಗ ಸಂಸದರ ಪತ್ನಿ, ಮಗಳು, ಸೊಸೆ(ಡಾ.ಅವಿನಾಶ್ ಪತ್ನಿ)‌ ಸೇರಿ ಕುಟುಂಬ ಮತ್ತು ಆಪ್ತ ಸಿಬ್ಬಂದಿ ಸೇರಿ 12 ಜನರಿಗೂಕೊರೊನಾ ಇರುವುದು ದೃಢಪಟ್ಟಿದೆ.

Till now 12 peoples were tested #COVID19 positive in my family & personal staff. Yesteday my family members including my wife, daughter, daughter-in-law & my driver were admitted in Bangalore's Govt #BowringHospital. @PMOIndia @BJP4India @BSYBJP

— Dr. Umesh G Jadhav MPLS (@UmeshJadhav_BJP) August 23, 2020

ಈ ಬಗ್ಗೆ ಸ್ವತಃ ಸಂಸದರೇ ಟ್ವೀಟ್ ಮಾಡಿದ್ದು, ತಮ್ಮ ಕುಟುಂಬದ ಒಟ್ಟು 12 ಜನರಿಗೆ ಸೋಂಕು ದೃಢಪಟ್ಟಿರುವುದಾಗಿ ತಿಳಿಸಿದ್ದಾರೆ. ಆ.19ರಂದು ಉಮೇಶ್ ಜಾಧವ್ ಮತ್ತು ಅವಿನಾಶ್ ಜಾಧವ್​ಗೆ ಸೋಂಕು ದೃಢಪಟ್ಟಿತ್ತು. ಸೋಂಕಿತರನ್ನು ಬೆಂಗಳೂರಿನ ಸರ್ಕಾರಿ ಆಸ್ಪತ್ರೆಯಲ್ಲಿ ದಾಖಲಿಸಲಾಗಿದೆ.

ಜಾಧವ್ ಕುಟುಂಬ ಸದಸ್ಯರಿಗೆ ಸೋಂಕು ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಅವರ ಬೆಂಬಲಿಗರಲ್ಲಿ ಆತಂಕ ಮೂಡಿದೆ. ಸಂಸದರ ಮತ್ತು ಶಾಸಕರ ಕುಟುಂಬ ಶೀಘ್ರ ಗುಣಮುಖರಾಗಲಿ ಎಂದು ಪ್ರಾರ್ಥಿಸಿ ಚಿಂಚೋಳಿ ಕ್ಷೇತ್ರದ ಅಭಿಮಾನಿಗಳು ಹಲವೆಡೆ ವಿಶೇಷ ಪೂಜೆ ಸಲ್ಲಿಸಿದ್ದಾರೆ.

English summary

BJP MP from Kalaburagi Dr Umesh Jadhav and his MLA-son Avinash Jadhav are among the 12 in his family and staff who have tested positive for coronavirus. "Till now 12 peoples were tested #COVID19 positive in my family & personal staff.