ವೈರಲ್ ವಿಡಿಯೋ: ಹೆಣ್ಣು ಹುಲಿಗಾಗಿ ಕಾದಾಡಿದ ಹುಲಿ ಹೆಬ್ಬುಲಿ
ಜೈಪುರ, ಅಕ್ಟೋಬರ್ 17: ರಾಜಸ್ಥಾನದ ರಣ್ ಥಂಬರ್ ರಾಷ್ಟ್ರೀಯ ಉದ್ಯಾನವನದಲ್ಲಿ ಹೆಣ್ಣು ಹುಲಿಗಾಗಿ ಎರಡು ಹುಲಿಗಳು ಕಾದಾಟದ ವಿಡಿಯೋ ಸಕತ್ ವೈರಲ್ ಆಗುತ್ತಿದೆ.
ಭಾರತೀಯ ಅರಣ್ಯ ಸೇವೆ ಅಧಿಕಾರಿ ಪ್ರವೀಣ್ ಕಸ್ವಾನ್ ಅವರು ಟ್ವೀಟ್ ಮಾಡಿರುವ ಈ ವಿಡಿಯೋದಲ್ಲಿ ಎರಡು ಹುಲಿಗಳನ್ನು ಟಿ57 ಹಾಗೂ ಟಿ58 ಎಂದು ಹೆಸರಿಸಿದ್ದಾರೆ. ಈ ಎರಡು ಹುಲಿಗಳು ಅತಿ ಉಗ್ರವಾಗಿ, ಕ್ರೂರವಾಗಿ ಕಾಳಗ ನಡೆಸಿದವು. ಟಿ39 ಎಂದು ಹೆಣ್ಣು ಹುಲಿಯನ್ನು ಹೆಸರಿಸಿದ್ದಾರೆ.
ಇಬ್ಬರನ್ನು ಬಲಿ ಪಡೆದಿದ್ದ ನರಭಕ್ಷಕ ಹುಲಿ ಕೊನೆಗೂ ಸೆರೆ
ವಾಲಿ- ಸುಗ್ರೀವರ ಕಾಳಗ ನೆನಪಿಸುವ ಈ ಸೋದರ ಹುಲಿಗಳ ಕಾದಾಟದಲ್ಲಿ ಟಿ57 ಅಂತಿಮವಾಗಿ ಗೆಲುವು ಸಾಧಿಸಿದೆ. ಅದೃಷ್ಟವಶಾತ್ ಟಿ57 ಹಾಗೂ ಟಿ58 ಎರಡು ಕೂಡಾ ಭೀಕರ ಕಿತ್ತಾಟದ ನಂತರವೂ ಗಾಯಗೊಂಡು ಬದುಕುಳಿದಿವೆ ಎಂದು ಮತ್ತೊಂದು ಟ್ವೀಟ್ ಮಾಡಿದ್ದಾರೆ.
ಈ ಸಮಯಕ್ಕೆ ಸರಿ ಸುಮಾರು 762 ಬಾರಿ ರೀ ಟ್ವೀಟ್ ಆಗಿದ್ದು, 2.5K ಬಾರಿ ಲೈಕ್ಸ್ ಪಡೆದುಕೊಂಡಿದೆ. ಅನೇಕ ಮಂದಿ ಕಾಮೆಂಟ್ ಮಾಡಿದ್ದಾರೆ. ವಿಡಿಯೋ ಟ್ವೀಟ್ ಗೆ ಕಾಮೆಂಟ್ ಮಾಡಿರುವ ಪ್ರವೀಣ್ ಅವರು ಈ ವಿಡಿಯೋವನ್ನು ಹನ್ಸ್ ರಾಜ್ ಗುರ್ಜಾರ್ ಅವರು ಚಿತ್ರೀಕರಿಸಿದರು. ಸುಮಾರು 16 ಮಂದಿ ಈ ಭೀಕರ ಕಾಳಗ ವೀಕ್ಷಿಸಿದ್ದಾರೆ ಎಂದಿದ್ದಾರೆ.
That is how a fight between #tigers looks like. Brutal and violent. They are territorial animals & protect their sphere. Here two brothers from #Ranthambore are fighting as forwarded. (T57, T58). pic.twitter.com/wehHWgIIHC
— Parveen Kaswan, IFS (@ParveenKaswan) October 16, 2019
ಟ್ವಿಟ್ಟರಲ್ಲಿ ಹುಲಿ, ಹುಲಿ, ಹೆಬ್ಬುಲಿ, ದೈತ್ಯಬೆಕ್ಕಿಗೊಂದು ದಿನ
ಹೆಣ್ಣು ಹುಲಿಗಾಗಿ ಕಾದಾಟವಲ್ಲ?: "ಮಾಧ್ಯಮಗಳಲ್ಲಿ ಈ ವಿಡಿಯೋ ಬಗ್ಗೆ ಅನೇಕ ಊಹಾಪೋಹ ಸುದ್ದಿ ಹರಡುತ್ತಿದೆ. ನಾನು ಈ ಕಾಳಗ ನಡೆದಾಗ ಅಲ್ಲೇ ಇದ್ದೆ ಟಿ39 ಗಾಗಿ ನಡೆದ ಕಾದಾಟವಲ್ಲ, ಮಲಗಿದ್ದ ಹುಲಿಯೊಂದರ ಮೇಲೆ ಮತ್ತೊಂದು ಸುಮ್ಮನೆ ಎರಗಿ ಕಿತ್ತಾಡಿಕೊಂಡಿವೆ ಅಷ್ಟೇ ಎಂದು ಹರ್ಷ ಎಂಬುವರು ಸ್ಪಷ್ಟನೆ ಕೊಟ್ಟಿದ್ದಾರೆ. ಈ ಬಗ್ಗೆ ಚರ್ಚೆಯನ್ನು ಪ್ರವೀಣ್ ಅವರ ಟ್ವೀಟ್ ಪೋಸ್ಟ್ ನಲ್ಲಿ ನೋಡಬಹುದು.