• search
  • Live TV
ಜೈಪುರ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಜೈಪುರ್ ನಲ್ಲಿ ತುರ್ತಾಗಿ ಇಳಿಯಿತು ಕರಾಚಿ ಮೂಲದ ಖಾಸಗಿ ವಿಮಾನ

|

ಜೈಪುರ್ (ರಾಜಸ್ತಾನ), ನವೆಂಬರ್ 20 : ಕರಾಚಿ ಮೂಲದ ಸೆಸ್ನಾ ವಿಮಾನವನ್ನು ತುರ್ತು ಕಾರಣಕ್ಕಾಗಿ ಜೈಪುರ್ ವಿಮಾನ ನಿಲ್ದಾಣದಲ್ಲಿ ಇಳಿಸಲು ಮಂಗಳವಾರ ಅನುವು ಮಾಡಿಕೊಡಲಾಗಿದೆ. ವಿಮಾನದ ಬಾಗಿಲು ತೆರೆದುಕೊಂಡಿದೆ ಎಂಬ ಸೂಚನೆ ಸಿಕ್ಕಿದ್ದರಿಂದ ಪೈಲಟ್ ತುರ್ತಾಗಿ ವಿಮಾನವನ್ನು ಜೈಪುರ್ ನ ವಿಮಾನ ನಿಲ್ದಾಣದಲ್ಲಿ ಇಳಿಸಿದ್ದಾರೆ.

ಈ ಖಾಸಗಿ ವಿಮಾನದಲ್ಲಿ ಕಾಕ್ ಪಿಟ್ ನ ಸಿಬ್ಬಂದಿ ಮಾತ್ರ ಇದ್ದರು. ನಿಗದಿಯಂತೆ ಲಖನೌದಿಂದ ಕರಾಚಿಗೆ ತೆರಳುತ್ತಿತ್ತು. ವಿಮಾನ ನಿಲ್ದಾಣದ ಅಧಿಕಾರಿಗಳು ಮಾತನಾಡಿ, ಕರಾಚಿ ಮೂಲದ SR-20 ವಿಮಾನದಲ್ಲಿ ಮಂಗಳವಾರ ಬೆಳಗ್ಗೆ ಪೈಲಟ್ ಲಖನೌದಿಂದ ಕರಾಚಿಗೆ ಹೊರಟಿದ್ದರು.

ಇಂಡಿಗೋ ವಿಮಾನದಲ್ಲೊಂದು ಭಾವನಾತ್ಮಕ ಕ್ಷಣ: ವಿಡಿಯೋ ವೈರಲ್

ವಿಮಾನದ ಬಾಗಿಲು ತೆರೆದುಕೊಂಡಿದೆ ಎಂಬ ಸೂಚನೆ ಬರುತ್ತಿದೆ ಎಂದು ಜೈಪುರ್ ಏರ್ ಟ್ರಾಫಿಕ್ ಕಂಟ್ರೋಲ್ (ಎಟಿಸಿ)ಗೆ ಮಾಹಿತಿ ನೀಡಿ, ಸುರಕ್ಷತೆಗಾಗಿ ವಿಮಾನದ ಬಾಗಿಲ ಪರಿಶೀಲನೆ ಮಾಡಬೇಕು. ಆದ್ದರಿಂದ ತುರ್ತಾಗಿ ಇಳಿಸಲು ಅನುಮತಿ ನೀಡಬೇಕು ಎಂದು ಮನವಿ ಮಾಡಿದ್ದಾರೆ.

ಎಟಿಸಿಯಿಂದ ಅನುಮತಿ ದೊರೆತ ನಂತರ ಸುರಕ್ಷಿತವಾಗಿ ನಿಲ್ದಾಣದಲ್ಲಿ ಇಳಿದಿದೆ. ಕಾರ್ಯಾಚರಣೆಗೆ ಇರುವ ಪ್ರಕ್ರಿಯೆ ಅನುಸಾರ ರಾಜ್ಯ ಗುಪ್ತಚರ ದಳ ಹಾಗೂ ವಿಮಾನಯಾನ ಭದ್ರತಾ ಸಂಸ್ಥೆಗೆ ಘಟನೆ ಬಗ್ಗೆ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ವಿಮಾನ ನಿಲ್ದಾಣ ತಂಡ ಹಾಗೂ ಭದ್ರತಾ ಸಂಸ್ಥೆಯಿಂದ ಪರಿಶೀಲನೆ ನಡೆಸಿದ ನಂತರ ಕರಾಚಿಗೆ ವಿಮಾನ ತೆರಳಲು ಅನುಮತಿ ನೀಡಲಾಗಿದೆ.

English summary
A Karachi-bound Cessna aircraft was allowed to make priority landing at Jaipur airport on Tuesday after its pilot got "Indication of Open Door". The private aircraft had only cockpit crew in it and was on a scheduled flight from Lucknow to Karachi.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X