Click it and Unblock the Notifications
Just In
-
-
-
Don't Miss
-
ಪೆಟ್ರೋಲ್ಗೆ ಹೆಚ್ಚು ಹಣ ಖರ್ಚು ಮಾಡುತ್ತಿದ್ದೀರಾ?.. ಇಲ್ಲಿವೆ ಉತ್ತಮ ಎಲೆಕ್ಟ್ರಿಕ್ ಸ್ಕೂಟರ್ಗಳು, ಜಾಸ್ತಿ ಓಡ -
Bengaluru Traffic Police: ಬೆಂಗಳೂರಿನ ಈ ರಸ್ತೆ ಸಂಚಾರ ಮಾರ್ಗ ಬದಲಾವಣೆ, ವಿವರ -
Samsung: ಭಾರತದಲ್ಲಿ ಹೊಸ ವೇರಿಯಂಟ್ನಲ್ಲಿ ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G! ಬೆಲೆ ಎಷ್ಟು? -
RCB: 'ಗೋ ಗ್ರೀನ್' ಭಾಗವಾಗಿ 3 ಕೆರೆಗಳ ಅಭಿವೃದ್ಧಿಪಡಿಸಿದ ಆರ್ಸಿಬಿ -
Amruthadhaare ; ಪಾರ್ಥ ಮತ್ತು ಅಪೇಕ್ಷಾ ಪ್ರೀತಿ, ಕೆಂಡಾಮಂಡಲಗೊಂಡ ಶಕುಂತಲಾ..! -
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಲಂಡನ್ನಿನಲ್ಲಿ ತಿಂಡಿಪೋತರ ಫೆವರಿಟ್ ಸಮೋಸಾ ಉತ್ಸವ
ಲಂಡನ್, ಮಾರ್ಚ್ 22 : ಇಂದು ವಿಶ್ವ ನೀರು ದಿನ, ನಿನ್ನೆ ವಿಶ್ವ ಅರಣ್ಯ ದಿನ, ಮೊನ್ನೆ ವಿಶ್ವ ಸಂತಸದ ದಿನ. ಹೀಗೆ ಪ್ರತಿದಿನ ಏನಾದರೊಂದು ವಿಶೇಷ ದಿನವಿದ್ದೇ ಇರುತ್ತದೆ. ಈ ಆಚರಣೆಗಳಿಗೆ ಒಂದು ಅರ್ಥವಿದ್ದರೆ, ಸಾರ್ಥಕತೆಯಿದ್ದರೆ ಇನ್ನೂ ಚೆಂದ.
ಅದೇ ರೀತಿ, ತಿಂಡಿ ತಿನಿಸುಗಳಿಗೆ ಕೂಡ ಒಂದೊಂದು ದಿನವನ್ನು ಮೀಸಲಿಡಲಾಗಿದೆ. ಚಾಕಲೇಟಿಗೊಂದು ದಿನವಿದ್ದ ಹಾಗೆ, ಕಡ್ಲೆಕಾಯಿಗೊಂದು ದಿನವೂ ಇದೆ. ಬೇಕಿದ್ದರೆ ಗೂಗಲನ್ನು ಹುಡುಕಾಡಿ ನೋಡಿ. ಅದರಂತೆ, ತಿಂಡಿಪೋತರ ಫೆವರಿಟ್ ಆಗಿರುವ ಸಮೋಸಕ್ಕೂ ಒಂದು ದಿನವಲ್ಲ, ಒಂದಿಡೀ ವಾರವನ್ನು ಮೀಸಲಿಡಲಾಗಿದೆ.
ಸಮೋಸಾದ ಮೂಲ ಯಾವುದು ಯಾರಿಗ್ಗೊತ್ತು? ಆದರೂ ಏಷ್ಯಾದಲ್ಲಿ ಅಂತ್ಯಂತ ಜನಪ್ರಿಯವಾಗಿರುವ ಈ ಜಾಗತಿಕ ತಿನಿಸಿನ ಬಗ್ಗೆ ಜಾಗೃತಿ ಮೂಡಿಸಲು, ಅದರ ಹಿಂದಿನ ಸಂಸ್ಕೃತಿ ಮತ್ತು ರುಚಿಯ ಗುಟ್ಟನ್ನು ತಿಳಿಸಲು ಲಂಡನ್ ನ ಲೀಸೆಸ್ಟರ್ ನಲ್ಲಿ ಹಬ್ಬವನ್ನೇ ಹಮ್ಮಿಕೊಳ್ಳಲಾಗಿದೆ.
ಸಮೋಸಾ ಹೆಸರು ಕೇಳಿದ ಕೂಡಲೆ ಕೆಲವರ ಬಾಯಲ್ಲಿ ನೀರೂರಲು ಆರಂಭಿಸಿರುತ್ತದೆ, ಕೆಲವರ ಹೊಟ್ಟೆ ಚುರುಗುಟ್ಟಲು ಶುರುವಾಗಿರುತ್ತದೆ. ಸಖತ್ತಾಗಿ ಕರಿದ ಗರಿಗರಿ ಸಮೋಸಾದಲ್ಲಿರುವ ರುಚಿಯೇ ಅಂತಹುದು. ಆದ್ದರಿಂದ ಏಪ್ರಿಲ್ 9ರಿಂದ 13ರವರೆಗೆ ಲೀಸೆಸ್ಟರ್ ಕರಿ ಅವಾರ್ಡ್ಸ್ ಸಮೋಸಾ ಫೆಸ್ಟಿವಲ್ ಆಯೋಜಿಸಿದೆ.
ಬರ್ಗರ್ ನಿಂದ ಹಿಡಿದು ಬಿಯರ್ ವರೆಗೆ ಪಾಶ್ಚಾತ್ಯ ರಾಷ್ಟ್ರಗಳಲ್ಲಿ ಉತ್ಸವ ಆಚರಿಸಲಾಗುತ್ತದೆ. ಹೀಗಾಗಿ, ಆಲೂಗಡ್ಡೆಯನ್ನು ಹೊಟ್ಟೆ ತುಂಬ ತುಂಬಿಕೊಂಡು, ತಿಂಡಿಪೋತರ ಹೊಟ್ಟೆಯನ್ನೂ ತುಂಬಿಸುವ ಸಮೋಸಾ ಉತ್ಸವ ಏಕೆ ಆಚರಿಸಬಾರದು ಎಂದು ರೊಮೇಲ್ ಗುಲ್ಜಾರ್ ಎಂಬುವವರಿಗೆ ಹೊಳೆದ ಐಡಿಯಾ ಫಲವಾಗಿಯೇ ಈ ಉತ್ಸವ ಆಯೋಜನೆಯಾಗಿದೆ.
ವಿಧಾನಸಭೆ ಚುನಾವಣೆ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ | ಯಾವ ಪಕ್ಷಕ್ಕೆಷ್ಟು ಸೀಟು? ನೀವೇ ಊಹಿಸಿ
ಸಮೋಸಾವನ್ನು ಆಲೂಗಡ್ಡೆಯಲ್ಲಿ ಮಾತ್ರವಲ್ಲ, ಮಟನ್ ನಿಂದಲೂ ತಯಾರಿಸುತ್ತಾರೆ. ಒಂದು ಅಂದಾಜಿನ ಪ್ರಕಾರ, ಸಂಬೋಸಗ್ ಅಥವಾ ಸಂಬೋಸಾ ಎಂದು ಪರ್ಶಿಯನ್ ಭಾಷೆಯಲ್ಲಿ ಸಮೋಸಾವನ್ನು ಕರೆಯುತ್ತಾರೆ. 9ನೇ ಶತಮಾನದ ಕವನವೊಂದರಲ್ಲಿ ಈ ಸ್ವಾದಿಷ್ಟಕರ ತಿನಿಸಿನ ಉಲ್ಲೇಘವಿದೆ. 10ನೇ ಶತಮಾನದಲ್ಲಿ ಸಮೋಸಾದ ತಿನಿಸಿನ ವಿವರಗಳಿರುವ ಪುಸ್ತಕ ಕೂಡ ಬಂದಿದ್ದವು.
