• search
For Quick Alerts
ALLOW NOTIFICATIONS  
For Daily Alerts

    ಅಮೆರಿಕ ಪೂರ್ವ ಕಡಲ ತೀರವನ್ನು ಅಪ್ಪಳಿಸಲಿದೆ ಫ್ಲೋರೆನ್ಸ್ ಚಂಡಮಾರುತ

    |

    ವಾಷಿಂಗ್ಟನ್, ಸೆಪ್ಟೆಂಬರ್ 11: ಅಮೆರಿಕದ ಪೂರ್ವ ಕಡಲ ತೀರವನ್ನು ಅಪ್ಪಳಿಸಲಿರುವ 'ಫ್ಲೋರೆನ್ಸ್' ಚಂಡಮಾರುತದ ಬಗ್ಗೆ ಎಚ್ಚರಿಕೆ ನೀಡಲಾಗಿದ್ದು, ವಾಷಿಂಗ್ಟನ್ ನ ಮೇಯರ್ ತುರ್ತು ಪರಿಸ್ಥಿತಿ ಘೋಷಣೆ ಮಾಡಿದ್ದಾರೆ. ಈ ಚಂಡಮಾರುತ ದಿಗ್ಭ್ರಮೆ ಹುಟ್ಟಿಸುವಂಥ ಅನಾಹುತಗಳನ್ನು ಮಾಡಬಹುದು ಎಂದು ರಾಷ್ಟ್ರೀಯ ಚಂಡಮಾರುತ ಕೇಂದ್ರದ ನಿರ್ದೇಶಕ ಕೆನ್ ಗ್ರಹಾಮ್ ಎಚ್ಚರಿಸಿದ್ದಾರೆ.

    ಸದ್ಯ ಇದು ಬರ್ಮುಡಾದ ದಕ್ಷಿಣಕ್ಕೆ ನಾನೂರು ಮೈಲಿ ದೂರದಲ್ಲಿದ್ದು, ಗಂಟೆಗೆ 26 ಕಿ.ಮೀ. ವೇಗದಲ್ಲಿ ಸಾಗುತ್ತಿದೆ. ಗುರುವಾರ, ಶುಕ್ರವಾರ ಹಾಗೂ ಶನಿವಾರದಂದು ಹಲವು ರಾಜ್ಯಗಳಲ್ಲಿ ಜೀವಕ್ಕೆ ಹಾನಿ ಮಾಡಬಲ್ಲಂಥ ಪ್ರವಾಹ ಸ್ಥಿತಿ ಏರ್ಪಡಬಹುದು ಎಂದು ಎಚ್ಚರಿಕೆ ನೀಡಲಾಗಿದೆ.

    ಉತ್ತರ ಕರೋಲಿನಾ ಹಾಗೂ ವರ್ಜಿನಿಯಾದಲ್ಲಿ ಇನ್ನು ಒಂದು ವಾರ ಭಾರೀ ಮಳೆಯಾಗುವ ಮುನ್ಸೂಚನೆ ನೀಡಲಾಗಿದೆ. ಆದರೆ ಇನ್ನೂ ಕೆಲವೆಡೆ ಅದಕ್ಕಿಂತಲೂ ದೊಡ್ಡ ಪ್ರಮಾಣದ ಮಳೆ ಹಾಗೂ ಸಮುದ್ರದ ಅಲೆಗಳ ಉಬ್ಬರ, ಅದೂ ಹನ್ನೆರಡು ಅಡಿ ಎತ್ತರಕ್ಕೂ ಮೇಲ್ಪಟ್ಟು ಕಾಣಿಸಿಕೊಳ್ಳಬಹುದು ಎಂದು ಮುಂಜಾಗ್ರತೆಯಾಗಿ ತಿಳಿಸಲಾಗಿದೆ.

    Hurricane

    ಉತ್ತರ ಹಾಗೂ ದಕ್ಷಿಣ ಕರೋಲಿನಾದಲ್ಲಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತುರ್ತು ಪರಿಸ್ಥಿತಿ ಘೋಷಣೆ ಮಾಡಿದ್ದಾರೆ. ಸರಕಾರದಿಂದ ಎಲ್ಲ ನೆರವು ನೀಡಲು ನಿರ್ಧರಿಸಿದ್ದು, ಗುರುವಾರ ಹಾಗೂ ಶುಕ್ರವಾರದಂದು ನಿಗದಿಯಾಗಿದ್ದ ತಮ್ಮ ಕಾರ್ಯಕ್ರಮವನ್ನು ರದ್ದುಪಡಿಸಿದ್ದಾರೆ.

    ಫ್ಲೋರಿಡಾದಲ್ಲಿ ಅಲ್ಲೋಲ ಕಲ್ಲೋಲ ಸೃಷ್ಟಿಸಿದ 'ಇರ್ಮಾ'

    ಎಲ್ಲಕ್ಕೂ ಸಿದ್ಧವಾಗಿರಿ, ಎಚ್ಚರವಾಗಿರಿ ಹಾಗೂ ಸುರಕ್ಷಿತವಾಗಿರಿ. ನಾವು ನಿಮಗಾಗಿಯೇ ಇದ್ದೇವೆ ಎಂದು ಟ್ವೀಟ್ ಮಾಡಿದ್ದಾರೆ. ದಕ್ಷಿಣ ಕರೋಲಿನಾದ ಗವರ್ನರ್, ಕಡಲ ಪ್ರದೇಶದಲ್ಲಿ ಒಟ್ಟಾರೆಯಾಗಿ ಸ್ಥಳಾಂತರಗೊಳ್ಳುವಂತೆ ಸೂಚನೆ ನೀಡಿದ್ದಾರೆ. ಹತ್ತು ಲಕ್ಷ ಮಂದಿ ಹೆದ್ದಾರಿಯ ವಿರುದ್ಧ ದಿಕ್ಕಿನಲ್ಲಿ ಮಂಗಳವಾರ ಮಧ್ಯಾಹ್ನದಿಂದಲೇ ತೆರಳುತ್ತಿದ್ದಾರೆ. ವರ್ಜಿನಿಯಾ, ಉತ್ತರ ಕರೋಲಿನಾ ಕಡಲ ತೀರದಲ್ಲೂ ಜನರ ಸ್ಥಳಾಂತರ ಮಾಡಲಾಗುತ್ತಿದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Washington's mayor Tuesday declared a state of emergency as Hurricane Florence bears down on the US East Coast, threatening torrential rain and flooding in the capital region.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more