Video: ರಷ್ಯಾದ ಡ್ರೋನ್ ದಾಳಿಗೆ ಉಕ್ರೇನ್ ಐದರ್ ಬೆಟಾಲಿಯನ್ ಕಮಾಂಡ್ ಪೋಸ್ಟ್ ನಾಶ
ಕೀವ್, ಮಾರ್ಚ್ 5: ರಷ್ಯಾದ ವೈಮಾನಿಕ ಪಡೆಗಳು ಡ್ರೋನ್ ದಾಳಿಯಲ್ಲಿ ಉಕ್ರೇನ್ನ ರೆಬಲ್ ಪ್ರದೇಶದ ಡೊನೆಟ್ಸ್ಕ್ನಲ್ಲಿ ಐದಾರ್ ಬೆಟಾಲಿಯನ್ ಕಮಾಂಡ್ ಮತ್ತು ವೀಕ್ಷಣಾ ಪೋಸ್ಟ್ ಅನ್ನು ನಾಶವಾಗಿದೆ ಎಂದು ರಷ್ಯಾದ ರಕ್ಷಣಾ ಸಚಿವಾಲಯ ಶುಕ್ರವಾರ ತಿಳಿಸಿದೆ.
ಉಕ್ರೇನ್ ನೆಲದಲ್ಲಿ ರಷ್ಯಾ ನಡೆಯುತ್ತಿರುವ ಯುದ್ಧವು 10ನೇ ದಿನಕ್ಕೆ ಕಾಲಿಟ್ಟಿದೆ. ಇದರ ಮಧ್ಯೆ ಡ್ರೋನ್ ದಾಳಿ ನಡೆಸಿರುವುದಕ್ಕೆ ಸಂಬಂಧಿಸಿದಂತೆ ರಷ್ಯಾದ ರಕ್ಷಣಾ ಸಚಿವಾಲಯವು ವೀಡಿಯೊ ತುಣುಕೊಂದನ್ನು ಪ್ರಕಟಿಸಿದೆ.
The destruction of the command and observation post of Aidar battalion by crew of unmanned aerial vehicle Inokhodets of the Russian Aerospace Forces in the territory of the Donetsk People's Republic. The target was hit by guided aerial munition. pic.twitter.com/0EYlHoNqpR
— Минобороны России (@mod_russia) March 4, 2022
ಡೊನೆಟ್ಸ್ಕ್ ಪೀಪಲ್ಸ್ ರಿಪಬ್ಲಿಕ್ನ ಭೂಪ್ರದೇಶದಲ್ಲಿ ರಷ್ಯಾದ ಏರೋಸ್ಪೇಸ್ ಪಡೆಯ ಮಾನವರಹಿತ ವೈಮಾನಿಕ ವಾಹನ ಇನೋಖೋಡೆಟ್ಸ್ನ ಸಿಬ್ಬಂದಿಯಿಂದ ಐದಾರ್ ಬೆಟಾಲಿಯನ್ ಕಮಾಂಡ್ ಮತ್ತು ವೀಕ್ಷಣಾ ಪೋಸ್ಟ್ ನಾಶಪಡಿಸಲಾಗಿದೆ. ಮಾರ್ಗದರ್ಶಿ ವೈಮಾನಿಕ ಯುದ್ಧಸಾಮಗ್ರಿಗಳಿಂದ ಹೊಡೆಯಲಾಗಿದೆ.
ಓರಿಯನ್ ಡ್ರೋನ್ ದಾಳಿ:
ಓರಿಯನ್ (ಇನೊಖೊಡೆಟ್ಸ್ ಎಂದೂ ಕರೆಯುತ್ತಾರೆ) ಡ್ರೋನ್ ರಷ್ಯಾದ ಮಧ್ಯಮ-ಎತ್ತರದ ದೀರ್ಘ-ಹಾರಾಟದ ಡ್ರೋನ್ ಆಗಿದೆ. ಇದನ್ನು ಕ್ರೋನ್ಸ್ಟಾಡ್ಟ್ ಅಭಿವೃದ್ಧಿಪಡಿಸಿದ್ದಾರೆ. ಡ್ರೋನ್ ನಾಲ್ಕು ಗಾಳಿಯಿಂದ ನೆಲಕ್ಕೆ ಕ್ಷಿಪಣಿಗಳನ್ನು ಹೊತ್ತೊಯ್ಯಬಲ್ಲದು. ಡ್ರೋನ್ 24 ಗಂಟೆಗಳವರೆಗೆ ಗಾಳಿಯಲ್ಲಿ ಉಳಿಯುವ ಸಾಮರ್ಥ್ಯವನ್ನು ಹೊಂದಿದೆ.
ರಷ್ಯಾದಿಂದ ಒಂದೇ ವಾರದಲ್ಲಿ 500 ಕ್ಷಿಪಣಿ ದಾಳಿ
ಕಳೆದ ಫೆಬ್ರವರಿ 24ರಂದು ಉಕ್ರೇನ್ ಮೇಲೆ ಯುದ್ಧ ಘೋಷಿಸಿದ ರಷ್ಯಾ ನಿರಂತರ ಕ್ಷಿಪಣಿ ದಾಳಿಯನ್ನು ನಡೆಸುತ್ತಿದೆ. ವ್ಲಾಡಿಮಿರ್ ಪುಟಿನ್ ಪಡೆ ನಡೆಸುತ್ತಿರುವ ವೈಮಾನಿಕ ದಾಳಿಗೆ ಉಕ್ರೇನ್ ನೆಲದಲ್ಲಿ ನರಕಸದೃಶ್ಯ ಸ್ಥಿತಿ ನಿರ್ಮಾಣವಾಗಿದೆ. ಉಕ್ರೇನ್ನ ಮೇಲೆ ಪೂರ್ಣ ಪ್ರಮಾಣದ ಆಕ್ರಮಣ ಪ್ರಾರಂಭವಾದ ನಂತರ ಕಳೆದ ಒಂದೇ ವಾರದಲ್ಲಿ ರಷ್ಯಾ ಪಡೆಯು 500ಕ್ಕೂ ಹೆಚ್ಚು ಕ್ಷಿಪಣಿಗಳನ್ನು ಹಾರಿಸಿದೆ ಎಂದು ತಿಳಿದು ಬಂದಿದೆ.
Click it and Unblock the Notifications
Sign in with Google