ಇಸ್ರೇಲ್ ಕ್ಷಿಪಣಿ ದಾಳಿಯಲ್ಲಿ 3 ಸಿರಿಯಾ ಯೋಧರ ಸಾವು

ಡಮಸ್ಕಸ್, ಆಗಸ್ಟ್ 15: ಇಸ್ರೇಲ್ ನಡೆಸಿದ ಕ್ಷಿಪಣಿ ದಾಳಿಯಲ್ಲಿ ಸಿರಿಯಾದ ಮೂವರು ಸೈನಿಕರು ಹುತಾತ್ಮರಾಗಿದ್ದು, ಮೂವರು ಗಾಯಗೊಂಡಿದ್ದಾರೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.

ರಾಜಧಾನಿ ಡಮಸ್ಕಸ್ ಮತ್ತು ಟಾರ್ಟಸ್ ಕರಾವಳಿ ಪ್ರಾಂತ್ಯದ ಸಮೀಪವಿರುವ ಗ್ರಾಮಾಂತರ ಪ್ರದೇಶವನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸಲಾಗಿದೆ. ರಾತ್ರಿ 8:50 ಗಂಟೆಗೆ (17:50 GMT) ಕ್ಷಿಪಣಿ ದಾಳಿಗಳು ನಡೆದಿವೆ ಎಂದು ಸನಾ ಸುದ್ದಿ ಸಂಸ್ಥೆಗಳು ತಿಳಿಸಿದೆ.

ಸಿರಿಯನ್ ವಾಯು ರಕ್ಷಣಾ ಪಡೆಗಳು ಈ "ದಾಳಿಗಳನ್ನು" ಎದುರಿಸಿತು. ಕೆಲವು ಕ್ಷಿಪಣಿಗಳನ್ನು ಹೊಡೆದುರುಳಿಸಿತು ಎಂದು ಹೆಸರಿಸದ ಮಿಲಿಟರಿ ಮೂಲವನ್ನು ಉಲ್ಲೇಖಿಸಿ SANA ಹೇಳಿದೆ. ಇನ್ನು ಈ ದಾಳಿಯಲ್ಲಿ ಮೂವರು ಸೈನಿಕರು ಹುತಾತ್ಮರಾಗಿದ್ದು, ಇತರೆ ಮೂವರು ಯೋಧರು ಗಾಯಗೊಂಡಿದ್ದಾರೆ," ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಇಸ್ರೇಲ್ ಪ್ರತಿಕ್ರಿಯೆ ನೀಡಲು ನಿರಾಕರಿಸಿದೆ:

ಲೆಬನಾನಿನ ರಾಜಧಾನಿ ಬೈರುತ್‌ನ ಆಗ್ನೇಯ ದಿಕ್ಕಿನಿಂದ ಡಮಸ್ಕಸ್ ಮೇಲೆ ದಾಳಿಗಳನ್ನು ನಡೆಸಲಾಯಿತು. ಆದರೆ ಟಾರ್ಟಸ್ ಮೇಲಿನ ದಾಳಿಗಳು ಮೆಡಿಟರೇನಿಯನ್ ಸಮುದ್ರದಿಂದ ಬಂದಿವೆ. ಈ ದಾಳಿಯಿಂದ ಜೀವಹಾನಿ ಜೊತೆಗೆ ವಸ್ತುಗಳಿಗೂ ಹಾನಿಯಾಗಿದೆ ಎಂದು ಮಿಲಿಟರಿ ಮೂಲಗಳು ಉಲ್ಲೇಖಿಸಿವೆ. ಆದರೆ ಈ ಕುರಿತು ಪ್ರತಿಕ್ರಿಯೆ ನೀಡುವುದಕ್ಕೆ ಇಸ್ರೇಲ್ ಸೇನಾಪಡೆಯು ನಿರಾಕರಿಸಿದೆ.

ಇಸ್ರೇಲ್ ಸಮರ್ಥನೆ ಏನು?:

2011ರಲ್ಲಿ ಸಿರಿಯಾದಲ್ಲಿ ಅಂತರ್ಯುದ್ಧ ಪ್ರಾರಂಭವಾದಾಗಿನಿಂದ ಇಸ್ರೇಲ್, ಈ ದೇಶದೊಳಗೆ ನೂರಾರು ವೈಮಾನಿಕ ದಾಳಿಗಳನ್ನು ನಡೆಸಿದೆ. ಸರ್ಕಾರಿ ಸ್ಥಾನಗಳನ್ನು ಮತ್ತು ಮಿತ್ರ ಇರಾನ್ ಬೆಂಬಲಿತ ಪಡೆಗಳು ಮತ್ತು ಹೆಜ್ಬುಲ್ಲಾ ಹೋರಾಟಗಾರರನ್ನು ಗುರಿಯಾಗಿಸಿಕೊಂಡಿದೆ. ಸಿರಿಯಾದಲ್ಲಿನ ವೈಯಕ್ತಿಕ ದಾಳಿಗಳ ಬಗ್ಗೆ ಇಸ್ರೇಲ್ ಅಪರೂಪಕ್ಕೆ ಆರೋಪ ಮಾಡುತ್ತಿದೆ. ಆದರೆ ಇರಾನ್ ತನ್ನವರೆಗೆ ಬಾರದಿರುವುದಕ್ಕೆ ಈ ಕ್ರಮ ತೆಗೆದುಕೊಂಡಿರುವುದಾಗಿ ಇಸ್ರೇಲ್ ಸಮರ್ಥಿಸಿಕೊಳ್ಳುತ್ತಿದೆ.

ಇರಾನ್ ಬೆಂಬಲಿತ ಗುಂಪುಗಳ ಮೇಲೆ ದಾಳಿ:

ಸಿರಿಯನ್ ಮಾನವ ಹಕ್ಕುಗಳ ವೀಕ್ಷಣಾಲಯವು ಭಾನುವಾರದ ದಾಳಿಯ ಬಗ್ಗೆ ವರದಿ ಮಾಡಿದೆ. ಈ ದಾಳಿಗಳು ಇರಾನ್ ಬೆಂಬಲಿತ ಗುಂಪುಗಳು ಸಕ್ರಿಯವಾಗಿರುವ ಟಾರ್ಟಸ್ ಪ್ರಾಂತ್ಯದ ವಾಯು ರಕ್ಷಣಾ ನೆಲೆಯನ್ನು ಗುರಿಯಾಗಿಸಿಕೊಂಡಿವೆ ಎಂದು ಹೇಳಿದರು. ಟಾರ್ಟಸ್‌ನಲ್ಲಿರುವ ರಷ್ಯಾದ ನೆಲೆಯಿಂದ 8 ಕಿಮೀ (5 ಮೈಲುಗಳು) ದೂರದಲ್ಲಿ ಈ ಪ್ರದೇಶವಿದೆ ಎಂದು ಹೇಳಲಾಗುತ್ತಿದ.

English summary

Three Syria soldiers killed, three other wounded in Israel missile attacks. Know More.