ಬಿಹಾರದಿಂದ ಸಿಂಗಾಪುರದವರೆಗೆ ಚಿಕನ್ ಬೆಲೆ ಏರಿಕೆ: ರಷ್ಯಾ-ಉಕ್ರೇನ್ ಯುದ್ಧವೇ ಕಾರಣ

| Updated: Monday, May 30, 2022, 13:11 [IST]

ನ್ಯೂಯಾರ್ಕ್: ವಿಶ್ವದಲ್ಲೇ ಅತಿ ಹೆಚ್ಚು ಸೇವಿಸುವ ಮಾಂಸ ಕೋಳಿ. ಈ ಜನಪ್ರಿಯ ಮಾಂಸದ ಬೆಲೆ ಪ್ರಪಂಚದಾದ್ಯಂತ ನಿರಂತರವಾಗಿ ಹೆಚ್ಚುತ್ತಿದೆ. ಅದು ಬಿಹಾರದ ಸಮಸ್ತಿಪುರ್ ಆಗಿರಲಿ ಅಥವಾ ಅಮೆರಿಕದ ಮ್ಯಾನ್‌ಹ್ಯಾಟನ್ ಆಗಿರಲಿ ಅಥವಾ ಸುದೀರ್ಘ ಕರಾವಳಿಯನ್ನು ಹೊಂದಿರುವ ದೇಶವಾದ ಸಿಂಗಾಪುರವಾಗಿರಲಿ. ಕೋಳಿ ಮಾಂಸದ ಬೆಲೆ ಏರಿಕೆಯ ಸುದ್ದಿ ಬರದೇ ಇರುವ ಸ್ಥಳಗಳಿಲ್ಲ.

ಪ್ರಪಂಚದಾದ್ಯಂತ ಶ್ರೀಮಂತ ಅಥವಾ ಬಡವ, ಹೆಚ್ಚು ಕಡಿಮೆ ಪ್ರತಿಯೊಬ್ಬ ಕೋಳಿ ಪ್ರಿಯರೂ. ಆದರೀಗ ಅದರ ಏರುತ್ತಿರುವ ಬೆಲೆಗಳಿಂದ ಚಿಂತಿಸುವಂತಾಗಿದೆ. ಆದರೆ ಪ್ರಶ್ನೆಯೆಂದರೆ, ಪ್ರಪಂಚದಾದ್ಯಂತ ಕೋಳಿ ಏಕೆ ದುಬಾರಿಯಾಗುತ್ತಿದೆ? ಬ್ಲೂಮ್‌ಬರ್ಗ್ ವರದಿಯ ಪ್ರಕಾರ, ಇತ್ತೀಚಿನ ತಿಂಗಳುಗಳಲ್ಲಿ ಕೋಳಿ ಬೆಲೆಗಳು ತೀವ್ರವಾಗಿ ಏರಿದೆ. ಬೆಲೆ ಏರಿಕೆಗೆ ಮೂರು ಪ್ರಮುಖ ಕಾರಣಗಳನ್ನು ನೀಡಲಾಗಿದೆ.

ಕೋಳಿ ಮಾಂಸ ಬೆಲೆ ಹೆಚ್ಚಳ

ಕೋಳಿ ಬೆಲೆ ಏರಿಕೆಗೆ ರಷ್ಯಾ-ಉಕ್ರೇನ್ ಯುದ್ಧವೇ ದೊಡ್ಡ ಕಾರಣ. ರಷ್ಯಾ-ಉಕ್ರೇನ್ ಯುದ್ಧ ಜಾಗತಿಕ ಪೂರೈಕೆ ಸರಪಳಿಯನ್ನು ಅಡ್ಡಿಪಡಿಸಿದೆ. ರಷ್ಯಾದ ಉಕ್ರೇನ್ ಆಕ್ರಮಣದ ನಂತರ, ಯುಎಸ್ ಮತ್ತು ಪಾಶ್ಚಿಮಾತ್ಯ ಮಿತ್ರರಾಷ್ಟ್ರಗಳಿಂದ ಮಾಸ್ಕೋ ಮೇಲೆ ಹಲವಾರು ಆರ್ಥಿಕ ನಿರ್ಬಂಧಗಳನ್ನು ವಿಧಿಸಲಾಯಿತು. ಇದು ಅವರ ನಡುವಿನ ಸಂಬಂಧವನ್ನು ಹದಗೆಡಿಸಿತು. ಉಕ್ರೇನ್ ಯುದ್ಧದ ನಡುವೆ ಅನಿಲ ಮತ್ತು ಗೋಧಿ ಹೆಚ್ಚು ಪರಿಣಾಮ ಬೀರುವ ಸರಕುಗಳಲ್ಲಿ ಸೇರಿವೆ. ಗ್ಯಾಸ್ ಮತ್ತು ಗೋಧಿಯ ನಡುವೆ ಈ ಕೋಳಿ ಎಲ್ಲಿಂದ ಬಂದಿದೆ ಎಂದು ನೀವು ಯೋಚಿಸುತ್ತಿರಬೇಕು? ಆದರೆ ಕೋಳಿ ಬೆಲೆ ಏರಿಕೆಗೂ ಯುದ್ಧಕ್ಕೂ ನಂಟು ಇದೆ ಎನ್ನುವುದು ಸತ್ಯ.

ಉಕ್ರೇನ್ ಕಾರ್ನ್ ಮತ್ತು ಗೋಧಿ ಪ್ರಮುಖ ಬೆಳೆ

ವಾಸ್ತವವಾಗಿ, ಉಕ್ರೇನ್ ಕಾರ್ನ್ ಮತ್ತು ಗೋಧಿಯ ಪ್ರಮುಖ ಉತ್ಪಾದಕವಾಗಿದೆ. ಇವೆರಡೂ ಕೋಳಿ ಆಹಾರದ ಮುಖ್ಯ ಅಂಶಗಳಾಗಿವೆ. ಆದರೆ ಯುದ್ಧದಿಂದಾಗಿ ಜಾಗತಿಕ ಪೂರೈಕೆಗಳು ಸ್ಥಗಿತಗೊಂಡಿವೆ. ಇದರಿಂದ ಕೋಳಿ ಆಹಾರ ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗಿದ್ದು, ಕೋಳಿ ಸಾಕಾಣಿಕೆದಾರರಿಗೆ ತೀವ್ರ ತೊಂದರೆಯಾಗುತ್ತಿದೆ. ಬ್ಲೂಮ್‌ಬರ್ಗ್ ವರದಿಯ ಪ್ರಕಾರ, ಕಳೆದ ಡಿಸೆಂಬರ್‌ಗೆ ಹೋಲಿಸಿದರೆ ಯುಕೆಯಲ್ಲಿ ಹಕ್ಕಿಯ ಬೆಲೆ ಸುಮಾರು 8 ಪ್ರತಿಶತದಷ್ಟು ಜಿಗಿದಿದೆ.

ಸುಮಾರು 40 ಮಿಲಿಯನ್ ಕೋಳಿಗಳ ಸಾವು

ಕೋಳಿ ದುಬಾರಿಯಾಗಲು ಎರಡನೇ ದೊಡ್ಡ ಕಾರಣವೆಂದರೆ ಕೋಳಿಗಳಲ್ಲಿ ಹರಡುವ ರೋಗಗಳು. ಕೋಳಿ ಸಾಕಾಣಿಕೆದಾರರಿಗೆ ಏವಿಯನ್ ಫ್ಲೂ ಮತ್ತೊಂದು ಹೊಡೆತವಾಗಿದೆ. ಇದರಿಂದಾಗಿ ಲಕ್ಷಾಂತರ ಕೋಳಿಗಳು ಸಾವನ್ನಪ್ಪಿವೆ. ಫೆಬ್ರವರಿ ಆರಂಭದಿಂದ ಯುಎಸ್ ಮತ್ತು ಟರ್ಕಿಯಲ್ಲಿ 3.8 ಕೋಟಿ ಕೋಳಿಗಳು ಭಾರೀ ಸಂಖ್ಯೆಯಲ್ಲಿ ಏಕಾಏಕಿ ಸಾವನ್ನಪ್ಪಿವೆ ಎಂದು ಬ್ಲೂಮ್‌ಬರ್ಗ್ ವರದಿ ತಿಳಿಸಿದೆ. ಅದೇ ಸಮಯದಲ್ಲಿ, ಬ್ರಿಟನ್ ಕಳೆದ ವರ್ಷದ ಕೊನೆಯ ತಿಂಗಳುಗಳಲ್ಲಿ ಹಕ್ಕಿ ಜ್ವರದ ಅತಿದೊಡ್ಡ ಹೊಡೆತವನ್ನು ಎದುರಿಸಿದೆ. ಒಂದು ವರದಿಯ ಪ್ರಕಾರ, ಪ್ರತಿ 20 ಪಕ್ಷಿಗಳಲ್ಲಿ ಒಂದನ್ನು ಅಲ್ಲಿ ಕೊಲ್ಲಲಾಯಿತು.

ಮಲೇಷ್ಯಾ ಜೂ.1 ರಿಂದ ಕೋಳಿಗಳ ರಫ್ತು ಬಂದ್

ಅದೇ ಸಮಯದಲ್ಲಿ, ಕೋಳಿ ಬೆಲೆ ಏರಿಕೆಗೆ ಮೂರನೇ ದೊಡ್ಡ ಕಾರಣವೆಂದರೆ ಆರ್ಥಿಕ ಮಂದಗತಿ. ಸೋಮವಾರ ಮೇ 23 ರಂದು, ಮಲೇಷ್ಯಾ ಜೂನ್ 1 ರಿಂದ ದೇಶೀಯ ಉತ್ಪಾದನೆ ಮತ್ತು ಬೆಲೆಗಳು ಸ್ಥಿರವಾಗುವವರೆಗೆ 36 ಲಕ್ಷ ಕೋಳಿಗಳ ರಫ್ತನ್ನು ನಿಲ್ಲಿಸುವುದಾಗಿ ಘೋಷಿಸಿದೆ. ಸ್ಥಳೀಯ ಸರಬರಾಜುಗಳನ್ನು ಖಚಿತಪಡಿಸಿಕೊಳ್ಳಲು ಮತ್ತು ಹೆಚ್ಚುತ್ತಿರುವ ಆಹಾರ ವೆಚ್ಚವನ್ನು ನಿಗ್ರಹಿಸಲು ಮಲೇಷ್ಯಾದ ಪ್ರಕಟಣೆಯು ಕೋಳಿ ಮಾಂಸ ಬೆಲೆ ಏರಿಕೆಗೆ ಪ್ರಮುಖ ಕಾರಣವಾಗಿದೆ. ಇಂತಹ ನಡೆಗಳು ಕೋಳಿಯಂತಹ ಉತ್ಪನ್ನಗಳ ಬೆಲೆ ಏರಿಕೆಗೂ ಕಾರಣವಾಗಿವೆ.