Nobel Prize 2024: ದಕ್ಷಿಣ ಕೊರಿಯಾದ ಲೇಖಕಿ ಹಾನ್ ಕಾಂಗ್ಗೆ ಸಾಹಿತ್ಯ ನೊಬೆಲ್ ಪ್ರಶಸ್ತಿ
ದಕ್ಷಿಣ ಕೊರಿಯಾದ ಬರಹಗಾರ್ತಿ ಹಾನ್ ಕಾಂಗ್ ಅವರಿಗೆ 2024ನೇ ಸಾಲಿನ ಸಾಹಿತ್ಯ ನೊಬೆಲ್ ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗಿದೆ. ಅವರ "ಐತಿಹಾಸಿಕ ಆಘಾತಗಳನ್ನು ಎದುರಿಸುವ ಮತ್ತು ಮಾನವ ಜೀವನದ ದುರ್ಬಲತೆಯನ್ನು ಬಹಿರಂಗಪಡಿಸುವ ಆಳವಾದ ಕಾವ್ಯಾತ್ಮಕ ಗ್ರಂಥಕ್ಕಾಗಿ" ಸಾಹಿತ್ಯ ನೊಬೆಲ್ ಪ್ರಶಸ್ತಿಯನ್ನು ನೀಡಲಾಗಿದೆ.
2024ನೇ ಸಾಲಿನ ಸಾಹಿತ್ಯ ನೊಬೆಲ್ ಪ್ರಶಸ್ತಿಯನ್ನು ಪಡೆದ ಹಾನ್ ಕಾಂಗ್, 1970 ರಲ್ಲಿ ದಕ್ಷಿಣ ಕೊರಿಯಾದ ಗ್ವಾಂಗ್ಜು ನಗರದಲ್ಲಿ ಜನಿಸಿದರು. ಒಂಬತ್ತನೇ ವಯಸ್ಸಿನಲ್ಲಿ, ಅವರು ತಮ್ಮ ಕುಟುಂಬದೊಂದಿಗೆ ಸಿಯೋಲ್ಗೆ ತೆರಳಿದರು. ಅವರ ಕುಟುಂಬದವರು ಸಾಹಿತ್ಯಿಕ ಹಿನ್ನೆಲೆಯಿಂದ ಬಂದವರಾಗಿದ್ದಾರೆ. ಅವರ ತಂದೆ ಒಬ್ಬ ಪ್ರಸಿದ್ಧ ಕಾದಂಬರಿಕಾರರಾಗಿದ್ದರು.
ಹಾನ್ ಕಾಂಗ್ ಅವರು ಬರವಣಿಗೆಯ ಜೊತೆಗೆ ಕಲೆ ಮತ್ತು ಸಂಗೀತದಲ್ಲಿ ಹೆಚ್ಚಿನ ಆಸಕ್ತಿಯನ್ನು ಹೊಂದಿದ್ದರು. ಹಾನ್ ಕಾಂಗ್ ಅವರು 1993 ರಲ್ಲಿ ವಿಂಟರ್ ಇನ್ ಸಿಯೋಲ್ ಎಂಬ ಕವನವನ್ನು ಬರೆಯುವ ಮೂಲಕ ಕವಿಯಾಗಿ ಸಾಹಿತ್ಯ ಕ್ಷೇತ್ರದಲ್ಲಿ ಚೊಚ್ಚಲ ಪ್ರವೇಶ ಪಡೆದರು.
ನಾರ್ವೇಜಿಯನ್ ಬರಹಗಾರ ಜಾನ್ ಫೋಸ್ಸೆಗೆ 2023 ರಲ್ಲಿ ಪ್ರಶಸ್ತಿ
2023ನೇ ಸಾಲಿನ ಸಾಹಿತ್ಯ ನೊಬೆಲ್ ಪ್ರಶಸ್ತಿಯನ್ನು ನಾರ್ವೇಜಿಯನ್ ಬರಹಗಾರ ಜಾನ್ ಫಾಸ್ಸೆ ಅವರಿಗೆ ನೀಡಲಾಯಿತು. ಅವರ ನವೀನ ನಾಟಕಗಳು ಮತ್ತು ಸಾಹಿತ್ಯಕ್ಕಾಗಿ ಈ ಗೌರವವನ್ನು ನೀಡಲಾಯಿತು. ಫೋಸ್ ತನ್ನ ಮೊದಲ ಕಾದಂಬರಿ ರೆಡ್ ಅಂಡ್ ಬ್ಲ್ಯಾಕ್ ನಲ್ಲಿ ಆತ್ಮಹತ್ಯೆಯ ಸೂಕ್ಷ್ಮ ವಿಷಯದ ಬಗ್ಗೆ ಬರೆದಿದ್ದಾರೆ. ಫೋಸ್ಸೆ ಅವರು ಸಾಹಿತ್ಯಕ್ಕಾಗಿ ನೊಬೆಲ್ ಪ್ರಶಸ್ತಿಯನ್ನು ಪಡೆದ ನಾಲ್ಕನೇ ನಾರ್ವೇಜಿಯನ್ ಬರಹಗಾರರಾಗಿದ್ದಾರೆ.
ಸಾಹಿತ್ಯ ಕ್ಷೇತ್ರದಲ್ಲಿ ಈವರೆಗೆ 121 ಮಂದಿಗೆ ನೊಬೆಲ್
ಸಾಹಿತ್ಯ ಕ್ಷೇತ್ರದಲ್ಲಿ ಈವರೆಗೆ 121 ಮಂದಿ ನೊಬೆಲ್ ಪಡೆದಿದ್ದಾರೆ. ಅದರಲ್ಲಿ ಕೇವಲ 18 ಮಹಿಳೆಯರಿದ್ದಾರೆ. ಸಾಹಿತ್ಯಕ್ಕಾಗಿ ನೊಬೆಲ್ ಪ್ರಶಸ್ತಿ ಪಡೆದ ಏಕೈಕ ಭಾರತೀಯ ರವೀಂದ್ರನಾಥ ಟ್ಯಾಗೋರ್. ಅವರು 1913 ರಲ್ಲಿ ಈ ಪ್ರಶಸ್ತಿಯನ್ನು ಪಡೆದರು.
ಫ್ರೆಂಚ್ ಬರಹಗಾರ ಅನ್ನಿ ಎರ್ನಾಕ್ಸ್ ಗೆ 2022ರಲ್ಲಿ ಗೌರವ
2022ನೇ ಸಾಲಿನ ಸಾಹಿತ್ಯ ನೊಬೆಲ್ ಪ್ರಶಸ್ತಿಯನ್ನು ಫ್ರೆಂಚ್ ಬರಹಗಾರ ಅನ್ನಿ ಎರ್ನಾಕ್ಸ್ ಅವರಿಗೆ ನೀಡಲಾಯಿತು. ಅನ್ನಿ ಎರ್ನಾಕ್ಸ್ 1 ಸೆಪ್ಟೆಂಬರ್ 1940 ರಂದು ಜನಿಸಿದರು. ಅವರು ಫ್ರೆಂಚ್ ಬರಹಗಾರ ಮತ್ತು ಸಾಹಿತ್ಯದ ಪ್ರಾಧ್ಯಾಪಕರಾಗಿದ್ದಾರೆ. ಅವರ ಸಾಹಿತ್ಯ ಹೆಚ್ಚಾಗಿ ಆತ್ಮಚರಿತ್ರೆಯಾಗಿದ್ದು, ಸಮಾಜಶಾಸ್ತ್ರವನ್ನು ಆಧರಿಸಿದೆ. ವೈಯಕ್ತಿಕ ಸ್ಮರಣೆಯ ಸಾರ, ವ್ಯವಸ್ಥೆಗಳು ಮತ್ತು ಸಾಮೂಹಿಕ ನಿರ್ಬಂಧಗಳನ್ನು ಧೈರ್ಯ ಮತ್ತು ರೂಪಕ ತೀಕ್ಷ್ಣತೆಯೊಂದಿಗೆ ಬಹಿರಂಗಪಡಿಸುವ ಅವರ ಬರಹಗಳಿಗಾಗಿ ಅನ್ನಿ ಎರ್ನಾಕ್ಸ್ (82) ಅವರಿಗೆ ಈ ಗೌರವವನ್ನು ನೀಡಲಾಗಿದೆ ಎಂದು ನೊಬೆಲ್ ಸಮಿತಿ ಹೇಳಿದೆ.
ಅಕ್ಟೋಬರ್ 7 ರಿಂದ ಪ್ರಾರಂಭ
ನೊಬೆಲ್ ಪ್ರಶಸ್ತಿಗಳ ಘೋಷಣೆಯು ವೈದ್ಯಕೀಯದಲ್ಲಿ ನೊಬೆಲ್ ಪ್ರಶಸ್ತಿಯೊಂದಿಗೆ ಪ್ರಾರಂಭವಾಯಿತು. ಇದನ್ನು ಸೋಮವಾರ ಅಕ್ಟೋಬರ್ 7 ರಂದು ಘೋಷಿಸಲಾಯಿತು. ಇದರ ನಂತರ, ಅಕ್ಟೋಬರ್ 8 ರ ಮಂಗಳವಾರ ಭೌತಶಾಸ್ತ್ರದ ನೊಬೆಲ್ ಪ್ರಶಸ್ತಿಯನ್ನು ಘೋಷಿಸಲಾಯಿತು. ಇದಾದ ನಂತರ ಬುಧವಾರ ರಸಾಯನಶಾಸ್ತ್ರದ ನೊಬೆಲ್ ಪ್ರಶಸ್ತಿಯನ್ನು ಪ್ರಕಟಿಸಲಾಯಿತು. ಇದೀಗ ಗುರುವಾರ ಸಾಹಿತ್ಯ ಕ್ಷೇತ್ರದ ನೊಬೆಲ್ ಪ್ರಶಸ್ತಿ ವಿಜೇತರ ಹೆಸರನ್ನು ಪ್ರಕಟಿಸಲಾಗಿದೆ. ಇದಲ್ಲದೆ ನೊಬೆಲ್ ಶಾಂತಿ ಪ್ರಶಸ್ತಿಯನ್ನು ಶುಕ್ರವಾರ ಪ್ರಕಟಿಸಲಾಗುವುದು ಮತ್ತು ಅರ್ಥಶಾಸ್ತ್ರ ಕ್ಷೇತ್ರದಲ್ಲಿ ಈ ಪ್ರಶಸ್ತಿ ವಿಜೇತರನ್ನು ಅಕ್ಟೋಬರ್ 14 ರಂದು ಪ್ರಕಟಿಸಲಾಗುವುದು.
Click it and Unblock the Notifications
Sign in with Google