ಮಲೇಷ್ಯಾ ವಿಮಾನದ ಪೈಲಟ್ ಮಗಳು ಬರೆದ ಪತ್ರ
ಕೌಲಾಲಂಪುರ, ಮಾರ್ಚ್ 20: ಮಲೇಷಿಯಾದ ಬೋಯಿಂಗ್ ವಿಮಾನ ಎಲ್ಹೋಯ್ತೋ/ ಏನಾಯ್ತೋ ಪ್ರಪಂಚಕ್ಕೆ ಇನ್ನೂ ತಿಳಿದುಬಂದಿಲ್ಲ. ಅದರಲ್ಲಿದ್ದ 239 ಮಂದಿ ಪ್ರಯಾಣಿಕರು ಏನಾದರು ಎಂಬುದೂ ಗೊತ್ತಾಗುತ್ತಿಲ್ಲ. ವಿಮಾನ ಹೈಜಾಕ್ ಆಗಿದೆಯಾ? ಅದೂ ಗೊತ್ತಾಗುತ್ತಿಲ್ಲ.
ಈ ಮಧ್ಯೆ, ವಿಮಾನದ ಪೈಲಟ್ ಒಬ್ಬರು ವಿಮಾನ ಚಾಲನೆ ಮಾಡುತ್ತಾ ಆತ್ಮಹತ್ಯೆ ಮಾಡಿಕೊಂಡರೆಂದೂ, ಅವರೇ ವಿಮಾನ ಅಪಹರಿಸಿದ್ದಾರೆಂದೂ ಗಾಳಿಸುದ್ದಿ ಕೇಳಿಬಂದಿದೆ. ಈ ಹಿನ್ನೆಲೆಯಲ್ಲಿ ನತದೃಷ್ಟ ವಿಮಾನದ ಪೈಲಟ್ ಕ್ಯಾಪ್ಟನ್ ಅಬೀದ್ ರಹೀಂ ಹರುಣ್ ಅವರ ಮಗಳು ನೂರ್ ನಾಡಿಯಾ ಅಬೀದ್ ರಹೀಂ ಅವರು ಸಾರ್ವಜನಿಕವಾಗಿ ಪತ್ರವೊಂದನ್ನು ಬರೆದಿದ್ದಾರೆ.
(ಮಲೇಷ್ಯಾ ವಿಮಾನ: 6 ಭಾರತೀಯರ ದುರಂತ ಕಥೆಗಳು)
ಪತ್ರದಲ್ಲಿ ತಮ್ಮ ತಂದೆ Captain Abd Rahim Harun ಬಗ್ಗೆ ಮಗಳು ನೂರ್ ನಾಡಿಯಾ ಸಹಜವಾಗಿಯೇ ಅಪಾರ ಪ್ರೀತಿ, ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಪತ್ರದ ಆಯ್ದ ಭಾಗಗಳು: Malaysia Airlines ಸಂಸ್ಥೆಯ ಹೆಮ್ಮೆಯ ಪೈಟಲ್ ಅವರು. ಅವರಿಗೂ ಸಂಸ್ಥೆಯ ಬಗ್ಗೆ ಅಪಾರ ವಿಶ್ವಾಸವಿತ್ತು.
ಪೈಲಟ್ ಆಗಿದ್ದ ನಮ್ಮಪ್ಪ ಹೆಚ್ಚಾಗಿ ವಿದೇಶಗಳಲ್ಲೇ ಕಾಲ ಕಳೆಯುತ್ತಿದ್ದರು. ಅವರನ್ನು ನಾವು ಯಾವಾಗಲೋ ನೋಡುತ್ತಿದ್ದೆವು. ಆದರೂ ನಮಪ್ಪ ನಮಗಾಗಿ ಎಲ್ಲೋ ಕಷ್ಟಪಡುತ್ತಿದ್ದಾರೆ ಎಂದು ಸಮಾಧಾನಪಡುತ್ತಿದ್ದೆವು. (ಮಲೇಷ್ಯಾ ವಿಮಾನ: ಮೌನಿ ಕೇಂದ್ರದ ವಿರುದ್ಧ ಕುಟುಂಬ ಕಿಡಿ)
ಈಗ ನಡೆದಿರಬಹುದಾದ ದುರಂತ ನೆನಪಿಸಿಕೊಂಡರೆ ದುಃಖವಾಗುತ್ತದೆ. ಆದರೆ ಜನ ತಮ್ಮ ತೀರ್ಪುಗಳನ್ನು ನೀಡುವ ಮುನ್ನ, ಬೆರಳೆತ್ತಿ ತೋರಿಸಿ ದೂಷಿಸುವ ಮುನ್ನ, ಊಹಾಪೋಹಗಳು, ಗಾಳಿಸುದ್ದಿ ಹಬ್ಬುವ ಮುನ್ನ ಒಮ್ಮೆ ಸತ್ಯದ ಮತ್ತೊಂದು ಮುಖವನ್ನೂ ನೋಡಿ. MH370 ಎಲ್ಲೇ ಇದ್ದರೂ ಮರಳಿ ಬರಲೆಂದು ನಾನು ಪ್ರಾರ್ಥಿಸುತ್ತೇನೆ.
ಪತ್ರ ಪೂರ್ಣ ಪಾಠಕ್ಕಾಗಿ ಇಲ್ಲಿ ಕ್ಲಿಕ್ಕಿಸಿ:
Click it and Unblock the Notifications
Sign in with Google