ಅಮೆರಿಕದ ಫ್ಲೊರಿಡಾದಲ್ಲಿ ಶೂಟೌಟ್: ಐವರು ಬಲಿ
ಫ್ಲೋರಿಡಾ, ಜನವರಿ 24: ಅಮೆರಿಕದ ಫ್ಲೋರಿಡಾದ ಬ್ಯಾಂಕ್ ವೊಂದರಲ್ಲಿ ನಡೆದ ಶೂಟೌಟ್ ನಲ್ಲಿ ಐವರು ಬಲಿಯಾಗಿದ್ದಾರೆಂದು ವರದಿಗಳು ತಿಳಿಸಿವೆ.
21 ವರ್ಷ ವಯಸ್ಸಿನ ಝೆಪೆನ್ ಕ್ಸಾವರ್ ಎಂಬಾತನನ್ನು ಶಂಕಿತ ಎಂದು ಬಂಧಿಸಲಾಗಿದ್ದು, ಈತ ಫ್ಲೋರಿಡಾ ನಗರದ ಸೆಬ್ರಿಂಗ್ಸ್ ನ ಸನ್ ಟ್ರಸ್ಟ್ ಬ್ಯಾಂಕ್ ಬಳಿ ಬಂದು ಶೂಟೌಟ್ ನಡೆಸಿದ್ದಾನೆ ಎನ್ನಲಾಗಿದೆ.
ಘಟನೆಯ ನಂತರ ತಾನು ಬ್ಯಾಕ್ ಬಳಿ ಶೂಟೌಟ್ ನಡೆಸಿ, ಐವರನ್ನು ಕೊಂದಿರುವುದಾಗ ಕ್ಸಾವರ್ ಸ್ವತಃ ಪೊಲೀಸರಿಗೆ ಫೋನ್ ಮಾಡಿ ತಿಳಿಸಿದ್ದಾನೆ.
ವರ್ಷಾರಂಭದಲ್ಲಿ ಅಂದರೆ ಜನವರಿ 5 ರಂದು ಅಮೆರಿಕದ ಕ್ಯಾಲಿಫೋರ್ನಿಯಾದಲ್ಲಿ ನಡೆದಿದ್ದ ಶೂಟೌಟ್ ನಲ್ಲಿ ಮೂವರು ಹತರಾಗಿದ್ದರು.
ಅದಕ್ಕೂ ಮುನ್ನ ಡಿಸೆಂಬರ್ 20 ರಂದು ಅಮೆರಿಕದ ಟಲ್ಸಾದ ವಾಲ್ ಗ್ರೀನ್ಸ್ ನಲ್ಲಿ ನಡೆದ ಶೂಟೌಟ್ ನಲ್ಲಿ ಶೂಟರ್ ೃತನಾದ ಘಟನೆ ನಡೆದಿತ್ತು.
ನವೆಂಬರ್ 8 ರಂದು ಕ್ಯಾಲಿಫೋರ್ನಿಯಾದ ಥೌಸಂಡ್ ಓಕ್ಸ್ ನಗರದ ಮ್ಯೂಸಿಕ್ ಬಾರೊಂದರಲ್ಲಿ ವ್ಯಕ್ತಿಯೊಬ್ಬ ನಡೆಸಿದ ಭೀಕರ ಗುಂಡಿನ ದಾಳಿಯಲ್ಲಿ 13 ಜನರು ಸಾವಿಗೀಡಾಗಿದ್ದರು.
2018 ರ ಫೆಬ್ರವರಿ 15 ರಂದು ಅಮೆರಿಕದ ಫ್ಲೋರಿಡಾದ ಪಾರ್ಕ್ ಲ್ಯಾಂಡ್ ನಲ್ಲಿರುವ ಪ್ರೌಢಶಾಲೆಯೊಂದರಲ್ಲಿ ನಡೆದ ಶೂಟೌಟ್ ನಲ್ಲಿ 17 ಮಂದಿ ಸಾವಿಗೀಡಾಗಿದ್ದರು.
Click it and Unblock the Notifications
Sign in with Google