ಡಿಗ್ರಿ ವಿವಾದದಲ್ಲಿ ಸಿಲುಕಿದ ಇಮ್ರಾನ್ ಖಾನ್ ಪತ್ನಿ ರೆಹಂ ಖಾನ್
ಇಸ್ಲಾಮಾಬಾದ್, ಜುಲೈ, 16 : ಮಾನವ ಸಂಪನ್ಮೂಲ ಸಚಿವೆ ಸ್ಮೃತಿ ಇರಾನಿ ಹಾಗೂ ಆಪ್ ಕಾನೂನು ಸಚಿವ ಜಿತೇಂದ್ರ ಸಿಂಗ್ ತೋಮರ್ ಡಿಗ್ರಿ ಪ್ರಕರಣ ಮುಗಿಯುವ ಮುನ್ನವೇ ಇಂಥದ್ದೇ ಡಿಗ್ರಿ ವಿವಾದ ಇದೀಗ ಪಾಕಿಸ್ತಾನದಲ್ಲಿ ಹುಟ್ಟಿಕೊಂಡಿದೆ.
ಈ ವಿವಾದದಲ್ಲಿ ಸಿಲುಕಿದವರು ಮತ್ಯಾರೂ ಅಲ್ಲ...ಪಾಕಿಸ್ತಾನ ರಾಜಕಾರಣಿ ಮತ್ತು ಕ್ರಿಕೆಟಿಗನಾದ ಇಮ್ರಾನ್ ಖಾನ್ ಪತ್ನಿ ರೆಹಂ ಖಾನ್. ಈಕೆ ತನ್ನ ವಿದ್ಯಾಭ್ಯಾಸ ದ ಕುರಿತು ತಪ್ಪು ಮಾಹಿತಿ ನೀಡಿದ್ದಾರೆ ಎಂಬ ಆರೋಪ ಎದುರಿಸುತ್ತಿದ್ದಾರೆ.[ಸ್ಮೃತಿ ಇರಾನಿ ಡಿಗ್ರಿ ಪ್ರಕರಣ ವಿಚಾರಣೆ ಆ. 28ಕ್ಕೆ ಮುಂದೂಡಿಕೆ]
ರೆಹಂಖಾನ್ ಗ್ರಿಸ್ ಬಿಯಾ ಸಂಸ್ಥೆಯಲ್ಲಿ ಬ್ರಾಡ್ ಕಾಸ್ಟಿಂಗ್ ಮೀಡಿಯಾದಲ್ಲಿ ಡಿಪ್ಲೋಮ ಪದವಿ ಪೂರೈಸಿದ್ದಾರೆ. ಆದರೆ ಆಕೆ ಲಿನ್ಡ್ ಸೇ ಕಾಲೇಜಿನಲ್ಲಿ ಬ್ರಾಡ್ ಕಾಸ್ಟಿಂಗ್ ಪತ್ರಿಕೋದ್ಯಮ ಪದವಿ ಗಳಿಸಿರುವುದಾಗಿ ಸುಳ್ಳು ಹೇಳಿದ್ದಾರೆ. ಕಾಲೇಜಿನಲ್ಲಿ ಈ ಹೆಸರಿನ ಯಾವುದೇ ಕೋರ್ಸ್ ಇಲ್ಲ. ಕಾಲೇಜಿನ ವಿದ್ಯಾರ್ಥಿಗಳ ರಿಜಿಸ್ಟ್ರಾರ್ ಪುಸ್ತಕದಲ್ಲಿ ಆಕೆಯ ಹೆಸರಿಲ್ಲ ಎಂದು ಎಕ್ಸ್ ಪ್ರೆಸ್ ಟ್ರಿಬ್ಯುನ್ ಪತ್ರಿಕೆ ವರದಿ ಮಾಡಿದೆ.
ತನ್ನ ಪತ್ನಿಯ ವಿವಾದದ ಕುರಿತು ಇಮ್ರಾನ್ ಖಾನ್ ಮೌನ ವಹಿಸಿದ್ದು, ಪಾಕಿಸ್ತಾನದ ತೆಹ್ರಿಕ್-ಇ-ಇನ್ಸಫ್ ನಾಯಕರು ಈ ಆರೋಪವನ್ನು ಅಲ್ಲಗಳೆದಿದ್ದಾರೆ ಹಾಗೂ ಇದೊಂದು ಅಪಪ್ರಚಾರ ಎಂದು ದೂರಿದ್ದಾರೆ.
Click it and Unblock the Notifications
Sign in with Google