ಡೊನಾಲ್ಡ್ ಟ್ರಂಪ್ ಒಡೆತನದ ಟ್ರಂಪ್ ಟವರ್ ನಲ್ಲಿ ಬೆಂಕಿ ಅವಘಡ
ನ್ಯೂಯಾರ್ಕ್, ಜನವರಿ 08: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಐಶಾರಾಮಿ ಬಹುಮಹಡಿ ಕಟ್ಟಡ ಟ್ರಂಫ್ ಟವರ್ನಲ್ಲಿ ಸೋಮವಾರ ಬೆಳಿಗ್ಗೆ ಬೆಂಕಿ ಹೊತ್ತಿಕೊಂಡಿದ್ದು, ಯಾವುದೇ ಸಾವು-ನೋವು ವರದಿಯಾಗಿಲ್ಲ.
ನ್ಯೂಯಾರ್ಕ್ ನಗರದಲ್ಲಿರುವ 58 ಅಂತಸ್ತುಗಳ ಐಶಾರಾಮಿ ಬಹುಮಹಡಿ ಕಟ್ಟಡ ಟ್ರಂಪ್ ಟವರ್ ನ ಮೇಲಿನ ಮಹಡಿಗಳಲ್ಲಿ ವಿದ್ಯುತ್ ಶಾರ್ಟ್ ಸರ್ಕ್ಯೂಟ್ನಿಂದಾಗಿ ಬೆಂಕಿ ಕಾಣಿಸಿಕೊಂಡಿದೆ, ಆದರೆ ಜೀವ ಹಾನಿ ಆಗಿಲ್ಲ. ಬೆಂಕಿ ಕಾಣಿಸಿಕೊಂಡ ತಕ್ಷಣ ಸ್ಥಳಕ್ಕೆ ಬಂದ ಅಗ್ನಿಶಾಮಕ ದಳದ ಸಿಬ್ಬಂದಿ ಬೆಂಕಿ ನಂದಿಸಲು ಯಶಸ್ವಿಯಾಗಿದ್ದಾರೆ.
ಟ್ರಂಪ್ ಟವರ್ನಲ್ಲಿ ಡೊನಾಲ್ಡ್ ಟ್ರಂಪ್ ಅವರ ನಿವಾಸ, ಅವರ ರಿಯಲ್ ಎಸ್ಟೇಟ್ ಉದ್ಯಮದ ಕೇಂದ್ರ ಕಚೇರಿ ಸೇರಿದಂತೆ ಹಲವು ಅಂತರರಾಷ್ಟ್ರೀಯ ಸೆಲೆಬ್ರಿಟಿಗಳ ನಿವಾಸ, ಜನಪ್ರಿಯ ಕಂಪೆನಿಗಳ ಕೇಂದ್ರ ಕಚೇರಿಗಳು, ಮಾಲ್ಗಳು, ಚಿತ್ರಮಂದಿರ ಎಲ್ಲವೂ ಇವೆ.
Fire crews are responding to a fire at Trump Tower. There have been no injuries or evacuations, and the President is not currently at Trump Tower. pic.twitter.com/xcsHVX5bhP
— TODAY (@TODAYshow) January 8, 2018
ಬೆಂಕಿ ಅವಘಡ ಸಂಭವಿಸಿದಾಗ ಡೊನಾಲ್ಡ್ ಟ್ರಂಪ್ ಅವರು ವಾಷಿಂಗ್ಟನ್ನ ಶ್ವೇತಭವನದಲ್ಲಿದ್ದರು.
Click it and Unblock the Notifications
Sign in with Google