ಈಜಿಪ್ಟ್ ನಲ್ಲಿ ಮಸೀದಿ ಮೇಲೆ ಬಾಂಬ್, ಗುಂಡು ದಾಳಿ: ಕನಿಷ್ಠ 235 ಮಂದಿ ಸಾವು

ಕೈರೋ, ನವೆಂಬರ್ 24: ಉಗ್ರರು ನಡೆಸಿದ ಬಾಂಬ್ ಹಾಗೂ ಗುಂಡಿನ ದಾಳಿಯಲ್ಲಿ ಕನಿಷ್ಠ 235 ಮಂದಿ ಸಾವನ್ನಪ್ಪಿ, 12 ಮಂದಿ ಗಾಯಗೊಂಡ ಘಟನೆ ಈಜಿಪ್ಟ್ ನ ಮಸೀದಿಯೊಂದರಲ್ಲಿ ಶುಕ್ರವಾರ ಸಂಭವಿಸಿದೆ ಎಂದು ಸರಕಾರಿ ಮಾಧ್ಯಮ ವರದಿ ಮಾಡಿದೆ.

ಯಾವುದೇ ಉಗ್ರಗಾಮಿ ಸಂಘಟನೆ ದಾಳಿ ಈ ದಾಳಿಯ ಹೊಣೆ ಹೊತ್ತಿಕೊಂಡಿಲ್ಲ. ಕಳೆದ ಮೂರು ವರ್ಷಗಳಿಂದ ಈಜಿಪ್ಟ್ ಸೇನೆಯು ಐಎಸ್ ಐಎಸ್ ಉಗ್ರರೊಂದಿಗೆ ಕಾಳಗ ನಡೆಸುತ್ತಿದ್ದು, ಈ ಅವಧಿಯಲ್ಲೇ ನಡೆದ ಭಯಾನಕ ದಾಳಿ ಇದಾಗಿದೆ.

ಎಲ್ ಅರಿಶ್ ಗೆ ಪಶ್ಚಿಮಕ್ಕೆ ಇರುವ ಬಿರ್ ಅಲ್-ಅಬೆದ್ ನ ಅಲ್ ರಾದ್ ಮಸೀದಿಯಲ್ಲಿ ನೂರಾರು ರಕ್ತಸಿಕ್ತ ದೇಹಗಳನ್ನು ಹೊದಿಕೆಯಿಂದ ಮುಚ್ಚಿರುವ ಫೋಟೋಗಳನ್ನು ಸರಕಾರಿ ಸ್ವಾಮ್ಯದ ಮಾಧ್ಯಮದಲ್ಲಿ ತೋರಿಸಲಾಗಿದೆ. ಕನಿಷ್ಠ ನೂರಿಪತ್ತು ಮಂದಿ ಮೃತಪಟ್ಟು, ಎಂಬತ್ತು ಮಂದಿ ಗಾಯಗೊಂಡಿರುವುದಾಗಿ ಎಂಇಎನ್ ಎ ವರದಿ ಮಾಡಿದೆ.

"ಜನರತ್ತ ಗುಂಡು ಹಾರಿಸಿದ ಅವರು ಮಸೀದಿಯಿಂದ ಹೊರಟರು" ಎಂದು ಪ್ರತ್ಯಕ್ಷದರ್ಶಿಯೊಬ್ಬರು ತಿಳಿಸಿದ್ದಾರೆ. ಆಂಬುಲೆನ್ಸ್ ಕಡೆಗೆ ಕೂಡ ಅವರು ಗುಂಡು ಹಾರಿಸಿದರು ಎಂದು ತಿಳಿಸಿದ್ದಾರೆ.

English summary

At least 235 people were killed and dozens more wounded when terrorists set off a bomb and opened fire on people attending prayers at a mosque in Egypt's restive northern Sinai on Friday, state media said.