ಕೊರೊನಾ ರುದ್ರ ನರ್ತನ: ಸ್ಮಶಾನ ಸದೃಶ್ಯವಾದ ಇಟಲಿ

ಕೊರೊನಾ ವೈರಸ್ ಹುಟ್ಟೂರು ಚೀನಾಗಿಂತ ಇಟಲಿಯಲ್ಲೇ ಸಾವಿನ ಸಂಖ್ಯೆ ದಿನದಿಂದ ದಿನಕ್ಕೆ ಏರುತ್ತಿದೆ. ಮಾರಣಾಂತಿಕ ಕೊರೊನಾ ವೈರಸ್ ನಿಂದಾಗಿ ಇಟಲಿಯಲ್ಲಿ ಭಾನುವಾರ (ಮಾರ್ಚ್ 22) 651 ಮಂದಿ ಮೃತಪಟ್ಟಿದ್ದಾರೆ. ಡೆಡ್ಲಿ ಕೋವಿಡ್-19 ನಿಂದ ಇಲ್ಲಿಯವರೆಗೂ ಇಟಲಿಯಲ್ಲಿ 5476 ಮಂದಿ ಜೀವ ಕಳೆದುಕೊಂಡಿದ್ದಾರೆ.

ಇಟಲಿಯಲ್ಲಿ ಇಲ್ಲಿಯವರೆಗೂ ಒಟ್ಟು 59,138 ಮಂದಿಗೆ ಕೊರೊನಾ ವೈರಸ್ ಸೋಂಕು ತಗುಲಿದೆ. ಅದರಲ್ಲಿ 7,024 ಮಂದಿ ಗುಣಮುಖರಾಗಿದ್ದು, 3000 ಮಂದಿಯ ಪರಿಸ್ಥಿತಿ ಇನ್ನೂ ಚಿಂತಾಜನಕವಾಗಿದೆ.

ಇಟಲಿ ಸಂಪೂರ್ಣವಾಗಿ ಸ್ತಬ್ಧವಾಗಿದ್ದರೂ, ಕೊರೊನಾ ವೈರಸ್ ನ ತಡೆಗಟ್ಟುವಲ್ಲಿ ಹೆಣಗಾಡುತ್ತಿದೆ. ಇಟಲಿಯಲ್ಲಿ ವೈದ್ಯಕೀಯ ವ್ಯವಸ್ಥೆ ಚೆನ್ನಾಗಿದ್ದರೂ, ಎಲ್ಲರಿಗೂ ಚಿಕಿತ್ಸೆ ಕೊಡಲು ಸಾಧ್ಯವಾಗದ ಕಾರಣ ಸಾವಿನ ಸಂಖ್ಯೆ ಹೆಚ್ಚಾಗುತ್ತಿದೆ.

ವಿಶ್ವದ ಅಂಕಿ-ಅಂಶ:

ಇಲ್ಲಿಯವರೆಗೂ ಕೊರೊನಾ ಸೋಂಕು ಪೀಡಿತರ ಸಂಖ್ಯೆ: 339,025

ಇಲ್ಲಿಯವರೆಗೂ ಕೊರೊನಾ ಸೋಂಕಿನಿಂದ ಸತ್ತವರು: 14,697

ಇಲ್ಲಿಯವರೆಗೂ ಕೊರೊನಾ ಸೋಂಕಿನಿಂದ ಗುಣಮುಖರಾದವರು: 99,014

ಚಿಂತಾಜನಕ ಪರಿಸ್ಥಿತಿಯಲ್ಲಿ ಇರುವವರು: 10,553

English summary

Coronavirus: Italy death toll has risen to 5476.