ಚೀನಾ ಶಾಲೆಯಲ್ಲಿ ಸಾಮಾಜಿಕ ಅಂತರ: ಮಕ್ಕಳ ಮೇಲೆ ಟೋಪಿ
ಬೀಜಿಂಗ್, ಏಪ್ರಿಲ್ 28: ಕೊರೊನಾದಿಂದ ಹದಗೆಟ್ಟಿದ್ದ ಚೀನಾದ ಪರಿಸ್ಥಿತಿ ನಿಧಾನವಾಗಿ ಸುಧಾರಿಸಿಕೊಳ್ಳುತ್ತಿದೆ. ಹೀಗಾಗಿ, ಅಲ್ಲಿನ ಸರ್ಕಾರ ಶಾಲೆಗಳನ್ನು ತರೆಯಲು ಅವಕಾಶ ನೀಡಿದೆ. ನಿನ್ನೆಯಿಂದ (ಸೋಮವಾರ) ಚೀನಾದಲ್ಲಿ ಶಾಲೆಗಳು ಮರು ಪ್ರಾರಂಭವಾಗಿವೆ.
ಕೊರೊನಾ ಬಿಸಿ ಕಡಿಮೆ ಆಗಿದ್ದರೂ, ಇನ್ನು ಕೆಲವು ಕ್ರಮಗಳನ್ನು ಪಾಲಿಸಬೇಕಿದೆ. ಮಾಸ್ಕ್, ಸಾಮಾಜಿಕ ಅಂತರ ಇದರಲ್ಲಿ ಪ್ರಮುಖವಾಗಿದೆ. ಶಾಲೆಗಳು ಪ್ರಾರಂಭವಾಗಿದ್ದು, ಅಲ್ಲಿಯು ಈ ಕ್ರಮಗಳನ್ನು ಪಾಲನೆ ಮಾಡಲಾಗುತ್ತೆ. ಇದಕ್ಕೆ ಅಲ್ಲಿನ ಸರ್ಕಾರ ವಿಶೇಷ ಪ್ಲಾನ್ ಮಾಡಿದ್ದಾರೆ.
ಶಾಲೆಗಳಲ್ಲಿ ಮಕ್ಕಳ ತಲೆಯ ಮೇಲೆ ಒಂದು ಟೋಪಿ ಹಾಕಲಾಗಿದೆ. ಅದು ಉದ್ದವಾದ ರೆಕ್ಕೆಗಳನ್ನು ಹೊಂದಿದೆ. ಇದರಿಂದ ಮಕ್ಕಳು ಒಬ್ಬರ ಹತ್ತಿರ ಮತ್ತೊಬ್ಬರು ಹೋಗಲು ಸಾಧ್ಯವಾಗುವುದಿಲ್ಲ. ಆಕಸ್ಮಿಕವಾಗಿ ಮಕ್ಕಳು ಹತ್ತಿರ ಬರುವುದನ್ನು ಇದು ತಪ್ಪಿಸುತ್ತದೆ. ಇದರ ಮೂಲಕ ಶಾಲೆಗಳಲ್ಲಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳಲಾಗುತ್ತಿದೆ.
ಶಾಲೆಗೆ ಬರುವ ಮಕ್ಕಳಿಗೆ ಈ ವಿಶೇಷ ಟೋಪಿ ಹಾಗೂ ಮಾಸ್ಕ್ ಕಡ್ಡಾಯವಾಗಿದೆ. ಆ ಟೋಪಿ ಹಾಕಿಕೊಂಡು ಅವರು ಪಾಠ ಕೇಳಬೇಕಿದೆ. ಶಾಲೆಯಲ್ಲಿ ಚಿಕ್ಕ ಮಕ್ಕಳ ನಡುವೆ ಸಾಮಾಜಿಕ ಅಂತರ ಕಾಪಾಡುವಂತೆ ನೋಡಿಕೊಳ್ಳುವುದು ಕಷ್ಟ. ಹೀಗಾಗಿ, ಈ ಪ್ಲಾನ್ ಮಾಡಲಾಗಿದೆ.
First graders back to school in Hangzhou, with social distancing headgear
— eileen chengyin chow (@chowleen) April 27, 2020
The long horizontal plumes on Song Dynasty toppers were supposedly to prevent officials from conspiring sotto voce with one another while at court—so social distancing was in fact their original function! pic.twitter.com/0AOKsWE1xH
ವಿಶೇಷ ಅಂದರೆ, ಚೀನಾದಲ್ಲಿ ಸಾಂಗ್ ರಾಜವಂಶದ ಅವಧಿಯಲ್ಲಿ ಅಧಿಕಾರಿಗಳು ನ್ಯಾಯಾಲಯದಲ್ಲಿ ಪರಸ್ಪರ ಪಿಸುಗುಟ್ಟುವ ಮತ್ತು ಪಿತೂರಿ ಮಾಡುವುದನ್ನು ತಡೆಯಲು ಇದೇ ರೀತಿಯ ಟೋಪಿಗಳನ್ನು ಧರಿಸಲಾಗುತ್ತಿತಂತೆ. ಈ ವಿಷಯವನ್ನು ಟ್ವಿಟ್ಟರ್ನಲ್ಲಿ ಚೀನಾ ಮಹಿಳೆಯೊಬ್ಬರು ಹಂಚಿಕೊಂಡಿದ್ದಾರೆ.
ಚೀನಾದಲ್ಲಿ 84,341 ಮಂದಿಗೆ ಕೊರೊನಾ ಸೋಂಕು ತಗುಲಿತ್ತು. 77555 ಜನರು ಅದರಿಂದ ಗುಣಮುಖರಾಗಿದ್ದಾರೆ. 4643 ಜನರು ಮರಣ ಹೊಂದಿದ್ದಾರೆ.
Click it and Unblock the Notifications
Sign in with Google