ಆರ್ಮೇನಿಯಾದಿಂದ ಭಾರತದ ಪಿನಾಕ ರಾಕೆಟ್ ಇತ್ಯಾದಿ ಶಸ್ತ್ರಾಸ್ತ್ರಗಳ ಖರೀದಿ
ನವದೆಹಲಿ, ಸೆ. 30: ಅಜರ್ಬೈಜಾನ್ ಜೊತೆ ಘರ್ಷಣೆಯ ಅಪಾಯದಲ್ಲಿರುವ ಆರ್ಮೇನಿಯಾ ದೇಶ ತನ್ನ ಭದ್ರತೆಗಾಗಿ ಭಾರತದಿಂದ ತುರ್ತಾಗಿ ಶಸ್ತ್ರಾಸ್ತ್ರ ಖರೀದಿಸುತ್ತಿದೆ. ಮಾಧ್ಯಮಗಳಲ್ಲಿ ಪ್ರಕಟವಾಗಿರುವ ವರದಿಗಳ ಪ್ರಕಾರ ಭಾರತದ ರಾಕೆಟ್ ಲಾಂಚರ್ರಗಳು, ಕ್ಷಿಪಣಿ ಇತ್ಯಾದಿ ಶಸ್ತ್ರಾಸ್ತ್ರಗಳನ್ನು ಖರೀದಿಸಲು ಆರ್ಮೇನಿಯಾ ಒಪ್ಪಂದ ಮಾಡಿಕೊಂಡಿದೆ.
2 ಸಾವಿರ ಕೋಟಿ ರೂ ಮೌಲ್ಯದಷ್ಟು ಶಸ್ತ್ರಾಸ್ತ್ರ ಖರೀದಿಸಲು ಬುಧವಾರ ಒಪ್ಪಂದಕ್ಕೆ ಸಹಿಹಾಕಲಾಗಿದೆ. ಸರಕಾರಗಳ ಮಟ್ಟದಲ್ಲಿ ಮೂರು ವಾರಗಳ ಹಿಂದೆಯೇ ಒಪ್ಪಂದವಾಗಿರುವುದು ಈಗ ಬೆಳಕಿಗೆ ಬಂದಿದೆ. ಇದೀಗ ಆದಷ್ಟೂ ಶೀಘ್ರದಲ್ಲಿ ಆರ್ಮೇನಿಯಾಗೆ ಶಸ್ತ್ರಾಸ್ತ್ರ ಪೂರೈಸಲು ಭಾರತ ಪ್ರಯತ್ನಿಸುತ್ತಿದೆ.
ದೇಶೀಯವಾಗಿ ತಯಾರಿಸಲಾಗಿರುವ ಪಿನಾಕ ಮಲ್ಟಿ ಬ್ಯಾರಲ್ ರಾಕೆಟ್ ಲಾಂಚರ್ಗಳಾಗಿವೆ. ಪಿನಾಕ ಜೊತೆಗೆ ಆ್ಯಂಟಿ-ಟ್ಯಾಂಕ್ ರಾಕೆಟ್ಗಳು, ಬುಲೆಟ್, ಶೆಲ್ ಇತ್ಯಾದಿ ಮದ್ದುಗುಂಡುಗಳನ್ನು ಆರ್ಮೇನಿಯಾ ಖರೀದಿಸುತ್ತಿದೆ.
ಭಾರತದ ಶಸ್ತ್ರಾಸ್ತ್ರಗಳ ಮಾರಾಟ
ಪಿನಾಕಾ ರಾಕೆಟ್ ವ್ಯವಸ್ಥೆಯನ್ನು ಭಾರತ ದೇಶೀಯವಾಗಿ ನಿರ್ಮಿಸಿದೆ. ಇದು ಡಿಆರ್ಡಿಒದ ಉತ್ಪನ್ನ. ಚೀನಾ ಮತ್ತು ಪಾಕಿಸ್ತಾನದ ಗಡಿಭಾಗಗಳಲ್ಲಿ ಇವುಗಳನ್ನು ನಿಯೋಜಿಸಲಾಗಿದೆ. ಈ ರಾಕೆಟ್ ಲಾಂಚರ್ಗಳ ಖರೀದಿಗೆ ಹಲವು ದೇಶಗಳು ಆಸಕ್ತಿ ತೋರಿರುವುದು ಹೌದು.
ಆರ್ಮೇನಿಯಾ ಭಾರತದಿಂದ ಶಸ್ತ್ರಾಸ್ತ್ರ ಖರೀದಿಸುತ್ತಿರುವುದು ಇದೇ ಮೊದಲಲ್ಲ. 2020ರಲ್ಲಿ ಸ್ವಾತಿ ರಾಡಾರ್ಗಳನ್ನು ಖರೀದಿ ಮಾಡಿತ್ತು. ಅಜರ್ಬೈಜಾನ್ ಜೊತೆಗಿನ ಸಂಘರ್ಷದ ಹಿನ್ನೆಲೆಯಲ್ಲಿ ಆರ್ಮೇನಿಯಾಗೆ ಇನ್ನಷ್ಟು ಶಸ್ತ್ರಾಸ್ತ್ರಗಳ ಅಗತ್ಯ ಬೀಳಬಹುದು.
ಅಜರ್ಬೈಜಾನ್ ಜೊತೆಗಿನ ಸಂಘರ್ಷ
ಆರ್ಮೇನಿಯಾ ಮತ್ತು ಅಜರ್ಬೈಜಾನ್ ದೇಶಗಳ ಮಧ್ಯೆ ನಾಗೊರ್ನೊ ಕರಬಾಖ್ ಪ್ರದೇಶದ ವಿಚಾರವಾಗಿ ವಿವಾದ ಇದೆ. ಈ ಪ್ರದೇಶದಲ್ಲಿ ಆರ್ಮೇನಿಯನ್ನರ ಪ್ರಾಬಲ್ಯ ಇದೆಯಾದರೂ ಸದ್ಯ ಅಜರ್ಬೈಜಾನ್ ದೇಶದಲ್ಲಿ ಇದೆ. ಟರ್ಕಿ ದೇಶಕ್ಕೆ ಅನಿಲ ಪೈಪ್ಲೈನ್ಗೆ ದಾರಿ ಈ ಪ್ರದೇಶದ ಮೂಲಕವೇ ಹೋಗುತ್ತದೆ. ಹೀಗಾಗಿ, ನಾಗೊರ್ನೊ ಕರಬಾಖ್ ಪ್ರದೇಶವನ್ನು ತನ್ನ ಹತೋಟಿಯಲ್ಲೇ ಇಟ್ಟುಕೊಳ್ಳಲು ಅಜರ್ಬೈಜಾನ್ ಪ್ರಯತ್ನಿಸುತ್ತಿದೆ.
ಅಜರ್ಬೈಜಾನ್ಗೆ ಪಾಕಿಸ್ತಾನ ಮತ್ತು ಟರ್ಕಿ ದೇಶಗಳ ಬೆಂಬಲ ಇದೆ. ಟರ್ಕಿಯು ಡ್ರೋನ್ಗಳನ್ನು ಸರಬರಾಜು ಮಾಡಿದೆ. ಪಾಕಿಸ್ತಾನದಿಂದ ಜೆಎಫ್-17 ಯುದ್ಧವಿಮಾನಗಳು ಸರಬರಾಜಾಗುವ ಸಾಧ್ಯತೆ ಇದೆ.
ಟರ್ಕಿ, ಪಾಕಿಸ್ತಾನ ಮತ್ತು ಅಜರ್ಬೈಜಾನ್ ಮಧ್ಯೆ ಭದ್ರತಾ ಸಹಕಾರಕ್ಕೆ ತ್ರಿಪಕ್ಷೀಯ ಒಪ್ಪಂದ ಆಗಿದೆ. ಈ ಹಿನ್ನೆಲೆಯಲ್ಲಿ ಆರ್ಮೇನಿಯಾ ಭಾರತದ ಸಹಾಯ ಯಾಚಿಸುತ್ತಿದೆ.
ಇತ್ತೀಚಿನ ವರ್ಷಗಳಲ್ಲಿ ಭಾರತದ ರಕ್ಷಣಾ ಉತ್ಪನ್ನಗಳ ರಫ್ತು ಪ್ರಮಾಣ ಹೆಚ್ಚಾಗಿದೆ. 2021-22ರ ವರ್ಷದಲ್ಲಿ ರಕ್ಷಣಾ ಉತ್ಪನ್ನಗಳ ರಫ್ತು ಮೊತ್ತ 13 ಸಾವಿರ ಕೋಟಿ ರೂ ಮುಟ್ಟಿದೆ. ಐದು ವರ್ಷಗಳ ಹಿಂದೆ ಇದು ಒಂದು ಸಾವಿರ ಕೋಟಿ ರೂಗಿಂತ ತುಸು ಹೆಚ್ಚಿತ್ತು.
ಪಿನಾಕಾ ರಾಕೆಟ್ ಲಾಂಚರ್ ಜೊತೆಗೆ ಬ್ರಹ್ಮೋಸ್ ಕ್ಷಿಪಣಿಗೆ ವಿಶ್ವಾದ್ಯಂತ ಬೇಡಿಕೆ ಇದೆ. ವೆಪನ್ ಸಿಮುಲೇಟರ್, ಟಿಯರ್ ಗ್ಯಾಸ್ ಲಾಂಚರ್, ಟಾರ್ಪೆಡೋ, ನೈಟ್ ವಿಶನ್ ಮಾನೋಕುಲಾರ್ ಬೈನಾಕುಲರ್, ಶಸ್ತ್ರ ಪತ್ತೆ ಮಾಡುವ ರಾಡಾರ್, ಹೈ ಫ್ರೀಕ್ವೆನ್ಸಿ ರೇಡಿಯೋ ಇತ್ಯಾದಿ ಅನೇಕ ಶಸ್ತ್ರಾಸ್ತ್ರ ಉಪಕರಣಗಳನ್ನು ಭಾರತ ಮಾರಾಟ ಮಾಡುತ್ತದೆ.
(ಒನ್ಇಂಡಿಯಾ ಸುದ್ದಿ)
-
Bengaluru: ಬೆಳ್ಳಂಬೆಳಗ್ಗೆ ಬೆಂಗಳೂರಿನ ಸಮಸ್ಯೆಗಳು: ಬೇರೆ ಊರುಗಳಿಂದ ಬಂದ ಮೆಜೆಸ್ಟಿಕ್ನಲ್ಲಿ ಸಂಕಷ್ಟ, 7 ಪ್ರಮುಖ ಸಂಕಷ್ಟಗಳು -
Karnataka Weather: ಇಂದು ರಾಜ್ಯದ ಈ ಜಿಲ್ಲೆಗಳಲ್ಲಿ ಗುಡುಗು, ಬಿರುಗಾಳಿ ಸಹಿತ ಮಳೆಯಾಗುವ ಮುನ್ಸೂಚನೆ -
Jobs: ಕಂದಾಯ ಇಲಾಖೆಯಲ್ಲಿ 500 ಹೊಸ ಗ್ರಾಮ ಆಡಳಿತ ಅಧಿಕಾರಿ ಹುದ್ದೆಗಳಿಗೆ ಶೀಘ್ರದಲ್ಲೇ ನೇಮಕಾತಿ -
March 24 Horoscope: ಈ 3 ರಾಶಿಗಳಿಗೆ ಅದೃಷ್ಟದ ಬಾಗಿಲು ತೆರೆದುಕೊಳ್ಳಲಿದೆ -
ಕೂಲಿಗೆ ಹೋಗಿದ್ದ ವಿದ್ಯಾರ್ಥಿನಿಯನ್ನು ದ್ರಾಕ್ಷಿ ತೋಟದಿಂದಲೇ ಕರೆತಂದು SSLC ಪರೀಕ್ಷೆ ಬರೆಸಿದ ಗದಗ ಬಿಇಒ -
Bengaluru Land: ಕಾಡುಗೋಡಿಯಲ್ಲಿ 78 ಜಾಗ ಹಿಂತಿರುಗಿಸುವಂತೆ ಎಂಬೆಸ್ಸಿಗೆ ಕೆಐಎಸಿಬಿ ಆದೇಶ -
Train Ticket: ರೈಲು ಟಿಕೆಟ್ ರದ್ದತಿ, ಮರುಪಾವತಿ ರೂಲ್ಸ್ ಬದಲಾವಣೆ: ಏಪ್ರಿಲ್ನಿಂದ ಹೊಸ ನಿಯಮ -
Mutton: ಕುಕ್ಕರ್ 20 ಬಾರಿ ಕೂಗಿದರೂ ಬೇಯದ ತಲೆ ಮಟನ್: ಪೊಲೀಸ್ ಠಾಣೆಗೆ ಪಾತ್ರೆ ಹಿಡಿದು ಬಂದು ರಾದ್ಧಾಂತ -
Viral Post: 'ಬೆಂಗಳೂರು ಟ್ರಾಫಿಕ್' ಕಿರಿಕಿರಿ ತಪ್ಪಿಸಲು ಆಫೀಸ್ನಿಂದ ಮನೆಗೆ ನಡೆದುಕೊಂಡು ಹೋಗುತ್ತಿರುವ ಮಹಿಳೆ -
Gas: ಬೆಳಗಾವಿಯಲ್ಲಿ ಸಿಲಿಂಡರ್, ಇಂಧನ ಲಭ್ಯತೆಯ ಬಗ್ಗೆ: ಜಿಲ್ಲಾಧಿಕಾರಿ ಮೊಹಮ್ಮದ್ ರೋಷನ್ ಅಪ್ಡೇಟ್ಸ್ -
Liquor Ban: ಬೆಂಗಳೂರಲ್ಲಿ 48 ಗಂಟೆಗಳ ಕಾಲ ಮದ್ಯ ಮಾರಾಟ ನಿಷೇಧ, ಎಲ್ಲೆಲ್ಲಿ - ಯಾಕೆ ಇಲ್ಲಿದೆ ಮಾಹಿತಿ -
Bengaluru property: ಬೆಂಗಳೂರು ಆಸ್ತಿ ತೆರಿಗೆ ಬಾಕಿದಾರರಿಗೆ ಇದೀಗ ಬಿಗ್ ಶಾಕ್: ಪಾಲಿಕೆಗಳೇ ಆಸ್ತಿ ಖರೀದಿ
Click it and Unblock the Notifications
Sign in with Google