ಡ್ರ್ಯಾಗನ್ ರಾಜಧಾನಿಗೆ ಫ್ರಾನ್ಸ್ ಅಧ್ಯಕ್ಷ ಮ್ಯಾಕ್ರಾನ್ ವಿಸಿಟ್
ಬೀಜಿಂಗ್: ಅಂತಾರಾಷ್ಟ್ರೀಯ ಮಟ್ಟದಲ್ಲಿ ರಷ್ಯಾ-ಚೀನಾ ಅತ್ಯಾಪ್ತ ರಾಷ್ಟ್ರಗಳಾಗಿ ಗುರುತಿಸಿಕೊಳ್ಳುತ್ತಿವೆ. ಅದರಲ್ಲೂ ಉಕ್ರೇನ್ ಯುದ್ಧ ಶುರುವಾದ ನಂತರ, ನ್ಯಾಟೋ ಸದಸ್ಯ ಫ್ರಾನ್ಸ್ ಸೇರಿದಂತೆ ಅಮೆರಿಕ ಬೆಂಬಲಿತ ರಾಷ್ಟ್ರಗಳೆಲ್ಲಾ ರಷ್ಯಾ, ಚೀನಾದಿಂದ ದೂರ ಓಡುತ್ತಿವೆ. ಆದರೆ ಇದೇ ಹೊತ್ತಲ್ಲಿ ಫ್ರಾನ್ಸ್ ಅಧ್ಯಕ್ಷ ಮ್ಯಾಕ್ರಾನ್ ವಿಶೇಷ ನಿರ್ಧಾರ ಕೈಗೊಂಡಿದ್ದು, ಡ್ರ್ಯಾಗನ್ ರಾಜಧಾನಿಗೆ ಮ್ಯಾಕ್ರಾನ್ ವಿಸಿಟ್ ಕೊಟ್ಟಿದ್ದಾರೆ.
ಚೀನಾ ರಾಜಧಾನಿ ಬೀಜಿಂಗ್ಗೆ ಬಂದಿಳಿದ ಇಮ್ಯಾನುಯೆಲ್ ಮ್ಯಾಕ್ರಾನ್, ಚೀನಾ ಪ್ರಧಾನಿ ಲಿ ಕಿಯಾಂಗ್ ಜೊತೆ ಮಹತ್ವದ ಮಾತುಕತೆ ನಡೆಸಿದ್ದಾರೆ. ಉಕ್ರೇನ್ ವಿರುದ್ಧ ರಷ್ಯಾ ಯುದ್ಧ ಸಾರಿದ ನಂತರ ಇತಿಹಾಸದಲ್ಲೇ ಮೊದಲ ಬಾರಿಗೆ ಚೀನಾ ಮತ್ತು ಯುರೋಪ್ ಸಂಬಂಧ ಭಾರಿ ಕೆಟ್ಟ ಹಂತ ತಲುಪಿದೆ. ಅದರಲ್ಲೂ ಮೊದಲಿನಿಂದ ಫ್ರಾನ್ಸ್ ಜೊತೆಗೂ ಚೀನಾ ಸಂಬಂಧ ಅಷ್ಟಕಷ್ಟೇ. ಇದೀಗ ಅಸಮಾಧಾನ ತೊಲಗಿಸಿ, ಸ್ನೇಹ ಗಟ್ಟಿಗೊಳಿಸಲು ಮ್ಯಾಕ್ರಾನ್ ಚೀನಾಗೆ ಭೇಟಿ ನೀಡಿದ್ದಾರೆ.
ಅಮೆರಿಕದ ಸುಪಾರಿ?: ಚೀನಾ ಸದ್ಯಕ್ಕೆ ಜಗತ್ತಿಗೇ ಬೇಕಾಗಿರುವ ರಾಷ್ಟ್ರ. ಚೀನಾ ಪ್ರಪಂಚದ 2ನೇ ಅತಿದೊಡ್ಡ ಆರ್ಥಿಕತೆ ಹೊಂದಿರುವ ದೇಶ ಎಂಬುದು ಒಂದು ಕಡೆಯಾದರೆ, ರಷ್ಯಾ ಜೊತೆ ಚೀನಾ ಹೋಗದಂತೆ ತಡೆಯಲು ಅಮೆರಿಕ ಯತ್ನಿಸುತ್ತಿದೆ. ಅದರಲ್ಲೂ ಉಕ್ರೇನ್ ವಿಚಾರಲ್ಲಿ ಚೀನಾ ತಮ್ಮ ಪರ ನಿಲ್ಲಲಿ ಎಂಬುದೇ ಅಮೆರಿಕದ ಟಾರ್ಗೆಟ್. ಹೀಗಾಗಿಯೇ ಫ್ರಾನ್ಸ್ ಮೂಲಕ ಚೀನಾ ಮನವೊಲಿಸಲು ಅಮೆರಿಕ ಮುಂದಾಗಿದೆ. ಉಕ್ರೇನ್ ಯುದ್ಧದ ವಿಚಾರದಲ್ಲಿ ರಷ್ಯಾಗೆ ಬುದ್ಧಿ ಹೇಳುವಂತೆ ಫ್ರಾನ್ಸ್ ಮೂಲಕ ಅಮೆರಿಕ ಒತ್ತಡ ಹೇರಲು ಮುಂದಾಗಿದೆ.
ರಷ್ಯಾ ಸ್ನೇಹಿತ: ಮೊದಲಿನಿಂದಲೂ ರಷ್ಯಾ ಜೊತೆಗೆ ಉತ್ತಮ ಸ್ನೇಹ ಹೊಂದಿರುವ ಚೀನಾ, ಈಗಾಗಲೇ ಉಕ್ರೇನ್ ಯುದ್ಧದ ವಿಚಾರದಲ್ಲಿ ತನ್ನ ಬೆಂಬಲವನ್ನು ಸಂಪೂರ್ಣವಾಗಿ ರಷ್ಯಾ ಪರ ಘೋಷಿಸಿದೆ. ಚೀನಾದ ಈ ನಿರ್ಧಾರ ಅಮೆರಿಕ ಮತ್ತು ನ್ಯಾಟೋ ಸದಸ್ಯ ರಾಷ್ಟ್ರಗಳಿಗೆ ನುಂಗಲಾರದ ತುತ್ತಾಗಿಸಿದೆ. ಇದೇ ಕಾರಣಕ್ಕೆ ಹೇಗಾದರೂ ಮಾಡಿ ಚೀನಾ ತನ್ನ ಮನಸ್ಸು ಬದಲಾಯಿಸುವಂತೆ ಮಾಡಲು ಫ್ರಾನ್ಸ್ ಅಧ್ಯಕ್ಷ ಇಮ್ಯಾನುಯೆಲ್ ಮ್ಯಾಕ್ರಾನ್ ಕೊನೆಕ್ಷಣದ ಪ್ರಯತ್ನ ಮಾಡಲಿದ್ದಾರೆ.
ಫ್ರಾನ್ಸ್ಗೂ ಭಯ: ಈಗಾಗಲೇ ರಷ್ಯಾ ವಿರೋಧ ಕಟ್ಟಿಕೊಂಡಿರುವ ಫ್ರಾನ್ಸ್, ತನ್ನ ಮೇಲೂ ಮುಂದೆ ರಷ್ಯಾ ದಾಳಿ ನಡೆಸಬಹುದು ಎಂಬ ಭಯದಲ್ಲೇ ಇದೆ. ಮತ್ತೊಂದು ಕಡೆ ಇದೇ ಭಯವನ್ನು ಬಳಸಿಕೊಂಡು ಅಮೆರಿಕ ರಷ್ಯಾ ವಿರುದ್ಧ ಯುರೋಪ್ ರಾಷ್ಟ್ರಗಳನ್ನು ಎತ್ತಿಕಟ್ಟುತ್ತಿದೆ. ಇದೀಗ ಇಮ್ಯಾನುಯೆಲ್ ಮ್ಯಾಕ್ರಾನ್ ಅದರ ಮುಂದುವರಿದ ಭಾಗ ಎನ್ನಬಹುದು. ಏಕೆಂದರೆ ಅಕಸ್ಮಾತ್ ಮ್ಯಾಕ್ರಾನ್ ಚೀನಾ ಮನವೊಲಿಸಿ, ಅಮೆರಿಕದ ಆಸೆ ಈಡೇರಿಸಿದರೆ ಅದರ ಸಂಪೂರ್ಣ ಲಾಭ ಸಿಗುವುದು ಜಗತ್ತಿನ ದೊಡ್ಡಣ್ಣನಿಗೆ ಮಾತ್ರ.
ಪುಟಿನ್ ಋಣಿ: ಕಳೆದ ತಿಂಗಳು ಚೀನಾ ಅಧ್ಯಕ್ಷ ಜಿನ್ಪಿಂಗ್ ರಷ್ಯಾ ಪ್ರವಾಸ ಕೈಗೊಂಡು ಉಕ್ರೇನ್ ಯುದ್ಧದ ವಿಚಾರದಲ್ಲಿ ರಷ್ಯಾಗೆ ಬೆಂಬಲ ನೀಡಿದ್ದರು. ಅಲ್ಲದೆ ಶಾಂತಿ ಮಾತುಕತೆಗೂ ಜಿನ್ಪಿಂಗ್ ರಷ್ಯಾಗೆ ಸಲಹೆ ನೀಡಿದ್ದರು. ಹೀಗೆ ಕಷ್ಟದ ಸಮಯದಲ್ಲಿ ಇಡೀ ಜಗತ್ತೇ ರಷ್ಯಾ ವಿರುದ್ಧ ನಿಲ್ಲಲು ಸಿದ್ಧವಾಗಿದ್ದರೆ ಚೀನಾ ಮಾತ್ರ ರಷ್ಯಾ ಪರ ಬ್ಯಾಟ್ ಬೀಸಿತ್ತು. ಚೀನಾದ ಈ ಬೆಂಬಲಕ್ಕೆ ರಷ್ಯಾ ಅಧ್ಯಕ್ಷ ಪುಟಿನ್ ಗೌರವ ಅರ್ಪಿಸಿದ್ದರು. ಚೀನಾದ ಚಿಂತನೆಗಳನ್ನು ಜಾಗರೂಕತೆಯಿಂದ ಅಭ್ಯಸಿಸಿರುವುದಾಗಿ ಮತ್ತು ಗೌರವದಿಂದ ನೋಡಿರುವುದಾಗಿ ಪುಟಿನ್ ಹೇಳಿದ್ದರು.
ಒಟ್ಟಾರೆ ಫ್ರಾನ್ಸ್ ಅಧ್ಯಕ್ಷರ ಚೀನಾ ಪ್ರವಾಸ ಕೇವಲ ವ್ಯಾಪರ ಸಂಬಂಧ ವೃದ್ಧಿ ಸೀಮಿತವಾದರೆ ಅದೇ ದೊಡ್ಡ ಸಾಧನೆ ಎನ್ನಬಹುದು. ಇದನ್ನ ಹೊರತುಪಡಿಸಿ ಉಕ್ರೇನ್ ವಿಚಾರದಲ್ಲಿ ಚೀನಾ ಮನಸ್ಸು ಬದಲಿಸುವಲ್ಲಿ ಫ್ರಾನ್ಸ್ ಅಧ್ಯಕ್ಷ ಮ್ಯಾಕ್ರಾನ್ ಸಕ್ಸಸ್ ಆಗ್ತಾರಾ? ಅನ್ನೋದನ್ನ ಕಾದು ನೋಡಬೇಕಿದೆ.
-
Ananya Birla: ಆರ್ಸಿಬಿ ಅಭಿಮಾನಿಗಳು ಹಾಗೂ ಸಹೋದರನಿಗೆ ಅನನ್ಯಾ ಬಿರ್ಲಾ ವಿಶೇಷ ಸಂದೇಶ -
Karnataka Weather: ಬಿಸಿಲಿನಿಂದ ಕಂಗೆಟ್ಟಿದ್ದ ಕರುನಾಡಿಗೆ ತಂಪೆರೆಯಲಿದ್ದಾನೆ ವರುಣ; ಎಲ್ಲೆಲ್ಲಿ ಮಳೆ? ಇಲ್ಲಿದೆ ಮಾಹಿತಿ -
March 25 Horoscope: ಈ 3 ರಾಶಿಗಳಿಗೆ ಅದೃಷ್ಟದ ಬಾಗಿಲು ತೆರೆದುಕೊಳ್ಳಲಿದೆ -
SSLC ಇಂಗ್ಲೀಷ್ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು, ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Karnataka Rains: ಧಾರಾಕಾರ ಮಳೆ! 7 ಜಿಲ್ಲೆಗಳಿಗೆ 'ಆರೆಂಜ್', 15ಕ್ಕೂ ಹೆಚ್ಚು ಜಿಲ್ಲೆಗಳಿಗೆ 'ಯೆಲ್ಲೋ' ಅಲರ್ಟ್ -
Gold: ಚಿನ್ನ ಖರೀದಿ ಮತ್ತು ಮಾರಾಟಕ್ಕೆ ಇದು ಒಳ್ಳೆಯ ಸಮಯವಲ್ಲ ಎಂದ ಅರ್ಥಶಾಸ್ತ್ರಜ್ಞೆ ಮೇರಿ ಜಾರ್ಜ್ -
ಡಬಲ್ ಡೆಕ್ಕರ್ ಫ್ಲೈಓವರ್ ಸಹಿತ ನಮ್ಮ ಮೆಟ್ರೋ ಕಾರಿಡಾರ್: ಯೋಜನೆಗೆ ಜೈಕಾದಿಂದ 6,775 ರೂ ಸಾಲ: BMRCL -
ಐಪಿಎಲ್ ಇತಿಹಾಸದಲ್ಲೇ ಆರ್ಸಿಬಿಯ ಹೊಸ ಅಧ್ಯಾಯ: 16,000 ಕೋಟಿಗೆ ಫ್ರಾಂಚೈಸಿ ಖರೀದಿಸಿದ ಆರ್ಯಮನ್ ಬಿರ್ಲಾ ಯಾರು? -
Gold Rate: ದಿಢೀರ್ ಏರಿಕೆ ಕಂಡ ಬಂಗಾರದ ಬೆಲೆ; ಬೆಂಗಳೂರಿನಲ್ಲಿ ಚಿನ್ನದ ದರ ಹೀಗಿದೆ.. -
Kishore Kumar Huli: ಮೋದಿ ಹೇಳಿಕೆ ಹಂಚಿಕೊಂಡು ನಿಮಗೆ ನಾಚಿಕೆ ಇದೆಯೇ ಎಂದ ನಟ ಕಿಶೋರ್ ಕುಮಾರ್ -
Jobs: ರಾಜ್ಯದ ಸರ್ಕಾರಿ ವಿವಿಗಳಲ್ಲಿ 1000 ಬೋಧಕ ಹುದ್ದೆಗಳ ಭರ್ತಿಗೆ ಸರ್ಕಾರ ಗ್ರೀನ್ ಸಿಗ್ನಲ್ -
ಸಂಸದ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಈ ನಿರ್ಧಾರ ಎಲ್ಲರಿಗೂ ಮೇಲ್ಪಂಕ್ತಿಯಾಗಲಿ: ಪ್ರತಾಪ್ ಸಿಂಹ
Click it and Unblock the Notifications
Sign in with Google