ಲೈಂಗಿಕ ಕಿರುಕುಳ: ಹಿರಿಯ ಅಧಿಕಾರಿ ಮೇಲೆ ಯುವ ಐಎಎಸ್ ಅಧಿಕಾರಿ ಆರೋಪ
ಚಂಡಿಗಡ, ಜೂನ್ 11: ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಮಟ್ಟದ ಅಧಿಕಾರಿಯು ತಮಗೆ ಲೈಂಗಿಕ ಕಿರುಕುಳ ನೀಡಿದ್ದಾರೆ ಎಂದು ಹರಿಯಾಣದ ಯುವ ಮಹಿಳಾ ಐಎಎಸ್ ಅಧಿಕಾರಿಯೊಬ್ಬರು ಆರೋಪಿಸಿದ್ದಾರೆ.
'ಆದರೆ, ಈ ಆರೋಪ ಸತ್ಯಕ್ಕೆ ದೂರವಾದದ್ದು. ಇತರೆ ಅಧಿಕಾರಿಗಳಿಂದ ಎಲ್ಲ ಅಗತ್ಯ ಅನುಮೋದನೆ ದೊರೆತ ಕಡತಗಳಲ್ಲಿ ತಪ್ಪುಗಳನ್ನು ಹುಡುಕಲು ಹೋಗಬೇಡಿ ಎಂಬ ಸಲಹೆ ಮಾತ್ರ ನೀಡಿದ್ದಾಗಿ ಅಧಿಕಾರಿ ಸ್ಪಷ್ಟೀಕರಣ ನೀಡಿದ್ದಾರೆ.
ತನ್ನ ಹಿರಿಯ ಅಧಿಕಾರಿ ವಿರುದ್ಧ ದೂರು ನೀಡಿರುವ ಮಹಿಳಾ ಅಧಿಕಾರಿ, ಅದರ ಬಗ್ಗೆ ತಮ್ಮ ಫೇಸ್ಬುಕ್ ಖಾತೆಯಲ್ಲಿಯೂ ಬರೆದುಕೊಂಡಿದ್ದಾರೆ.
'ಹಿರಿಯ ಅಧಿಕಾರಿಯು ನನ್ನ ಬಳಿ ದ್ವಂದ್ವಾರ್ಥದ ಮಾತುಗಳನ್ನು ಆಡಿದ್ದರು. ಅಲ್ಲದೆ ನನ್ನ ವಾರ್ಷಿಕ ಗೋಪ್ಯ ವರದಿಯನ್ನು (ಎಸಿಆರ್) ಹಾಳು ಮಾಡುವುದಾಗಿ ಬೆದರಿಕೆ ಒಡ್ಡಿದ್ದರು. ಹೊಸದಾಗಿ ಮದುವೆಯಾಗಿರುವ ವಧುವಿನಂತೆ ನೀನು ಎಲ್ಲವನ್ನೂ ವಿವರಿಸಬೇಕು. ನಾನೂ ಹಾಗೆಯೇ ಹೇಳಿಕೊಡುತ್ತೇನೆ ಎಂದು ಅವರು ಹೇಳಿದರು' ಎಂಬುದಾಗಿ ಅವರು ಆರೋಪಿಸಿದ್ದಾರೆ.
ಮೇ 22ರಂದು ತಮ್ಮ ಕಚೇರಿಗೆ ಬರುವಂತೆ ಸೂಚನೆ ನೀಡಿದ್ದ ಹಿರಿಯ ಅಧಿಕಾರಿ ಸುನಿಲ್ ಗುಲಾಟಿ, ತಮಗೆ ಬೆದರಿಕೆ ಹಾಕಿದ್ದರು. ಕಚೇರಿಯ ಕಡತಗಳ ಬಗ್ಗೆ ವಿರುದ್ಧವಾದ ಕಾಮೆಂಟ್ಗಳನ್ನು ಮಾಡುವುದನ್ನು ನಿಲ್ಲಿಸದಿದ್ದರೆ ತನ್ನ ವಾರ್ಷಿಕ ಎಸಿಆರ್ಅನ್ನು ಹಾಳು ಮಾಡಬೇಕಾಗುತ್ತದೆ ಎಂದು ಹೆದರಿಸಿದ್ದರು ಎಂದು ದೂರಿನಲ್ಲಿ ತಿಳಿಸಲಾಗಿದೆ.
It's my duty to train my staff. It's up to her to be willing to learn.If going to field troubles her,govt can transfer her. I'm ready for probe,even lie-detection test: Haryana Addl Chief Secy on Facebook post by woman IAS officer leveling sexual harassment allegation against him pic.twitter.com/WzKZ0nDFRN
— ANI (@ANI) 11 June 2018
ಕಚೇರಿಗೆ ಕರೆಯಿಸಿದ್ದ ಅಧಿಕಾರಿಯು ತಮ್ಮ ಬಳಿ ಅನುಚಿತವಾಗಿ ವರ್ತಿಸಿದ್ದರು. ಸಂಜೆ 5 ಕ್ಕೆ ಕಚೇರಿಗೆ ಕರೆಯಿಸಿ 7.39ರವರೆಗೂ ಅಲ್ಲಿ ಇರಲು ಹೇಳಿದ್ದರು ಎಂದು ಆರೋಪಿಸಿದ್ದಾರೆ.
ಈ ಘಟನೆ ಬಗ್ಗೆ ರಾಷ್ಟ್ರಪತಿ ಮತ್ತು ಕೇಂದ್ರ ಸರ್ಕಾರಕ್ಕೆ ವಿವರವಾದ ದೂರು ಸಲ್ಲಿಸಿರುವುದಾಗಿ ಸಹ ಮಹಿಳಾ ಅಧಿಕಾರಿ ಹೇಳಿದ್ದಾರೆ.
ಪ್ರತಿ ಕಡತದ ಮೇಲೆಯೂ ನಕಾರಾತ್ಮಕವಾದ ಕಾಮೆಂಟ್ಗಳನ್ನು ಬರೆಯುವುದು ಬೇಡ. ಈ ವರ್ತನೆಯ ಕಾರಣದಿಂದ ಹಿರಿಯ ಅಧಿಕಾರಿಗಳು ಆಕೆಯ ವೃತ್ತಿಗೆ ತೊಂದರೆ ಕೊಡಬಹುದು ಎಂದು ಆಕೆ ವೃತ್ತಿಗೆ ಹೊಸಬರಾಗಿದ್ದರಿಂದ ಸಲಹೆ ನೀಡಿದ್ದಾಗಿ ಅಧಿಕಾರಿ ಸ್ಪಷ್ಟೀಕರಣ ನೀಡಿದ್ದಾರೆ.
ಸುನಿಲ್ ಗಿಲಾಟಿ ಅವರು ನನಗೆ ಲೈಂಗಿಕ ಕಿರುಕುಳ ನೀಡಿ ಬೆದರಿಕೆ ಹಾಕಿದ್ದರು. ನನ್ನನ್ನು ಈ ಹಿಂದೆ ಅಂಬಾಲ, ಕೋಸ್ಲಿ ಮತ್ತು ಡಬ್ವಾಲಿಗಳಿಗೆ ನಿಯೋಜಿಸಿದ್ದಾಗಲೂ ಇಂತಹ ಘಟನೆಗಳು ನಡೆದಿದ್ದವು. ಅದರ ಬಗ್ಗೆ ಅಧಿಕಾರಿಗಳಿಗೆ ದೂರು ನೀಡಿದ್ದೆ. ನನಗೆ ಜೀವದ ಮೇಲೆ ಭಯವಿದೆ ಎಂದು ಮಹಿಳಾ ಅಧಿಕಾರಿ ಹೇಳಿದ್ದಾರೆ.
He called me for meeting today in Rohtak, I had to be alone with him from 2.30-5 pm. He directed me to return to Chandigarh alone after that. No action was taken against officers who harassed me even earlier: IAS Officer who accused Haryana Addl Chief Secy of sexual harassment pic.twitter.com/ZozqdQiOWN
— ANI (@ANI) 11 June 2018
ರೋಹ್ಟಕ್ನಲ್ಲಿನ ಸಭೆಗೆ ಬರುವಂತೆ ನನ್ನನ್ನು ಕರೆದಿದ್ದರು. ನಾನು ಅವರ ಜತೆ ಮಧ್ಯಾಹ್ನ 2.30-5 ಗಂಟೆವರೆಗೆ ಒಬ್ಬಳೇ ಇರಬೇಕಾಗಿತ್ತು. ಬಳಿಕ ಚಂಡಿಗಡಕ್ಕೆ ಒಬ್ಬಳೇ ಹೋಗುವಂತೆ ಸೂಚಿಸಿದ್ದರು. ನನಗೆ ಈ ಹಿಂದೆಯೂ ಕಿರುಕುಳ ನೀಡಿದವರ ವಿರುದ್ಧ ಯಾವುದೇ ಕ್ರಮ ತೆಗೆದುಕೊಂಡಿಲ್ಲ ಎಂದು ಅವರು ದೂರಿದ್ದಾರೆ.
Click it and Unblock the Notifications
Sign in with Google