ವಿಡಿಯೋ: ಕೋತಿಗಳನ್ನು ಬೆದರಿಸಲು ಕರಡಿ ವೇಷ ತೊಟ್ಟ ಪೊಲೀಸರು

| Updated: Monday, March 9, 2020, 17:19 [IST]

ಡೆಹ್ರಾಡೂನ್, ಮಾರ್ಚ್.09: ಕೋತಿಗಳು ಸಾರ್ ಕೋತಿಗಳು.. ದಿನ ಬೆಳಗಾದ್ರೆ ಸಾಕು ಕೋತಿಗಳ ಕಾಟ ಶುರುವಾಗಿ ಬಿಡುತ್ತಿತ್ತು. ನೆಮ್ಮದಿಯಿಂದ ಬದುಕುವುದೇ ಕಷ್ಟಸಾಧ್ಯ ಅನ್ನುವಂತಾ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಕೋತಿಗಳ ಕಾಟಕ್ಕೆ ಸಾಮಾನ್ಯ ಜನರಷ್ಟೇ ಅಲ್ಲ, ಸ್ವತಃ ಪೊಲೀಸರೇ ರೋಸಿ ಹೋಗಿದ್ದರು.

ಉತ್ತರಾಖಂಡ್ ನಲ್ಲಿ ಇರುವ ಇಂಡೋ-ಟಿಬೆಟಿಯನ್ ಗಡಿ ರಕ್ಷಣಾ ಪಡೆಯ ಶಿಬಿರದ ಸುತ್ತ ಕೋತಿಗಳ ಹಾವಳಿ ಹೆಚ್ಚಾಗಿತ್ತು. ಇದಕ್ಕೆಲ್ಲ ಮುಕ್ತ ಹಾಡುವುದಕ್ಕೆ ಪೊಲೀಸರು ಮಾಡಿದ ಹೊಸ ಐಡಿಯಾ ಇದೀಗ ಸಾಮಾಜಿತ ಜಾಲತಾಣದಲ್ಲಿ ಸಖತ್ ಸದ್ದು ಮಾಡುತ್ತಿದೆ.

ಸಂಗಾತಿ ಹುಡುಕಿಕೊಂಡು 2 ಸಾವಿರ ಕಿಮೀ ನಡೆದ ಹುಲಿರಾಯ ಸಂಗಾತಿ ಹುಡುಕಿಕೊಂಡು 2 ಸಾವಿರ ಕಿಮೀ ನಡೆದ ಹುಲಿರಾಯ

ಅಚ್ಚರಿ ಎನಿಸಿದರೂ ಇದು ಸತ್ಯವಾದ ಘಟನೆ. ಉತ್ತರಾಖಂಡ್ ದಲ್ಲಿರುವ ಮಿರ್ತಿ ಶಿಬಿರದ ಬಳಿ ಕೋತಿಗಳನ್ನು ಓಡಿಸುವುದಕ್ಕಾಗಿ ಇಂಡೋ-ಟಿಬೆಟಿಯನ್ ಗಡಿ ರಕ್ಷಣಾ ಪಡೆಯ ಪೊಲೀಸರೇ ಕರಡಿಗಳ ವೇಷ ತೊಟ್ಟು ಹೊರ ಬಂದಿದ್ದಾರೆ.

#WATCH: 2 Indo-Tibetan Border Police personnel at ITBP Camp-Mirthi, Uttarakhand dressed in 'bear' costume to scare away monkeys on the premises. (Source-ITBP) pic.twitter.com/YeZXaXAgze
— ANI (@ANI) March 9, 2020

Viral Video: Two ITBP Personnel Wear Bear Dress To Scare Monkeys

ಕರಡಿ ವೇಷ ತೊಟ್ಟವರ ಕಂಡು ಬೆದರಿದ ಕೋತಿಗಳು:

ಕರಡಿಯ ವೇಷ ತೊಟ್ಟು ಬಂದ ಪೊಲೀಸರನ್ನು ಕಂಡು ಕೋತಿಗಳು ದಿಕ್ಕಾಪಾಲಾಗಿ ಓಡಿವೆ. ಕರಡಿಗಳೇ ಬಂದವು ಎಂದು ಹೆದರಿ ಶಿಬಿರದ ಸುತ್ತ ಹಾವಳಿ ಇಡುತ್ತಿದ್ದ ಮಂಗಗಳು ಮಂಗಮಾಯವಾಗಿವೆ. ಪೊಲೀಸರು ಮಾಡಿರುವ ಈ ಡಿಫರೆಂಟ್ ಐಡಿಯಾದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.