ವಿಡಿಯೋ: ರಾಯ್ಪುರ ವಿಮಾನ ನಿಲ್ದಾಣದ ಹೊರಗೆ ವ್ಯಕ್ತಿಗೆ ಥಳಿಸಿದ ಮಹಿಳೆಯರ ಗುಂಪು
ರಾಯ್ಪುರ ಸೆಪ್ಟೆಂಬರ್ 19: ರಾಯ್ಪುರ ವಿಮಾನ ನಿಲ್ದಾಣದ ಹೊರಗೆ ಮಹಿಳೆಯರ ಗುಂಪೊಂದು ವ್ಯಕ್ತಿಯೊಬ್ಬನನ್ನು ನಿರ್ದಯವಾಗಿ ಥಳಿಸಿದ ಆಘಾತಕಾರಿ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ರಾಯಪುರದ ಸ್ವಾಮಿ ವಿವೇಕಾನಂದ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಭಾನುವಾರ ಈ ಘಟನೆಯನ್ನು ನೋಡುಗರೊಬ್ಬರು ಸೆರೆಹಿಡಿದಿದ್ದಾರೆ.
ಹಣದ ವಿವಾದಕ್ಕೆ ಈ ಜಗಳ ನಡೆದಿದೆ ಎಂದು ಹೇಳಲಾಗುತ್ತಿದೆ. ವಿಡಿಯೊದಲ್ಲಿ ಕೋಪಗೊಂಡ ಮಹಿಳೆಯರು ಬೆಲ್ಟ್ನಿಂದ ಪುರುಷನನ್ನು ಥಳಿಸುವುದು ಮತ್ತು ಪದೇ ಪದೇ ಕಪಾಳಮೋಕ್ಷ ಹಾಗೂ ಗುದ್ದುವುದು ಕಂಡುಬಂದಿದೆ. ಅವರು ಆ ವ್ಯಕ್ತಿಯ ಅಂಗಿಯನ್ನು ಸಹ ಹರಿದು ಹಾಕಿದ್ದಾರೆ. ವ್ಯಕ್ತಿ ಅವರಿಂದ ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದರೂ ಅದು ಸಾಧ್ಯವಾಗಿಲ್ಲ.
ಎನ್ಡಿಟಿವಿಯ ಸಲಹಾ ವರದಿಗಾರ ಜುಲ್ಫಿಕರ್ ಅವರು ವಿಡಿಯೊವನ್ನು ಹಂಚಿಕೊಂಡಿದ್ದಾರೆ. ಘಟನೆಯ ನಂತರ ಎರಡೂ ಕಡೆಯವರ ಮೇಲೆ ರಾಯ್ಪುರ ನಗರದ ಮನ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
ಸ್ಥಳೀಯ ಮಾಧ್ಯಮಗಳು ಈ ವ್ಯಕ್ತಿಯನ್ನು ರಾಹುಲ್ ಟ್ರಾವೆಲ್ಸ್ ಎಂಬ ಟ್ರಾವೆಲ್ ಕಂಪನಿಯಲ್ಲಿ ಆಟೋ ಟ್ಯಾಕ್ಸಿ ಚಾಲಕ ದಿನೇಶ್ ಎಂದು ಗುರುತಿಸಿವೆ. ತಾನು ಟ್ರಾವೆಲ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದೆ, ಆದರೆ ಈ ವರ್ಷ ಮೇ ಮತ್ತು ಜೂನ್ ತಿಂಗಳ ಸಂಬಳವನ್ನೇ ಪಡೆದಿರಲಿಲ್ಲ ಎಂದು ದಿನೇಶ್ ಪೊಲೀಸ್ ದೂರಿನಲ್ಲಿ ತಿಳಿಸಿದ್ದಾರೆ.
रायपुर एयरपोर्ट पर ट्रैवेल्स कंपनी में काम करने वाली लड़कियों की गुंडागर्दी, सैलरी मांगने पर ड्राइवर को बेल्ट से पीटा, चेहरे पर मिर्च स्प्रे किया। pic.twitter.com/H4xmykGhmD
— Adi Vatsal (@VatsalAdi) September 19, 2022
ಬಾಕಿ ಹಣವನ್ನು ವಸೂಲಿ ಮಾಡಲು ಕಂಪನಿಯ ಕಚೇರಿಗೆ ಬಂದಾಗ, ಉದ್ಯೋಗಿಗಳು ತನ್ನೊಂದಿಗೆ ಅನುಚಿತವಾಗಿ ವರ್ತಿಸಲು ಪ್ರಾರಂಭಿಸಿದರು ಮತ್ತು ಜಗಳವಾಡಿದರು ಎಂದು ವ್ಯಕ್ತಿ ಹೇಳಿದ್ದಾರೆ. ಮ್ಯಾನೇಜರ್ನ ನಂಬರ್ ಕೇಳಿದಾಗ, ಮಹಿಳೆಯರ ಗುಂಪು ತನ್ನನ್ನು ಥಳಿಸಿ ನಿಂದಿಸಲು ಪ್ರಾರಂಭಿಸಿತು ಎಂದು ದಿನೇಶ್ ಹೇಳಿದ್ದಾರೆ. ಘಟನೆಯ ವಿಡಿಯೋ ಹಲವು ಸಾಮಾಜಿಕ ಜಾಲತಾಣಗಳಲ್ಲಿಯೂ ಹರಿದಾಡುತ್ತಿದೆ. ಮಹಿಳೆಯರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ದಿನೇಶ್ ಆಗ್ರಹಿಸಿದ್ದಾರೆ.
ಈ ತಿಂಗಳ ಆರಂಭದಲ್ಲಿ, ನಾಸಿಕ್ನ ಪಿಂಪಲ್ಗಾಂವ್ ಟೋಲ್ ಪ್ಲಾಜಾದಲ್ಲಿ ಇಬ್ಬರು ಮಹಿಳೆಯರು ಗಂಭೀರ ಜಗಳದಲ್ಲಿ ತೊಡಗಿರುವ ಮತ್ತೊಂದು ಆಘಾತಕಾರಿ ವಿಡಿಯೊ ಅಂತರ್ಜಾಲದಲ್ಲಿ ವೈರಲ್ ಆಗಿತ್ತು. ಅವರಲ್ಲಿ ಒಬ್ಬರು ಟೋಲ್ ಪ್ಲಾಜಾ ಉದ್ಯೋಗಿಯಾಗಿದ್ದರೆ, ಇನ್ನೊಬ್ಬರು ಪ್ರಯಾಣಿಕರು. ಕ್ಲಿಪ್ನಲ್ಲಿ, ನೋಡುಗರು ಜಗಳವನ್ನು ತಡೆಯಲು ಮಧ್ಯಪ್ರವೇಶಿಸುವ ಮೊದಲು ಇಬ್ಬರು ಪರಸ್ಪರ ಕೂದಲನ್ನು ಎಳೆಯುವುದು ಮತ್ತು ಪರಸ್ಪರ ಅನೇಕ ಬಾರಿ ಕಪಾಳಮೋಕ್ಷ ಮಾಡುವುದನ್ನು ನೋಡಬಹುದು. ಟೋಲ್ ಶುಲ್ಕಕ್ಕೆ ಸಂಬಂಧಿಸಿದಂತೆ ಈ ಘಟನೆ ನಡೆದಿದೆ ಎನ್ನಲಾಗಿದೆ.
Click it and Unblock the Notifications
Sign in with Google