ಬಿಜೆಪಿಗೆ ಪ್ಲಸ್ ಆಗಲಿವೆ ಉಪ್ರ ನಾಲ್ಕನೇ ಹಂತದ ಮತದಾನ ಕ್ಷೇತ್ರಗಳು
ಉತ್ತರಪ್ರದೇಶ ವಿಧಾನಸಭೆಗೆ ಗುರುವಾರ (ಫೆಬ್ರವರಿ 23) ನಡೆಯುತ್ತಿರುವ ನಾಲ್ಕನೇ ಹಂತದ ಚುನಾವಣೆ ಮತದಾನ ಬಿಜೆಪಿ ಪಾಲಿಗೆ ಪ್ಲಸ್ ಆಗಲಿದೆ ಎಂದು ಮತಗಟ್ಟೆ ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ. ಅದಕ್ಕೆ ಅಂಕಿ-ಅಂಶ ಸಹಿತ ವಿವರಣೆ ಕೂಡ ನೀಡಿದ್ದಾರೆ
ಲಖನೌ, ಫೆಬ್ರವರಿ 23: ಉತ್ತರಪ್ರದೇಶ ವಿಧಾನಸಭೆ ಚುನಾವಣೆಯ ನಾಲ್ಕನೇ ಹಂತದ ಮತದಾನ ಗುರುವಾರ ನಡೆಯುತ್ತಿದೆ. ಏಳು ಜಿಲ್ಲೆ ವ್ಯಾಪ್ತಿಯ 53 ಕ್ಷೇತ್ರಗಳಲ್ಲಿ ಮತದಾನ ನಡೆಯುತ್ತದೆ. ಅದರಲ್ಲಿ ಬುಂದೇಲ್ ಖಂಡ್ ವಲಯ ಹಾಗೂ ರಾಯ್ ಬರೇಲಿ ಒಳಗೊಂಡಿದೆ. ಈ ಹಂತದ ಚುನಾವಣೆಯಲ್ಲಿ ಬಿಜೆಪಿ ಪ್ರಾಬಲ್ಯ ಸಾಧಿಸುತ್ತದೆ ಎಂದು ಮತಗಟ್ಟೆ ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.
2012ರಲ್ಲಿ ಸಮಾಜವಾದಿ ಪಕ್ಷ 24 ಸ್ಥಾನಗಳನ್ನು ಬುಟ್ಟಿಗೆ ಹಾಕಿಕೊಂಡಿದ್ದರೆ, ಅದರ ಮೈತ್ರಿ ಪಕ್ಷ ಕಾಂಗ್ರೆಸ್ 6 ಸ್ಥಾನ ಜಯಿಸಿತ್ತು. ಇನ್ನು ಬಿಜೆಪಿ 53 ಸ್ಥಾನಗಳ ಪೈಕಿ 6ರಲ್ಲಿ ವಿಜಯಿಯಾಗಿತ್ತು. ಆದರೆ 2014ರ ಲೋಕಸಭೆ ಚುನಾವಣೆಯಲ್ಲಿ ಈ ಲೆಕ್ಕಾಚಾರ ಪೂರ್ತಿ ಉಲ್ಟಾ ಆಗಿ, ಬಿಜೆಪಿಯು 37 ವಿಧಾನಸಭೆ ಕ್ಷೇತ್ರ ವ್ಯಾಪ್ತಿಯಲ್ಲಿ ಮುನ್ನಡೆ ಕಾಯ್ದುಕೊಂಡಿತು. ಎಸ್ ಪಿ ಮತ್ತು ಕಾಂಗ್ರೆಸ್ ಕ್ರಮವಾಗಿ 5 ಮತ್ತು 7ರಲ್ಲಿ ಮುನ್ನಡೆ ಸಾಧಿಸಿದ್ದವು.['ಹುಲಿ' ಹೊಡೆಯಲು ಬಡಿಗೆ ಬಿಸಾಡಿ 'ಬಂದೂಕು' ಕೈಗೆತ್ತಿಕೊಂಡ ಮೋದಿ!]
ಲೋಕಸಭೆ ಚುನಾವಣೆಯಲ್ಲಿ ಹಿಂದೂ ಮತಗಳು ಒಗ್ಗೂಡಿದ್ದು ಬಿಜೆಪಿಗೆ ಪ್ಲಸ್ ಆಗಿತ್ತು. ಆದ್ದರಿಂದ ನಾಲ್ಕನೇ ಹಂತದ ಚುನಾವಣೆ ಬಿಜೆಪಿಗೆ ಅನುಕೂಲಕರ ಅಂಶಗಳನ್ನು ಒಳಗೊಂಡಿದೆ ಎಂದು ತಜ್ಞರು ಅಭಿಪ್ರಾಯ ಪಡುತ್ತಾರೆ. ಬುಂದೇಲ್ ಖಂಡ್ ನ ಗುಜರಾತ್ ನ ಕಛ್ ರೀತಿಯಲ್ಲಿ ಅಭಿವೃದ್ಧಿ ಪಡಿಸುವ ಭರವಸೆ ನೀಡಿದ್ದಾರೆ ಪ್ರಧಾನಿ ಮೋದಿ.
ಬುಂದೇಲ್ ಖಂಡ್ ಖನಿಜದ ಶ್ರೀಮಂತವಾಗಿರುವ ವಲಯ. ಆದರೆ ಯಾವುದೇ ಅಭಿವೃದ್ಧಿ ಕಂಡಿಲ್ಲ. ನೀರಿನ ಅಭಾವ ಮತ್ತು ರೈತರ ಹೀನಾಯ ಸ್ಥಿತಿ ಚುನಾವಣೆ ಪ್ರಚಾರದ ವೇಳೆ ಪ್ರಮುಖವಾಗಿ ಪ್ರಸ್ತಾವವಾಗಿವೆ. ಈ ಹಿಂದಿನ ಸರಕಾರಗಳು ಇಲ್ಲಿನ ಸಮಸ್ಯೆಗಳನ್ನು ನಿವಾರಿಸುವಲ್ಲಿ ವಿಫಲವಾಗಿವೆ.[ಮುಸ್ಲಿಮರ ಖಬರಸ್ತಾನ್ ಗೆ ಜಾಗ, ಆದ್ರೆ ಹಿಂದೂಗಳ ಸ್ಮಶಾನಕ್ಕೇಕಿಲ್ಲ?: ಮೋದಿ]
ಈ ವಿಚಾರಗಳನ್ನೇ ಮುಂದಿಟ್ಟುಕೊಂಡು ಮೋದಿ ಪ್ರಚಾರ ನಡೆಸಿದ್ದಾರೆ. ಜತೆಗೆ ಆಡಳಿತವಿರೋಧಿ ಅಲೆ ಇದ್ದು, ಅದನ್ನು ಬಿಜೆಪಿ ಬಳಸಿಕೊಳ್ಳುವ ಎಲ್ಲ ಸಾಧ್ಯತೆಗಳಿವೆ.
ಅಂಕಿ-ಅಂಶ
ಒಟ್ಟು ವಿಧಾನಸಭೆ ಕ್ಷೇತ್ರ- 53
ಒಟ್ಟು ಮತದಾರರು- 1,84,82,166
ಪುರುಷರು- 1,00,31,093
ಮಹಿಳೆಯರು- 84,50,039
ವಿದ್ಯುನ್ಮಾನ ಮತಯಂತ್ರಗಳು- 23,924
ಮತದಾನ ಕೇಂದ್ರಗಳು- 19,487
ಜಿಲ್ಲೆಗಳು- ರಾಯ್ ಬರೇಲಿ, ಪ್ರತಾಪ್ ಘರ್, ಕೌಶಂಬಿ, ಅಲಹಾಬಾದ್, ಜಲೌನ್, ಝಾನ್ಸಿ, ಲಲಿತ್ ಪುರ್, ಮಹೋಬ, ಬಾಂದ, ಹಮೀರ್ ಪುರ್, ಚಿತ್ರಕೂಟ್ ಮತ್ತು ಫತ್ತೇಪುರ್
Click it and Unblock the Notifications
Sign in with Google