Tirupati Darshan : ತಿರುಪತಿ ತಿಮ್ಮಪ್ಪನ ದರ್ಶನ ದುಬಾರಿ, ರೂಂ ದರಗಳು ಏರಿಕೆ

ಅಮರಾವತಿ, ಜನವರಿ 13; ತಿರುಮಲ ತಿರುಪತಿ ದೇವಸ್ಥಾನಂ (ಟಿಟಿಡಿ) ತಿರುಪತಿ ದೇವರ ದರ್ಶನಕ್ಕೆ ಬರುವ ಭಕ್ತರಿಗೆ ಅಗತ್ಯ ಸೌಲಭ್ಯಗಳನ್ನು ಕಲ್ಪಿಸುತ್ತದೆ. ಆಂಧ್ರ ಪ್ರದೇಶ ಮಾತ್ರವಲ್ಲದೇ ದೇಶದ ನಾನಾ ರಾಜ್ಯದ ಜನರು ತಿರುಪತಿಗೆ ಭೇಟಿ ನೀಡುತ್ತಾರೆ.

ಈಗ ತಿರುಪತಿ ತಿಮ್ಮಪ್ಪನ ದರ್ಶನ ಪಡೆಯುವುದು ಸ್ಪಲ್ಪ ದುಬಾರಿಯಾಗಿದೆ. ಜನವರಿ 12 ರಿಂದ ಫೆಬ್ರವರಿ 28ರ ತನಕ ವಿಶೇಷ ದರ್ಶನ ಪಡೆಯಲು ಟಿಟಿಡಿ ಈಗಾಗಲೇ ಆನ್‌ಲೈನ್ ಟಿಕೆಟ್ ಬಿಡುಗಡೆ ಮಾಡಿದೆ. ವಿಶೇಷ ಟಿಕೆಟ್‌ಗೆ 300 ರೂ. ದರವಿದೆ.

ಟಿಟಿಟಿ ವೆಬ್‌ಸೈಟ್‌ ಮೂಲಕ ವಿಶೇಷ ದರ್ಶನದ ಟಿಕೆಟ್ ಬುಕ್ಕಿಂಗ್ ಮಾಡಬಹುದಾಗಿದೆ. ಜನವರಿ 9ರ ಬೆಳಗ್ಗೆ 10 ಗಂಟೆಗೆ ಬುಕ್ಕಿಂಗ್ ಆರಂಭಗೊಂಡಿದೆ. ಈಗ ಟಿಕೆಟ್ ಬುಕ್ ಮಾಡಿದವರು ತಿರುಪತಿಯಲ್ಲಿ ವಾಸ್ತವ್ಯದ ರೂಂ ಬಾಡಿಗೆ ಹೆಚ್ಚು ಮಾಡಿರುವ ಮಾಹಿತಿ ನೀಡಿದ್ದಾರೆ.

ಹೊಸದಾಗಿ ನವೀಕರಣ ಮಾಡಲಾದ ಅತಿಥಿ ಗೃಹ, ಕಾಟೇಜ್‌ಗಳ ಬಾಡಿಗೆಯಲ್ಲಿ ಭಾರೀ ಏರಿಕೆ ಮಾಡಲಾಗಿದೆ. ಟಿಟಿಡಿ ದರ ಏರಿಕೆ ಸಮರ್ಥನೆ ಮಾಡಿಕೊಂಡಿದ್ದು, ಮೂರು ದಶಕದಿಂದ ಒಂದೇ ದರವಿತ್ತು ಎಂದು ಹೇಳಿದೆ.

ನಾರಾಯಣಗಿರಿ ಅತಿಥಿ ಗೃಹದಲ್ಲಿ ರೂಂ ಬಾಡಿಗೆ 750 ರೂ. ಇತ್ತು. ಇದನ್ನು 1,700 ರೂ.ಗಳಿಗೆ ಏರಿಕೆ ಮಾಡಲಾಗಿದೆ. ವಿಶೇಷ ಮಾದರಿ ಕಾಟೇಜ್‌ಗಳ ದರಗಳು 750 ರಿಂದ 2,200 ರೂ.ಗಳಿಗೆ ಏರಿಕೆಯಾಗಿದೆ.

ದರ ಏರಿಕೆ ಬಗ್ಗೆ ಭಕ್ತರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಸಾಮಾನ್ಯ ಭಕ್ತರನ್ನು ಗಮನದಲ್ಲಿಟ್ಟುಕೊಂಡು ದರಗಳನ್ನು ನಿಗದಿ ಮಾಡಬೇಕು ಎಂದು ಒತ್ತಾಯಿಸಲಾಗುತ್ತಿದೆ.

ಟಿಟಿಡಿ ಬಾಡಿಗೆ ಹೆಚ್ಚಳ ಮಾಡಿರುವ ತನ್ನ ತೀರ್ಮಾನವನ್ನು ಸಮರ್ಥಿಸಿಕೊಂಡಿದೆ. ನಾರಾಯಣಗಿರಿ ಅತಿಥಿ ಗೃಹವನ್ನು ಈಗ ಭಕ್ತರ ಬೇಡಿಕೆಯಂತೆ ನವೀಕರಣ ಮಾಡಲಾಗಿದೆ. ಹಲವಾರು ಸೌಲಭ್ಯಗಳನ್ನು ಒದಗಿಸಲಾಗಿದೆ. ಅದರಂತೆ ಬಾಡಿಗೆ ಹೆಚ್ಚಿಸಲಾಗಿದೆ ಎಂದು ಹೇಳಿದೆ.

ತಿರುಪತಿಯಲ್ಲಿನ ವಾಸ್ತವ್ಯವ ವಿವರಗಳು

* ತಿರುಪತಿ ಶ್ರೀನಿವಾಸಂ ಕಾಂಪ್ಲೆಕ್ಸ್. ಸಾಮಾನ್ಯ ರೂಂಗೆ 200 ರೂ.
* ತಿರುಪತಿ ವಿಷ್ಣು ನಿವಾಸಂ & ನಾನ್‌ ಎಸಿ ರೂಂ 2 ಬೆಡ್ ಅಟ್ಯಾಚ್ ಬಾತ್‌ ರೂಂ 300 ರೂ.
* ತಿರುಪತಿ ಶ್ರೀನಿವಾಂ ಕಾಂಪ್ಲೆಕ್ಸ್ ಎಸಿ ರೂಂ 400 ರೂ.
* ತಿರುಪತಿ ವಿಷ್ಣು ನಿವಾಸಂ & ನಾನ್ ಎಸಿ ಸೂಟ್ 2 ಬೆಡ್ ಅಟ್ಯಾಚ್ ಬಾತ್ ರೂಂ 500 ರೂ.
* ತಿರುಪತಿ ಶ್ರೀನಿವಾಸಂ ಕಾಂಪ್ಲೆಕ್ಸ್ & ಡಿಲಕ್ಸ್‌ ರೂಂ 600 ರೂ.
* ತಿರುಪತಿ ವಿಷ್ಣು ನಿವಾಸಂ & ಎಸಿ ರೂಂ 800 ರೂ., 2 ಬೆಡ್ ಅಟ್ಯಾಚ್ ಬಾತ್‌ ರೂಂ
* ತಿರುಪತಿ ಮಾಧವಂ ಅತಿಥಿ ಗೃಹ & ಎಸಿ ಸೂಟ್ 800 ರೂ.
* ತಿರುಪತಿ ಮಾಧವಂ ಅತಿಥಿ ಗೃಹ & ಎಸಿ ಡಿಲಕ್ಸ್ 1000 ರೂ.
* ತಿರುಪತಿ ವಿಷ್ಣು ನಿವಾಸಂ & ಎಸಿ ಸೂಟ್ ವಿತ್ 2 ಬೆಟ್ ಅಟ್ಯಾಚ್ ಬಾತ್‌ ರೂಂ 1300 ರೂ.

ವಿಶೇಷ ದರ್ಶನ ಬುಕ್ ಮಾಡುವುದು ಹೇಗೆ?; ತಿರುಪತಿ ತಿಮ್ಮಪ್ಪನ ದರ್ಶನ ಪಡೆಯಲು ಬಯಸುವವರು tirupatibalaji.ap.gov.in. ವೆಬ್‌ಸೈಟ್‌ ಮೂಲಕ ವಿಶೇಷ ದರ್ಶನದ ಟಿಕೆಟ್ ಬುಕ್ ಮಾಡಬಹುದಾಗಿದೆ.

ಆನ್‌ಲೈನ್ ಬುಕ್ ಮಾಡುವಾಗ ನಿಮ್ಮ ಇ-ಮೇಲ್ ಐಡಿ ನೀಡಬೇಕು. ವೆಬ್‌ಸೈಟ್‌ನಲ್ಲಿ ನೀಡುವ ವಿವರಗಳನ್ನು ಭರ್ತಿ ಮಾಡಿ ಆನ್‌ಲೈನ್ ಮೂಲಕವೇ ಪೇ-ಮೆಂಟ್ ಮಾಡಲು ಸಹ ಅವಕಾಶ ನೀಡಲಾಗಿದೆ. ಹಣ ಪಾವತಿ ಬಳಿಕ 300 ರೂ. ದರ್ಶನದ ಟಿಕೆಟ್ ನಿಮ್ಮ ಇ-ಮೇಲ್‌ ಐಡಿಗೆ ಬರಲಿದೆ.

English summary

TTD has increased the rents for the recently modernized guest houses and cottages. Due to this Tirupati Balaji Darshan costlier for devotees.