ಶೀಘ್ರದಲ್ಲಿಯೇ ಬರಲಿವೆ ಹೊಸ 20 ಹಾಗೂ 50 ರು ಮುಖಬೆಲೆ ನೋಟುಗಳು!
ನವದೆಹಲಿ, ಡಿಸೆಂಬರ್. 04 : ಹೊಸ 20 ಹಾಗೂ 50 ರು ಮುಖಬೆಲೆ ನೋಟುಗಳನ್ನು ಭಾರತೀಯ ರಿಸರ್ವ್ ಬ್ಯಾಂಕ್ ಶೀಘ್ರದಲ್ಲೇ ಮುದ್ರಿಸಲಿದೆ.
ಐನೂರು-ಸಾವಿರ ನೋಟುಗಳು ರದ್ದಾಗಿನಿಂದ ಸಾರ್ವಜನಿಕರು ಎದುರಿಸುತ್ತಿರುವ ಚಿಲ್ಲರೆ ಸಮಸ್ಯೆ ಬಗೆಹರಿಸಲು ಆರ್ ಬಿಐ ಈ ಹೊಸ ಉಪಾಯ ಮಾಡಿದೆ.
ಶೀಘ್ರದಲ್ಲೇ 20ರ ಹೊಸ ನೋಟುಗಳನ್ನು ಆರ್ ಬಿ ಐ ಮುದ್ರಿಸಲಿದ್ದು ಇದರಲ್ಲಿ ಮಹಾತ್ಮ ಗಾಂಧಿ ಸೀರೀಸ್ 2005, ಎರಡೂ ಸಂಖ್ಯಾ ಪ್ಯಾನಲ್ ಗಳಲ್ಲಿ 'L' ಎಂಬ ಇನ್ಸೆಟ್ ಲೆಟರ್, ಆರ್ ಬಿ ಐ ಗವರ್ನರ್ ಡಾ. ಉರ್ಜಿತ್ ಪಟೇಲ್ ಅವರ ಹಸ್ತಾಕ್ಷರವಿರಲಿದೆ.
Issue of ₹ 20 banknotes with the inset letter ‘L’, with numerals in ascending size in number panels and without...https://t.co/EeFGlK1Q2w
— ReserveBankOfIndia (@RBI) December 4, 2016
ಮುದ್ರಣ ಇಸವಿ 2016 ಎಂದು ಅಚ್ಚಾಗಿರುತ್ತದೆ ಎಂದು ಆರ್ ಬಿ ಐ ಪ್ರಕಟಣೆಯಲ್ಲಿ ತಿಳಿಸಿದೆ. ಇನ್ನು 50ರು ಹೊಸ ನೋಟುಗಳನ್ನೂ ಮುದ್ರಿಸಲಾಗುತ್ತಿದ್ದು ಅದರಲ್ಲಿ ಮಹಾತ್ಮ ಗಾಂಧಿ ಸೀರೀಸ್ 2005, ಎರಡೂ ಸಂಖ್ಯಾ ಪ್ಯಾನಲ್ ಗಳಲ್ಲಿ ಯಾವುದೇ ಇನ್ಸೆಟ್ ಲೆಟರ್ ಇರುವುದಿಲ್ಲ.
Issuance of ₹ 50 banknotes without inset letter, with numerals in ascending size in number panels, and without...https://t.co/DaFWRuCEGA
— ReserveBankOfIndia (@RBI) December 4, 2016
ಹೊಸ ನೋಟುಗಳು ಮುದ್ರಣವಾಗಿ ಚಲಾವಣೆಗೆ ಬಂದರೂ ಹಳೆಯ ನೋಟುಗಳು ಕೂಡಾ ಚಲಾವಣೆಯಲ್ಲಿರುತ್ತವೆ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್ ಹೇಳಿದೆ.