ರಾಜಸ್ಥಾನ ವಿಧಾನಸಭಾ ಚುನಾವಣೆ 2023: 50 ವರ್ಷಗಳಲ್ಲಿ 20 ಚುನಾವಣೆಗಳಲ್ಲಿ ಸೋತರೂ ಮತ್ತೆ ಸ್ಪರ್ಧಿಸಿದ ವ್ಯಕ್ತಿ
ಜೈಪುರ, ನವೆಂಬರ್ 7: 1970 ರ ದಶಕದಿಂದ ರಾಜಸ್ಥಾನದಲ್ಲಿ ಪ್ರತಿ ಚುನಾವಣೆಗೆ ಸ್ಪರ್ಧಿಸಿ ಪ್ರತಿ ಬಾರಿಯೂ ತಮ್ಮ ಠೇವಣಿ ಕಳೆದುಕೊಂಡರೂ ವ್ಯಕ್ತಿಯೊಬ್ಬರು ಚುನಾವಣೆಗೆ ಸ್ಪರ್ಧಿಸುತ್ತಾ ಬಂದಿದ್ದಾರೆ.
ಅವರು ಬೇರೆ ಯಾರು ಅಲ್ಲ. 78 ವರ್ಷದ ನರೇಗಾ ಕಾರ್ಯಕರ್ತ ತೀತರ್ ಸಿಂಗ್. ಅವರು ನವೆಂಬರ್ 25 ರ ವಿಧಾನಸಭಾ ಚುನಾವಣೆಯಲ್ಲಿ ಮತ್ತೊಮ್ಮೆ ತಮ್ಮ ಅದೃಷ್ಟ ಪರೀಕ್ಷೆಗೆ ಮುಂದಾಗಿದ್ದಾರೆ.
ಇಲ್ಲಿಯವರೆಗೆ ಸುಮಾರು 20 ಚುನಾವಣೆಗಳಲ್ಲಿ ಸೋತ ನಂತರವೂ ಏಕೆ ಸ್ಪರ್ಧಿಸುತ್ತಿದ್ದೀರಿ ಎಂಬ ಪ್ರಶ್ನೆಗೆ ಕಾರನ್ಪುರ ವಿಧಾನಸಭಾ ಕ್ಷೇತ್ರದ ಸ್ವತಂತ್ರ ಅಭ್ಯರ್ಥಿಯಾದ ತೀತರ್ ಸಿಂಗ್ , ನಾನೇಕೆ ಸ್ಪರ್ಧಿಸಬಾರದು ಎಂದು ಉತ್ತರಿಸಿದರು. 'ಸರ್ಕಾರವು ಭೂಮಿ, ಸೌಲಭ್ಯಗಳನ್ನು ನೀಡಬೇಕು. ಈ ಚುನಾವಣೆ ಹಕ್ಕುಗಳ ಹೋರಾಟವಾಗಿದೆ. ಜನಪ್ರಿಯತೆ ಅಥವಾ ದಾಖಲೆಗಳಿಗಾಗಿ ಚುನಾವಣೆಯಲ್ಲಿ ಸ್ಪರ್ಧಿಸುವುದಿಲ್ಲ ಎಂದು ತಿಳಿಸಿದರು.
ಸ್ಪರ್ಧಿಸುವುದು ತಮ್ಮ ಹಕ್ಕುಗಳನ್ನು ಬಳಸಲು ಒಂದು ಅಸ್ತ್ರವಾಗಿದೆ. ಆದರೆ ನಮಗೆ ವಯಸ್ಸಾಗಿದೆ. ಪಂಚಾಯಿತಿಯಿಂದ ಹಿಡಿದು ಲೋಕಸಭೆ ಚುನಾವಣೆಯವರೆಗೆ ಪ್ರತಿ ಚುನಾವಣೆಗೆ ಸ್ಪರ್ಧಿಸಿದ್ದೇನೆ. ಆದರೆ ಪ್ರತಿ ಬಾರಿಯೂ ಸೋಲನ್ನು ಎದುರಿಸಿದ್ದೇನೆ. ಈಗಲೂ ಅದೇ ಉತ್ಸಾಹ ಹಾಗೂ ಉತ್ಸಾಹದಿಂದ ಮತ್ತೊಮ್ಮೆ ತಯಾರಾಗುತ್ತಿದ್ದು, ಈ ತಿಂಗಳಾಂತ್ಯದಲ್ಲಿ ನಡೆಯಲಿರುವ ವಿಧಾನಸಭಾ ಚುನಾವಣೆಗೆ ನಾಮಪತ್ರ ಸಲ್ಲಿಸುವುದಾಗಿ ತಿಳಿಸಿದರು.
ದಲಿತ ಸಮುದಾಯದ ಸದಸ್ಯರಾಗಿರುವ 25 ಎಫ್ ಗ್ರಾಮದ ನಿವಾಸಿ ಶ್ರೀ ತೀತರ್ ಸಿಂಗ್, 1970 ರ ದಶಕದಲ್ಲಿ ತನ್ನಂತಹ ಜನರು ಕಾಲುವೆ ಕಮಾಂಡ್ ಪ್ರದೇಶದಲ್ಲಿ ಭೂ ಮಂಜೂರಾತಿಯಿಂದ ವಂಚಿತರಾಗಿದ್ದಾರೆಂದು ಭಾವಿಸಿದಾಗ ಮೊದಲ ಬಾರಿಗೆ ಚುನಾವಣೆಯಲ್ಲಿ ಸ್ಪರ್ಧಿಸಲು ನಿರ್ಧರಿಸಿದ್ದೇನೆ ಎಂದು ಹೇಳಿದರು.
ಭೂರಹಿತರು ಮತ್ತು ಬಡ ಕೂಲಿಕಾರ್ಮಿಕರಿಗೆ ಸರ್ಕಾರ ಭೂಮಿ ಮಂಜೂರು ಮಾಡಬೇಕೆಂಬುದು ಅವರ ಬೇಡಿಕೆಯಾಗಿತ್ತು. ಇದಕ್ಕಾಗಿ ಅವರು ಅವಕಾಶ ಸಿಕ್ಕಾಗಲೆಲ್ಲಾ ಚುನಾವಣಾ ಕಣಕ್ಕೆ ಇಳಿಯಲು ಪ್ರಾರಂಭಿಸಿದರು. ಬಳಿಕ ಒಂದರ ನಂತರ ಒಂದರಂತೆ ಚುನಾವಣೆಗೆ ಸ್ಪರ್ಧಿಸಿದರು. ಆದರೆ ಭೂಮಿ ಮಂಜೂರು ಮಾಡಬೇಕೆಂಬ ಅವರ ಬೇಡಿಕೆ ಇನ್ನೂ ಈಡೇರಿಲ್ಲ. ತಮ್ಮ ಪುತ್ರರೂ ದಿನಗೂಲಿ ಕಾರ್ಮಿಕರಾಗಿ ಕೆಲಸ ಮಾಡುತ್ತಾರೆ ಎಂದು ಸಿಂಗ್ ಹೇಳಿದರು.
ತನಗೆ ಮೂವರು ಹೆಣ್ಣುಮಕ್ಕಳು ಮತ್ತು ಇಬ್ಬರು ಗಂಡು ಮಕ್ಕಳಿದ್ದಾರೆ. ತಮ್ಮ ಮೊಮ್ಮಕ್ಕಳು ಕೂಡ ಮದುವೆಯಾಗಿದ್ದಾರೆ. ಠೇವಣಿ ಬಂಡವಾಳವಾಗಿ ₹ 2,500 ನಗದು ಹೊಂದಿದ್ದೇನೆ. ಆದರೆ ಭೂಮಿ, ಆಸ್ತಿ ಅಥವಾ ವಾಹನಗಳಿಲ್ಲ. ಸಾಮಾನ್ಯ ದಿನಗಳಲ್ಲಿ ಮಹಾತ್ಮ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಕಾಯಿದೆ (ಎಂಜಿಎನ್ಆರ್ಇಜಿಎ) ಅಡಿಯಲ್ಲಿ ದೈನಂದಿನ ಕೂಲಿ ಕೆಲಸ ಮಾಡುತ್ತೇನೆ. ಆದರೆ ಚುನಾವಣೆಗಳು ಬಂದ ತಕ್ಷಣ ಅವರು ಪ್ರಚಾರದತ್ತ ಗಮನ ಹರಿಸುತ್ತಾರೆ ಎಂದು ಸಿಂಗ್ ಹೇಳಿದರು.
ಆದರೆ ಫಲಿತಾಂಶಗಳಲ್ಲಿ ಅವರು ಪರಾವಭಗೊಂಡರು. ಅವರು ಪ್ರತಿ ಬಾರಿಯೂ ಠೇವಣಿಗಳನ್ನು ಕಳೆದುಕೊಂಡರು. ತೀತರ್ ಸಿಂಗ್ ಅವರು 2008 ರ ರಾಜಸ್ಥಾನ ವಿಧಾನಸಭಾ ಚುನಾವಣೆಯಲ್ಲಿ 938 ಮತಗಳನ್ನು, 2013 ರ ವಿಧಾನಸಭಾ ಚುನಾವಣೆಯಲ್ಲಿ 427 ಮತ್ತು 2018 ರ ವಿಧಾನಸಭಾ ಚುನಾವಣೆಯಲ್ಲಿ 653 ಮತಗಳನ್ನು ಪಡೆದಿದ್ದಾರೆ.
Click it and Unblock the Notifications
Sign in with Google