ಪಿಎಸ್ ಎಲ್ ವಿ-ಸಿ38 ಉಡಾವಣೆ: ಐತಿಹಾಸಿಕ ಕ್ಷಣಕ್ಕೆ ಸಾಕ್ಷಿಯಾದ ಇಸ್ರೋ

ಶ್ರೀಹರಿಕೋಟ(ಆಂಧ್ರಪ್ರದೇಶ), ಜೂನ್ 23: ಇತ್ತೀಚೆಗಷ್ಟೇ ಜೆಸ್ಎಲ್ ವಿ ಮಾರ್ಕ್-3 ಉಪಗ್ರಹ ಉಡಾವಣಾ ವಾಹಕವನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿ ಇತಿಹಾಸ ಬರೆದಿದ್ದ ಭಾರತೀಯ ಬಾಹ್ಯಾಕಾಶ ಸಂಸ್ಥೆ(ISRO), ಇದೀಗ ಮತ್ತೊಂದು ಐತಿಹಾಸಿಕ ದಾಖಲೆ ಬರೆದಿದೆ.

ಇಂದು (ಜೂನ್ 23) ಬೆಳಗ್ಗೆ ಆಂಧ್ರಪ್ರದೇಶ ಶ್ರೀಹರಿಕೋಟದ, ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದ ಮೊದಲ ಲಾಂಚ್ ಪ್ಯಾಡ್ ನಿಂದ 31 ಉಪಗ್ರಹಗಳ್ನು ಯಶಸ್ವಿಯಾಗಿ ಉಡ್ಡಯನ ಮಾಡಿತು.

#WATCH: ISRO launches PSLV-C38 rocket on a mission to put 31 satellites into orbit from Sriharikota in Andhra Pradesh pic.twitter.com/WNrvaFDngP

— ANI (@ANI_news) June 23, 2017

ಈ 31 ಉಪಗ್ರಹಗಳಲ್ಲಿ ಕ್ಯಾರ್ಟೋಸ್ಯಾಟ್ ಎಂಬ ಭೂ ವೀಕ್ಷಣಾ ಉಪಗ್ರಹವೂ ಸೇರಿದ್ದು, ಒಟ್ಟು 31 ಉಪಗ್ರಹಗಳ ತೂಕ 955 ಕೆ.ಜಿ. 30 ಉಪಗ್ರಹಗಳ ಒಟ್ಟು ತೂಕ 243 ಕೆ.ಜಿ. ಆಗಿದ್ದರೆ, ಕ್ಯಾರ್ಟೋಸ್ಯಾಟ್ ಬರೋಬ್ಬರಿ 712 ಕೆ.ಜಿ.ತೂಗುತ್ತದೆ.

ಉಪಗ್ರಹ ಉಡ್ಡಯನ ಯಶಸ್ವಿಯಾಗಿದೆ ಎಂದು ಇಸ್ರೋ ಘೋಷಿಸುತ್ತಿದ್ದಂತೆಯೇ ಅಭಿನಂದನೆಯ ಸುರಿಮಳೆಯೇ ಹರಿದು ಬರುತ್ತಿದೆ.

English summary

Indian Space research centre ( ISRO) has launched PSLV-C38 successfully. Cartosat-2 and 30 foreign satellites from Sriharikota has launched by ISRO from satish dhawan space centre, Sriharikota in Andhra Pradesh on 23rd June.