ರಫೇಲ್ ತನಿಖೆಯಿಂದ ಮೋದಿ ತಪ್ಪಿಸಿಕೊಳ್ಳಲು ಸಾಧ್ಯವೇ ಇಲ್ಲ: ರಾಹುಲ್
ನವದೆಹಲಿ, ನವೆಂಬರ್ 2: "ರಫೇಲ್ ತನಿಖೆಯಿಂದ ಪ್ರಧಾನಿ ಮೋದಿ ತಪ್ಪಿಸಿಕೊಳ್ಳಲು ಸಾಧ್ಯವೇ ಇಲ್ಲ. ಈ ಬಗ್ಗೆ ನಾನು ಖಾತ್ರಿ ಕೊಡ್ತೀನಿ" ಎಂದು ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಹೇಳಿದ್ದಾರೆ.
'ದ ವೈರ್' ವೆಬ್ ಸೈಟ್ ಮಾಡಿದ ವರದಿಯನ್ನು ಆಧಾರವಾಗಿ ಇರಿಸಿಕೊಂಡು ಅವರು ಮಾತನಾಡಿದರು. ರಫೇಲ್ ಯುದ್ಧ ವಿಮಾನ ತಯಾರಿಕಾ ಸಂಸ್ಥೆ ಡಸಾಲ್ಟ್ ನಿಂದ ಅನಿಲ್ ಅಂಬಾನಿ ನೇತೃತ್ವದ ಡಿಫೆನ್ಸ್ ಕಂಪನಿಯಲ್ಲದೆ, ಸದ್ಯಕ್ಕೆ ನಷ್ಟದಲ್ಲಿರುವ, ಶೂನ್ಯ ಆದಾಯದ ಅಂಬಾನಿ ಒಡೆತನದ ಕಂಪನಿಯಲ್ಲಿ ನಲವತ್ತು ಮಿಲಿಯನ್ ಯುರೋ ಹೂಡಿಕೆ ಮಾಡಲಾಗಿದೆ ಎಂದು ವರದಿಯಲ್ಲಿದೆ.
ಫ್ರಾನ್ಸ್ ಹಾಗೂ ಭಾರತದಲ್ಲಿ ಸಲ್ಲಿಕೆ ಆಗಿರುವ ಮಾಹಿತಿಯನ್ನು ಆಧರಿಸಿಯೇ ಈ ವರದಿ ಮಾಡಲಾಗಿದೆ. ಡಸಾಲ್ಟ್ ಕಂಪನಿಯ ಹೂಡಿಕೆಯನ್ನು ಅನಿಲ್ ಅಂಬಾನಿ ಗುಂಪಿನ ಕಂಪನಿ ರಿಲಯನ್ಸ್ ಇನ್ ಫ್ರಾಸ್ಟ್ರಕ್ಚರ್ ನ ಲಾಭವನ್ನಾಗಿ ಪರಿವರ್ತಿಸಲಾಗಿದೆ. ಆ ಕಂಪನಿಯ ಷೇರುಗಳನ್ನು ಸಹವರ್ತಿ ಕಂಪನಿಯಾದ ರಿಲಯನ್ಸ್ ಏರ್ ಪೋರ್ಟ್ ಡೆವಲಪರ್ಸ್ ಲಿಮಿಟೆಡ್ ಗೆ ಪ್ರೀಮಿಯಂ ಬೆಲೆಯಲ್ಲಿ ಮಾರಲಾಗಿದೆ.
ಡಸಾಲ್ಟ್ ಕಂಪನಿಯ 2017ರ ವಾರ್ಷಿಕ ವರದಿ ಹಾಗೂ 2018ರ ಮಾರ್ಚ್ ನ ರಿಲಯನ್ಸ್ ಇನ್ ಫ್ರಾ ವಾರ್ಷಿಕ ವರದಿಯಲ್ಲಿ ಈ ಬಗ್ಗೆ ಪ್ರಸ್ತಾಪ ಇದ್ದು, ಈ ಮಾಹಿತಿ ಸಾರ್ವಜನಿಕವಾಗಿ ಲಭ್ಯವಿದೆ ಎಂದು ವರದಿ ಮಾಡಲಾಗಿದೆ. ಆದರೆ 'ದ ವೈರ್'ನ ಯಾವುದೇ ಲೇಖನಗಳಿಗೆ ಪ್ರತಿಕ್ರಿಯೆ ನೀಡುವುದಿಲ್ಲ ಎಂದು ಈಗಾಗಲೇ ಅನಿಲ್ ಅಂಬಾನಿ ನೇತೃತ್ವದ ರಿಲಯನ್ಸ್ ಹೇಳಿದೆ.
Click it and Unblock the Notifications
Sign in with Google