ಮೋದಿಯನ್ನು ಅಣಕಿಸಿದ ರಾಹುಲ್ ಗಾಂಧಿಯ ತಪ್ಪು ತಿದ್ದಿದ ಆಕ್ಸ್ಫರ್ಡ್
ನವದೆಹಲಿ, ಮೇ 16: ರಾಹುಲ್ ಗಾಂಧಿ ಅವರು ಇಂದು ಬೆಳಿಗ್ಗೆ ಮೋದಿ ಅವರನ್ನು ಅಣಕಿಸುವಂತಹಾ ಟ್ವೀಟ್ ಒಂದನ್ನು ಮಾಡಿದ್ದರು. ಆದರೆ ಆ ಟ್ವೀಟ್ನಲ್ಲಿರುವ ಮಾಹಿತಿ ಅಪ್ಪಟ ಸುಳ್ಳು ಎಂದು ಆಕ್ಸ್ಫರ್ಡ್ ಡಿಕ್ಷನರಿ ಟ್ವೀಟ್ ಮಾಡಿದೆ.
'ಮೋದಿಲಿ' (modilie) ಎಂಬ ಹೊಸ ಪದ ಡಿಕ್ಷನರಿ ಸೇರಿದೆ ಅದರ ಅರ್ಥ ಏನೆಂದು ನೀವೇ ನೋಡಿ ಎಂದು ಸ್ಕ್ರೀನ್ ಶಾಟ್ ಅನ್ನು ರಾಹುಲ್ ಗಾಂಧಿ ಇಂದು ಬೆಳಿಗ್ಗೆ ಟ್ವಿಟ್ಟರ್ ನಲ್ಲಿ ಹಂಚಿಕೊಂಡಿದ್ದರು.
ರಾಹುಲ್ ಗಾಂಧಿ ಅವರು ಹಂಚಿಕೊಂಡಿದ್ದ ಸ್ಕ್ರೀನ್ ಶಾಟ್ ಪ್ರಕಾರ 'ಮೋದಿಲಿ' (modilie) ಪದದ ಅರ್ಥ, ಸತ್ಯವನ್ನು ತಿರುಚುವುದು, ಎಡಬಿಡದೆ ಸುಳ್ಳು ಹೇಳುವುದು ಎಂದಾಗಿತ್ತು, ಆದರೆ ಆ ರೀತಿಯ ಯಾವುದೇ ಪದ ಆಕ್ಸ್ಪರ್ಡ್ ಡಿಕ್ಷನರಿಯಲ್ಲಿ ಇಲ್ಲ ಎಂದು ಸ್ವತಃ ಆಕ್ಸ್ಪರ್ಡ್ ಡಿಕ್ಷನರಿ ರಾಹುಲ್ ಗಾಂಧಿ ಅವರ ಟ್ವೀಟ್ಗೆ ಪ್ರತಿಕ್ರಿಯೆಯನ್ನು ನೀಡಿದೆ.
There’s a new word in the English Dictionary. Attached is a snapshot of the entry :) pic.twitter.com/xdBdEUL48r
— Rahul Gandhi (@RahulGandhi) May 15, 2019
ಮೋದಿ ಅವರನ್ನು ಅಣಕಿಸಲು ಹೋಗಿ ರಾಹುಲ್ ಗಾಂಧಿ ಪೇಚಿಗೆ ಸಿಲುಕಿದಂತಾಗಿದೆ. ರಾಹುಲ್ ಗಾಂಧಿ ಅವರ ಈ ಟ್ವೀಟ್ಗೆ ಹಲವು ಪ್ರತಿಕ್ರಿಯೆ ಬಂದಿದ್ದು, ಹಲವರು ರಾಹುಲ್ ಅವರನ್ನು ವ್ಯಂಗ್ಯ ಮಾಡಿದ್ದಾರೆ.
We can confirm that the image showing the entry ‘Modilie’ is fake and does not exist in any of our Oxford Dictionaries.
— Oxford Dictionaries (@OxfordWords) May 16, 2019