National Cinema Day 2023: ಸಿನಿಪ್ರಿಯರಿಗೆ ಗುಡ್‌ ನ್ಯೂಸ್: ಕೇವಲ 99 ರೂಪಾಯಿಯಲ್ಲಿ ನೋಡಿ ಸಿನಿಮಾ..!

Published: Thursday, October 12, 2023, 10:35 [IST]

ಸಿನಿ ಪ್ರಿಯರಿಗೆ ಇಲ್ಲಿದೆ ಸಿಹಿ ಸುದ್ದಿ. ಅದೇನೆಂದರೆ ಕೇವಲ 99 ರೂಪಾಯಿಗಳಲ್ಲಿ ಚಲನಚಿತ್ರವನ್ನು ವೀಕ್ಷಿಸುವ ಅವಕಾಶ. ಆಶ್ಚರ್ಯ ಎನಿಸಿದರೂ ಇದು ನಿಜವೇ. ರಾಷ್ಟ್ರೀಯ ಸಿನಿಮಾ ದಿನದ ಅಂಗವಾಗಿ ಈ ಆಫರ್ ನೀಡಲಾಗಿದ್ದು ಶುಕ್ರವಾರ ಅಂದರೆ ಅಕ್ಟೋಬರ್ 13ರಂದು ಕೇವಲ 99 ರೂಪಾಯಿಗಳಲ್ಲಿ ಪ್ರೇಕ್ಷಕರು ಸಿನಿಮಾವನ್ನು ವೀಕ್ಷಿಸಬಹುದು.

ಮಲ್ಟಿಪ್ಲೆಕ್ಸ್ ಅಸೋಸಿಯೇಷನ್ ಆಫ್ ಇಂಡಿಯಾ (MAI) ರಾಷ್ಟ್ರೀಯ ಸಿನಿಮಾ ದಿನ 2023 ರ ಕುರಿತು ಈ ಅಧಿಕೃತ ಹೇಳಿಕೆಯನ್ನು ನೀಡಿದೆ. ಅಕ್ಟೋಬರ್ 13 ರಂದು ದೇಶದಾದ್ಯಂತ ರಾಷ್ಟ್ರೀಯ ಸಿನಿಮಾ ದಿನವನ್ನು ಆಚರಿಸಲಾಗುತ್ತಿದೆ. ಇದರ ಅಂಗವಾಗಿ 99 ರೂ.ಗಳ ಅಗ್ಗದ ದರದಲ್ಲಿ ಪ್ರೇಕ್ಷಕರು ಚಿತ್ರಮಂದಿರಗಳಲ್ಲಿ ಚಿತ್ರವನ್ನು ಆನಂದಿಸಬಹುದು.

MAI ಕಳೆದ ವರ್ಷ ಈ ಯೋಜನೆಯಿಂದ ಪ್ರಯೋಜನ ಪಡೆದಿತ್ತು. ಅದರ ಯಶಸ್ಸಿನ ನಂತರ ಈ ವರ್ಷವೂ ಇದನ್ನು ಆಯೋಜಿಸಲು ನಿರ್ಧರಿಸಲಾಗಿದೆ. ಹಾಗಾದರೆ 99 ರೂಪಾಯಿಗೆ ಥಿಯೇಟರ್‌ಗಳಲ್ಲಿ ಸಿನಿಮಾವನ್ನು ಯಾವಾಗ ಮತ್ತು ಹೇಗೆ ನೋಡಬಹುದು ಎಂಬುದನ್ನು ನಾವು ನಿಮಗೆ ತಿಳಿಸುತ್ತೇವೆ.

ಮಲ್ಟಿಪ್ಲೆಕ್ಸ್ ಅಸೋಸಿಯೇಷನ್ ಆಫ್ ಇಂಡಿಯಾ 2022 ರಿಂದ ರಾಷ್ಟ್ರೀಯ ಸಿನಿಮಾ ದಿನವನ್ನು ಆಚರಿಸಲು ಪ್ರಾರಂಭಿಸಿತು. ಮೊದಲ ಬಾರಿಗೆ ಈ ದಿನವನ್ನು ಸೆಪ್ಟೆಂಬರ್ 23 ರಂದು ಆಚರಿಸಲಾಯಿತು. ಅದರ ಯಶಸ್ಸಿನ ನಂತರ, ಇದನ್ನು 2023 ರಲ್ಲಿ ಆಚರಿಸಲು ಘೋಷಿಸಲಾಯಿತು.

ಈ ಚಿತ್ರಗಳು ಪ್ರಯೋಜನ ಪಡೆಯಲಿವೆ

ಕಳೆದ ಬಾರಿ ರಾಷ್ಟ್ರೀಯ ಸಿನಿಮಾ ದಿನದಂದು 6.5 ಮಿಲಿಯನ್‌ಗಿಂತಲೂ ಹೆಚ್ಚು ಜನರು ಚಿತ್ರವನ್ನು ಕಡಿಮೆ ದರದಲ್ಲಿ ವೀಕ್ಷಿಸಿದ್ದಾರೆ ಎಂದು MAI ಹೇಳಿತ್ತು. ಈ ದಿನವನ್ನು ಐತಿಹಾಸಿಕವಾಗಿಸಿದ ಎಲ್ಲರಿಗೂ ಕೃತಜ್ಞತೆ ಸಲ್ಲಿಸಿತ್ತು. ಸೆಪ್ಟೆಂಬರ್ 23 ಇಡೀ ವರ್ಷದಲ್ಲಿ ಗರಿಷ್ಠ ಸಂಖ್ಯೆಯ ಜನರು ಚಿತ್ರಮಂದಿರವನ್ನು ತಲುಪಿದ ದಿನವಾಗಿತ್ತು.

ಪ್ರಸ್ತುತ ಅಕ್ಷಯ್ ಕುಮಾರ್ ಅವರ 'ಮಿಷನ್ ರಾಣಿಗಂಜ್', ಶಾರುಖ್ ಖಾನ್ ಅವರ 'ಜವಾನ್', 'ಫುಕ್ರೆ' ಮತ್ತು ಇತರ ಕೆಲವು ಚಿತ್ರಗಳು ಚಿತ್ರಮಂದಿರಗಳಲ್ಲಿ ಪ್ರದರ್ಶನಗೊಳ್ಳುತ್ತಿವೆ. ಇಂತಹ ಪರಿಸ್ಥಿತಿಯಲ್ಲಿ ಸ್ಲೋ ಮೋಷನ್‌ನಲ್ಲಿ ವ್ಯಾಪಾರ ಮಾಡುತ್ತಿರುವ ಅಕ್ಷಯ್ ಕುಮಾರ್ ಅವರ ಚಿತ್ರವು ರಾಷ್ಟ್ರೀಯ ಸಿನಿಮಾ ದಿನದ ಲಾಭವನ್ನು ಪಡೆಯಬಹುದು ಎಂದು ಹೇಳಲಾಗುತ್ತಿದೆ.

ರಾಷ್ಟ್ರೀಯ ಸಿನಿಮಾ ದಿನ 2023 ದಿನಾಂಕ

ರಾಷ್ಟ್ರೀಯ ಸಿನಿಮಾ ದಿನವನ್ನು ಈ ವರ್ಷ 13 ಅಕ್ಟೋಬರ್ 2023 ರಂದು ಆಚರಿಸಲಾಗುತ್ತಿದೆ. ಮಲ್ಟಿಪ್ಲೆಕ್ಸ್ ಅಸೋಸಿಯೇಷನ್ ಆಫ್ ಇಂಡಿಯಾ ಇದನ್ನು ಪ್ರಕಟಿಸಿದೆ. ಅಂದರೆ ಅಗ್ಗದ ದರದಲ್ಲಿ ಥಿಯೇಟರ್ ಗಳಲ್ಲಿ ಸಿನಿಮಾ ನೋಡಬಯಸುವ ಪ್ರೇಕ್ಷಕರು ಶುಕ್ರವಾರ ನೋಡಬಹುದು.

ರಾಷ್ಟ್ರೀಯ ಸಿನಿಮಾ ದಿನ 2023: ಟಿಕೆಟ್ ಬೆಲೆ

ಮಲ್ಟಿಪ್ಲೆಕ್ಸ್ ಅಸೋಸಿಯೇಷನ್ ಆಫ್ ಇಂಡಿಯಾ ದೇಶಾದ್ಯಂತ ರಾಷ್ಟ್ರೀಯ ಸಿನಿಮಾ ದಿನದ ಸಂದರ್ಭದಲ್ಲಿ ಥಿಯೇಟರ್ ಟಿಕೆಟ್‌ಗಳನ್ನು 99 ರೂಪಾಯಿಗೆ ಇರಿಸಲು ನಿರ್ಧರಿಸಿದೆ. ಅಂದರೆ ಥಿಯೇಟರ್‌ಗಳಲ್ಲಿ ಪ್ರದರ್ಶನಗೊಳ್ಳುವ ಯಾವುದೇ ಸಿನಿಮಾವನ್ನು 99 ರೂ.ಗೆ ನೋಡಬಹುದು.

99 ರೂಪಾಯಿಗೆ ಥಿಯೇಟರ್‌ನಲ್ಲಿ ಸಿನಿಮಾ ನೋಡುವುದು ಹೇಗೆ?

99 ರೂಪಾಯಿಗೆ ಚಲನಚಿತ್ರವನ್ನು ವೀಕ್ಷಿಸಲು, ನೀವು 'ಬುಕ್ ಮೈ ಶೋ', Paytm ಮತ್ತು ಅಧಿಕೃತ ಸಿನಿಮಾ ಸರಣಿಯ ವೆಬ್‌ಸೈಟ್‌ನಿಂದ ಟಿಕೆಟ್‌ಗಳನ್ನು ಬುಕ್ ಮಾಡಬಹುದು. ರಾಷ್ಟ್ರೀಯ ಸಿನಿಮಾ ದಿನದಂದು ಈ ಸ್ಕೀಮ್ ಮೂಲಕ 4000ಕ್ಕೂ ಹೆಚ್ಚು ಸ್ಕ್ರೀನ್ ಗಳಲ್ಲಿ ಸಿನಿಮಾ ಪ್ರದರ್ಶನಗೊಳ್ಳಲಿದೆ ಎಂಬುದು ಗೊತ್ತೇ ಇದೆ. ಇದು PVR, Inox, Cinepolis, Mirage ಮತ್ತು Delight ನಂತಹ ಸರಣಿಗಳನ್ನು ಒಳಗೊಂಡಿದೆ.

ರಾಷ್ಟ್ರೀಯ ಸಿನಿಮಾ ದಿನ 2023: ಈ ರೀತಿಯಲ್ಲಿ ಟಿಕೆಟ್‌ಗಳನ್ನು ಬುಕ್ ಮಾಡಿ

99 ರೂಪಾಯಿಗೆ ಚಲನಚಿತ್ರವನ್ನು ವೀಕ್ಷಿಸಲು, ಮೊದಲು BookMyShow, PayTM ಅಥವಾ ಸಿನಿಮಾಚೈನ್‌ನ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ. ಇದರ ನಂತರ ಕೆಳಗೆ ನೀಡಲಾದ ಹಂತಗಳನ್ನು ಅನುಸರಿಸಿ.

ಮೊದಲು BookMyShow ಗೆ ಹೋಗಿ

ನಗರವನ್ನು ಆಯ್ಕೆಮಾಡಿ

ದೇಶದಾದ್ಯಂತ ಕೇವಲ 99 ರೂಪಾಯಿಗೆ ಟಿಕೆಟ್‌ಗಳು ಲಭ್ಯವಿರುತ್ತವೆ

ದಿನಾಂಕ ಮತ್ತು ಸಮಯವನ್ನು ಆಯ್ಕೆಮಾಡಿ

ಅಂತಿಮವಾಗಿ ಪಾವತಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿ ಮತ್ತು ನಿಮ್ಮ ಟಿಕೆಟ್ ಅನ್ನು ಕಾಯ್ದಿರಿಸಿ

Published On October 12, 2023