Choose Language
ಸುದ್ದಿ
ರಾಜಕೀಯ
ಜ್ಯೋತಿಷ್ಯ

Lok Sabha Election 2024: 6ನೇ ಹಂತದ ಚುನಾವಣೆ, ಒಟ್ಟಾರೆ ಶೇ 59.06ರಷ್ಟು ಮತದಾನ

By
Time

ಬೆಂಗಳೂರು, ಮೇ 25: ಭಾರತದಲ್ಲಿ ಸಾರ್ವತ್ರಿಕ ಲೋಕಸಭಾ ಚುನಾವಣೆಯು ಅಂತಿಮ ಘಟ್ಟದತ್ತ ಸಾಗಿದೆ. ಇಂದು ಶನಿವಾರ (ಮೇ 25) ದೇಶದ ಕೇಂದ್ರಾಡಳಿತ ಪ್ರದೇಶ ಒಳಗೊಂಡಂತೆ ಎಂಟು ರಾಜ್ಯಗಳಲ್ಲಿ 6ನೇ ಹಂತದ ಮತದಾನ ನಡೆಯಲಿದೆ. ಬೆಳಗ್ಗೆ 7 ಗಂಟೆಗೆ ಮತದಾನ ಆರಂಭವಾಗಿದೆ. ಸಂಜೆ 5ರವರೆಗೆ ಮತದಾರರು ಮತ ಚಲಾಯಿಸಲಿದ್ದಾರೆ.

ಇದು 08 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ವ್ಯಾಪ್ತಿಯ 58 ಕ್ಷೇತ್ರಗಳಲ್ಲಿ ಮತದಾನ ನಡೆಯಲಿದೆ. ಒಟ್ಟು 889 ಅಭ್ಯರ್ಥಿಗಳ ಹಣೆಬರಹವನ್ನು ಇಂದು ಮತದಾರರು ಬರೆಯಲಿದ್ದಾರೆ. ಆಯಾ ರಾಜ್ಯಗಳ ಚುನಾವಣಾ ಅಧಿಕಾರಿಗಳು ಅಗತ್ಯ ಸಿದ್ಧತೆಯೊಂದಿಗೆ ಈಗಾಗಲೇ ಮತಗಟ್ಟೆಗಳಲ್ಲಿ ನಿಯೋಜನೆಗೊಂಡಿದ್ದಾರೆ. ನಂತರ ಜೂನ್ 01ರಂದು ಕೊನೆಯ ಹಂತದ ಮತದಾನ ನಡೆಯಲಿದ್ದು, ಜೂನ್ 04ರಂದು ಸಾರ್ವತ್ರಿಕ ಚುನಾವಣೆಯ ಎಲ್ಲ ಹಂತಗಳ ಫಲಿತಾಂಶವು ಪ್ರಕಟಗೊಳ್ಳಲಿದೆ.

Lok Sabha Election 2024 Phase 6 Polling LIVE

ಇಂದಿನ 6ನೇ ಹಂತದ ಮತದಾನಕ್ಕೆ ಸಂಬಂಧಿಸಿದ ವಿಷಯಗಳು, ಘಟನಾವಳಿಗಳು, ಪ್ರಮುಖರ ಮತದಾನ ಹಾಗೂ ಆಯಾ ಸಮಯದಲ್ಲಿನ ಮತದಾನ ಪ್ರಮಾಣ ಸೇರಿದಂತೆ ಅನೇಕ ಲೈವ್ ಅಂಶಗಳನ್ನು ನೀವು 'ಒನ್‌ಇಂಡಿಯಾ ಕನ್ನಡ'ದ ನೇರಪ್ರಸಾರದಲ್ಲಿ ತಿಳಿಯಬಹದು.

May 25, 2024, 8:39 pm IST

ಶನಿವಾರ 6ನೇ ಹಂತದ ಮತದಾನ ನಡೆಯಿತು. ಸಂಜೆ 7.45ರ ತನಕ ಒಟ್ಟಾರೆ ಶೇ 59.06ರಷ್ಟು ಮತದಾನವಾಗಿದೆ.
May 25, 2024, 7:30 pm IST
ಪಶ್ಚಿಮ ಬಂಗಾಳ

ಪಶ್ಚಿಮ ಬಂಗಾಳದಲ್ಲಿ 6ನೇ ಹಂತದಲ್ಲಿ ಸಂಜೆ 5 ಗಂಟೆಯ ತನಕ ಶೇ 57.7ರಷ್ಟು ಮತದಾನವಾಗಿದೆ. ರಾಜ್ಯದಲ್ಲಿ ಇದುವರೆಗೂ ಶೇ 77.99ರಷ್ಟು ಮತದಾನವಾಗಿದೆ.
May 25, 2024, 6:04 pm IST
ದೆಹಲಿ

ಶನಿವಾರ 6ನೇ ಹಂತದ ಲೋಕಸಭೆ ಚುನಾವಣೆಯಲ್ಲಿ ನವದೆಹಲಿಯಲ್ಲಿ ಬಿಜೆಪಿ ಪ್ರಧಾನ ಕಾರ್ಯದರ್ಶಿ (ಸಂಘಟನೆ) ಬಿ. ಎಲ್. ಸಂತೋಷ್ ಮತದಾನ ಮಾಡಿದರು.
May 25, 2024, 5:37 pm IST
ತ್ರಿಪುರ

ತ್ರಿಪುರ ಬಿಜೆಪಿ ಅಧ್ಯಕ್ಷ ರಾಜೀವ್ ಭಟ್ಟಾಚಾರ್ಜಿ ಮತನಾಡಿ,"ದೇಶದಲ್ಲಿ ಇದುವರೆಗೂ ನಡೆದ ಮತದಾನದ ಟ್ರೆಂಡ್ ನೋಡಿದರೆ ಬಿಜೆಪಿ ನೇತೃತ್ವದ ಮೈತ್ರಿಕೂಟ ಮತ್ತೆ ಅಧಿಕಾರಕ್ಕೆ ಬರುವುದು ಖಚಿತವಾಗಿದೆ. ನರೇಂದ್ರ ಮೋದಿ ಮೂರನೇ ಅವಧಿಗೆ ಪ್ರಧಾನಿಯಾಗಲಿದ್ದಾರೆ" ಎಂದರು.
May 25, 2024, 4:14 pm IST

ಮಧ್ಯಾಹ್ನ 3 ಗಂಟೆವರೆಗೆ 58 ಸ್ಥಾನಗಳಲ್ಲಿ 49% ಮತದಾನ

ಕೇಂದ್ರ ಚುನಾವಣಾ ಆಯೋಗದ ಪ್ರಕಾರ, ಪಶ್ಚಿಮ ಬಂಗಾಳದಲ್ಲಿ ಮಧ್ಯಾಹ್ನ 3 ಗಂಟೆಯವರೆಗೆ 70% ಮತದಾನವಾಗಿದೆ, ಆದರೆ ಉತ್ತರ ಪ್ರದೇಶದಲ್ಲಿ 43.95 % ಮತದಾನವಾಗಿದೆ. ದೆಹಲಿಯಲ್ಲಿ 44.58% ಮತ್ತು ಜಮ್ಮು ಮತ್ತು ಕಾಶ್ಮೀರದ ಅನಂತನಾಗ್ ರಜೌರಿ ಕ್ಷೇತ್ರದಲ್ಲಿ 44.41% ಮತದಾನ ಆಗಿದೆ. ಜಾರ್ಖಂಡ್‌ನಲ್ಲಿ 54.34%, ಹರಿಯಾಣದಲ್ಲಿ 46.26 ಮತ್ತು ಬಿಹಾರದಲ್ಲಿ 45.21% ಮತದಾನ ಆಗಿದೆ.
May 25, 2024, 4:10 pm IST

ಮಧ್ಯಾಹ್ನ 3 ಗಂಟೆಯವರೆಗೆ ಶೇ.44.58ರಷ್ಟು ಮತದಾನ

ರಾಷ್ಟ್ರ ರಾಜಧಾನಿ ನವದೆಹಲಿಯಲ್ಲಿ ಮಧ್ಯಾಹ್ನ 3 ಗಂಟೆಗೆ 44.58% ಮತದಾನವಾಗಿದೆ. ಪೂರ್ವ ದೆಹಲಿ ಕ್ಷೇತ್ರದಲ್ಲಿ 44.70%, ಈಶಾನ್ಯ ದೆಹಲಿಯಲ್ಲಿ 47.85% ಮತ್ತು ದಕ್ಷಿಣ ದೆಹಲಿ ಕ್ಷೇತ್ರದಲ್ಲಿ 42.96% ಮತದಾನವಾಗಿದೆ ಎಂದು ಕೇಂದ್ರ ಚುನಾವಣಾಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
May 25, 2024, 2:41 pm IST
ಜಾರ್ಖಂಡ್

ಮಾಜಿ ಸಿಎಂ ಪತ್ನಿ ಕಲ್ಪನಾ ಸೊರೆನ್ ಮತ ಚಲಾವಣೆ

ಜೈಲಿನಲ್ಲಿರುವ ಜಾರ್ಖಂಡ್ ಮಾಜಿ ಮುಖ್ಯಮಂತ್ರಿ ಹೇಮಂತ್ ಸೊರೆನ್ ಅವರ ಪತ್ನಿ ಕಲ್ಪನಾ ಸೊರೆನ್ ಕೂಡ ಮತದಾನ ಮಾಡಿದರು. ಮತದಾನದ ಮಾಹಿತಿಯನ್ನು ಅವರು ಟ್ವಿಟ್ಟರ್ ನಲ್ಲಿ ಹಂಚಿಕೊಂಡರು. ಇಂದು, ಅನ್ಯಾಯದ ವಿರುದ್ಧ ನ್ಯಾಯದ ಬೃಹತ್ ವಿಜಯಕ್ಕಾಗಿ ಈ ಮಹಾ ಚುನಾವಣೆಯ ಉತ್ಸವದಲ್ಲಿ ಭಾಗವಹಿಸುವ ಮೂಲಕ ನಾನು ಮತದಾನದ ಹಕ್ಕನ್ನು ಚಲಾಯಿಸಿದ್ದೇನೆ. ಹೆಚ್ಚಿನ ಸಂಖ್ಯೆಯಲ್ಲಿ ನಿಮ್ಮ ಮತಗಟ್ಟೆಯನ್ನು ತಲುಪಿ ಮತ್ತು ಪ್ರಜಾಪ್ರಭುತ್ವ ಮತ್ತು ಸಂವಿಧಾನವನ್ನು ರಕ್ಷಿಸಲು ನಿಮ್ಮ ಮತದಾನದ ಹಕ್ಕನ್ನು ಚಲಾಯಿಸಬೇಕು ಎಂದು ಅವರು ಕರೆ ನೀಡಿದರು.
May 25, 2024, 1:53 pm IST

ಮಧ್ಯಾಹ್ನ 1 ಗಂಟೆಗೆ 39.13% ಮತದಾನ: ರಾಜ್ಯವಾರು ವಿವರ

ಲೋಕಸಭಾ ಚುನಾವಣೆಯ 6 ನೇ ಹಂತದ ಮತದಾನ ನಡೆಯುತ್ತಿರುವ ಎಲ್ಲ ರಾಜ್ಯಗಳಲ್ಲಿ ಮಧ್ಯಾಹ್ನ 1 ಗಂಟೆ ಹೊತ್ತಿಗೆ ಮತದಾನದ ಪ್ರಮಾಣ ಸರಿಸುಮಾರು 39.13 ರಷ್ಟು ಆಗಿದೆ. ರಾಜ್ಯವಾರು ಮತದಾರರ ಮಾಹಿತಿ ನೋಡುವುದಾದರೆ, 'ಬಿಹಾರದಲ್ಲಿ- 36.48%, ಹರಿಯಾಣ- 36.48%, ಜಮ್ಮು ಮತ್ತು ಕಾಶ್ಮೀರ- 35.22%, ಜಾರ್ಖಂಡ್- 42.54%, ದೆಹಲಿಯ NCT- 34.37%, ಒಡಿಶಾ 35.69%, ಉತ್ತರ ಪ್ರದೇಶ 37.23 % ಮತ್ತು ಪಶ್ಚಿಮ ಬಂಗಾಳದಲ್ಲಿ 54.80 % ಮತದಾನ ಆಗಿದೆ ಎಂದು ಕೇಂದ್ರ ಚುನಾವಣಾಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
May 25, 2024, 1:45 pm IST
ಪಶ್ಚಿಮ ಬಂಗಾಳ

ಬಿಜೆಪಿ ಅಭ್ಯರ್ಥಿ ವಿರುದ್ಧ ಪ್ರತಿಭಟನೆ

ಪಶ್ಚಿಮ ಬಂಗಾಳದಲ್ಲಿ ಇಂದು ಮತದಾನ ಸರಾಗವಾಗಿ ಸಾಗಿತ್ತು. ಇಲ್ಲಿನ ಪಶ್ಚಿಮ ಮೇದಿನಿಪುರ್ ಜಿಲ್ಲೆಯ ವ್ಯಾಪ್ತಿಯಲ್ಲಿ ಬರುವ ಪ್ರದೇಶದಲ್ಲಿ ಪ್ರತಿಭಟನಾಕಾರರ ಗುಂಪು ಘಟಲ್ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಹಿರಾನ್ ಚಟರ್ಜಿ ಅವರನ್ನು ತಡೆದು ನಿಲ್ಲಿಸಿತು. ಚಟರ್ಜಿ ಅವರು ಬೆಳಗ್ಗೆಯಿಂದಲೇ ಕ್ಷೇತ್ರದ ವಿವಿಧ ಬೂತ್‌ಗಳಿಗೆ ಭೇಟಿ ನೀಡುತ್ತಿದ್ದಾರೆ. ಅಲ್ಲದೇ ಟಿಎಂಸಿ ಕಾರ್ಯಕರ್ತರ ಮೇಲೆ ದಬ್ಬಾಳಿಕೆ ನಡೆಸಲಾಗಿದೆ. ನಮ್ಮ ಕಾರ್ಯಕರ್ತರನ್ನು ಪೋಲಿಂಗ್ ಏಜೆಂಟ್‌ಗಳನ್ನು (ಮತಗಟ್ಟೆಯಲ್ಲಿ) ಕುಳಿತುಕೊಳ್ಳಲು ಬಿಡುತ್ತಿಲ್ಲ. ಪೊಲೀಸರು, ಕೇಂದ್ರ ರಕ್ಷಣಾ ಪಡೆ ಟಿಎಂಸಿ ಸೋಲಿಸಲು ಈ ಮೂಲಕ ಪ್ರಯತ್ನಿಸುತ್ತಿವೆ ಎಂದು ಗ್ರಾಮಸ್ಥರು ಆಕ್ರೋಶ ಹೊರ ಹಾಕಿದರು. ನೋಡು ನೋಡುತ್ತಲೆ ಗುಂಪುಗೂಡಿ ಪ್ರತಿಭಟನೆ ಆರಂಭಿಸಲಾಯಿತು. ನಂತರ ಪೊಲೀಸರು ಪರಿಸ್ಥಿತಿ ನಿಯಂತ್ರಣಕ್ಕೆ ತಂದರು.
May 25, 2024, 1:21 pm IST
ಹಿಮಾಚಲ ಪ್ರದೇಶ

ಬಿಜೆಪಿಗೆ ಅತ್ಯಧಿಕ ಸ್ಥಾನ: ಕೇಂದ್ರ ಗೃಹ ಸಚಿವ

ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರು ಹಿಮಾಚಲ ಪ್ರದೇಶದಲ್ಲಿ ಹಮೀರ್‌ಪುರ ಲೋಕಸಭಾ ಕ್ಷೇತ್ರದಲ್ಲಿ ರೋಡ್ ಶೋ ಉದ್ದೇಶಿಸಿ ಮಾತನಾಡಿದರು. 5 ಹಂತದ ಚುನಾವಣೆಗಳು ಪೂರ್ಣಗೊಂಡಿವೆ, ಇಂದು ಆರನೇ ಹಂತದ ಮತದಾನ ನಡೆಯುತ್ತಿದೆ. ಪ್ರಧಾನಿ ಮೋದಿ 5 ಹಂತಗಳಲ್ಲಿ 310 ದಾಟಿದ್ದಾರೆ. ಮೋದಿ ಆರು ಮತ್ತು ಏಳನೇ ಹಂತದಲ್ಲಿ 400 ದಾಟಲಿದ್ದಾರೆ. ಪ್ರಧಾನಿ ಮೋದಿಯವರು ಮತ್ತೊಮ್ಮೆ ಪ್ರಧಾನಿ ಆಗಲಿದ್ದಾರೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
May 25, 2024, 1:16 pm IST
ಜಾರ್ಖಂಡ್

ಎಂಎಸ್ ಧೋನಿ ಮತ ಚಲಾಯಿಸಲು ಆಗಮಿಸಿದರು

ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರು ಜಾರ್ಖಂಡ್‌ನ ರಾಂಚಿಯ ಜವಾಹರ್ ವಿದ್ಯಾ ಮಂದಿರ ಶಾಲೆಯಲ್ಲಿ ಸ್ಥಾಪಿಸಲಾದ ಮತಗಟ್ಟೆಗೆ ಮತ ಚಲಾಯಿಸಲು ಆಗಮಿಸಿದರು. ಇನ್ನೇನು ಕೆಲವೇ ಕ್ಷಣಗಳಲ್ಲಿ ಅವರು ಮತದಾನ ಮಾಡಲಿದ್ದಾರೆ.
May 25, 2024, 1:14 pm IST
ಬಿಹಾರ

ಬಿಹಾರ: ಮತದಾನದಲ್ಲಿ ಪಾಲ್ಗೊಂಡ ತೃತಿಯಲಿಂಗಿಗಳು

ಬಿಹಾರದಲ್ಲಿ ನಡೆಯುತ್ತಿರುವ ಲೋಕಸಭೆಯ ಆರನೇ ಹಂತದ ಮತದಾನದಲ್ಲಿ ಮತದಾರರ ಉತ್ಸಾಹ ಕಂಡು ಬಂತು. ಈ ಮತದಾನ ಪ್ರಕ್ರಿಯೆಯಲ್ಲಿ ತೃತೀಯಲಿಂಗಿ ಮತದಾರರೂ ಮತ ಚಲಾಯಿಸಿದರು. 1-ವಾಲ್ಮೀಕಿ ನಗರ, 2-ಪಶ್ಚಿಮ ಚಂಪಾರಣ್, 3-ಪೂರ್ವ ಚಂಪಾರಣ್, 4-ಶಿವ್ಹಾರ್, 16-ವೈಶಾಲಿ, 17-ಗೋಪಾಲಗಂಜ್, 18-ಸಿವಾನ್, 19-ಮಹಾರಾಜ್‌ಗಂಜ್ ನಲ್ಲಿ ಮತದಾನ ಮುಂದುವರಿದಿದೆ.
May 25, 2024, 12:58 pm IST
ದೆಹಲಿ

ದೆಹಲಿ ಎನ್‌ಸಿಟಿಯಲ್ಲಿ 1.52 ಕೋಟಿ ಅರ್ಹ ಮತದಾರರು

2.52 ಲಕ್ಷಕ್ಕೂ ಹೆಚ್ಚು ಮೊದಲ ಬಾರಿಗೆ ಮತದಾರರು ಸೇರಿದಂತೆ 1.52 ಕೋಟಿ ಅರ್ಹ ಮತದಾರರನ್ನು ಹೊಂದಿರುವ ಬಿಜೆಪಿ ದೆಹಲಿಯಲ್ಲಿ ಸತತ ಮೂರನೇ ಬಾರಿಗೆ ಕ್ಲೀನ್ ಸ್ವೀಪ್ ಮಾಡುವ ಗುರಿ ಹೊಂದಿದೆ. ಎಎಪಿ ಮತ್ತು ಕಾಂಗ್ರೆಸ್ ಒಳಗೊಂಡಿರುವ ಪ್ರತಿಪಕ್ಷ ಭಾರತ ಬಣವು ನಾಲ್ಕು-ಮೂರು ಸೀಟು-ಪಾಲಿಕೆಯ ಸೂತ್ರದ ಅಡಿಯಲ್ಲಿ ಸ್ಪರ್ಧ ನಡೆದಿದೆ. ದೆಹಲಿ ಇದು ಜಂಟಿ ಅಭ್ಯರ್ಥಿಗಳನ್ನು ಕಣಕ್ಕಿಳಿಸಿದ ಮೊದಲ ಲೋಕಸಭಾ ಚುನಾವಣೆ ಕ್ಷೇತ್ರವಾಗಿ ಗುರುತಿಸಿಕೊಂಡಿದೆ.
May 25, 2024, 12:38 pm IST
ಪಶ್ಚಿಮ ಬಂಗಾಳ

58 ಕ್ಷೇತ್ರಗಳಲ್ಲಿ 11 ಗಂಟೆವರೆಗೆ 25.76% ಮತದಾನ

ಇಂದು ನಡೆಯುತ್ತಿರುವ ಲೋಕಸಭೆಯ ಆರನೇ ಹಂತದ ಚುನಾವಣೆಯಲ್ಲಿ ಎಲ್ಲ 58 ಸ್ಥಾನಗಳಲ್ಲಿ ಬೆಳಗ್ಗೆ 11 ಗಂಟೆಯವರೆಗೆ ಶೇಕಡಾ 25.76ರಷ್ಟು ಮತದಾನ ಆಗಿದೆ ಎಂದು ಭಾರತೀಯ ಚುನಾವಣಾ ಆಯೋಗ ತಿಳಿಸಿದೆ. ಪಶ್ಚಿಮ ಬಂಗಾಳದಲ್ಲಿ 36.88%, ಯುಪಿಯಲ್ಲಿ 27.06% ದಾಖಲಾಗಿದೆ. ದೆಹಲಿಯಲ್ಲಿ 21.69% ಮತ್ತು ಜಮ್ಮು ಮತ್ತು ಕಾಶ್ಮೀರದ ಅನಂತನಾಗ್ ರಜೌರಿ ಕ್ಷೇತ್ರದಲ್ಲಿ 23.1% ಮತದಾನವಾಗಿದೆ. ಪಶ್ಚಿಮ ಬಂಗಾಳದಲ್ಲಿ ಅತ್ಯಧಿಕ ಹೆಚ್ಚು ಮತದಾನ ಆಗಿದೆ ಎಂದು ಚುನಾವಣಾ ಸಮಿತಿ ತಿಳಿಸಿದೆ.
May 25, 2024, 12:30 pm IST
ಪಶ್ಚಿಮ ಬಂಗಾಳ

ಬಿಜೆಪಿ ಅಭ್ಯರ್ಥಿಗಳಿಗೆ ಗ್ರಾಮಸ್ಥರ 'ಗೋಬ್ಯಾಕ್' ಘೋಷಣೆ

ತಮ್ಲುಕ್‌ನ ಬಿಜೆಪಿ ಅಭ್ಯರ್ಥಿ ಅಭಿಜಿತ್ ಗಂಗೋಪಾಧ್ಯಾಯ ಅವರಿಗೆ ಮತದಾನ ವೇಳೆ ತೀವ್ರ ಹಿನ್ನಡೆ ಆಯಿತು. ಮತದಾರರಲ್ಲಿ ಕೆಲವರು ಅಭಿಜಿತ್ ವಿರುದ್ಧ ಗೋ ಬ್ಯಾಕ್ ಘೋಷಣೆ ಕೂಗಿದರು. ಅದೇ ರೀತಿ ಘಟಾಲ್ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಹಿರಾನ್ ಚಟ್ಟೋಪಾಧ್ಯಾಯ ಅವರಿಗೆ ಕೇಶ್‌ಪುರ ಗ್ರಾಮಸ್ಥರಿಂದ ಮತದಾನಕ್ಕೆ ಅಡ್ಡಿಪಡಿಸಿದರು. ಇಲ್ಲಿನ ತೃಣಮೂಲ ಕಾಂಗ್ರೆಸ್ (ಟಿಎಂಸಿ) ಕಾರ್ಯಕರ್ತರ ಮೇಲೆ ನಿಮ್ಮ ಬಿಜೆಪಿ ಕಾರ್ಯಕರ್ತರು ಹಲ್ಲೆ ನಡೆಸಿದ್ದಾರೆ ಎಂದು ಗ್ರಾಮಸ್ಥರು ಆರೋಪಿಸಿದರು.
May 25, 2024, 12:15 pm IST
ಉತ್ತರ ಪ್ರದೇಶ

ಉತ್ತರ ಪ್ರದೇಶದಲ್ಲಿ ಶೇ. 12.33 ಮತದಾನ

ಲೋಕಸಭೆ ಚುನಾವಣೆಯ ಆರನೇ ಹಂತದಲ್ಲಿ 14 ಕ್ಷೇತ್ರಗಳಲ್ಲಿ ಮತದಾನ ಆರಂಭವಾಗುತ್ತಿದ್ದಂತೆ ಉತ್ತರ ಪ್ರದೇಶದಲ್ಲಿ ಬೆಳಗ್ಗೆ 9 ಗಂಟೆ ವೇಳೆಗೆ ಶೇಕಡಾ 12.33 ರಷ್ಟು ಮತದಾನವಾಗಿದೆ. ಬೆಳಗ್ಗೆ 7 ಗಂಟೆಗೆ ಆರಂಭವಾದ ಮತದಾನ ಸಂಜೆ 6ರವರೆಗೆ ನಡೆಯಲಿದೆ. ಅಲಹಾಬಾದ್‌ನಲ್ಲಿ ಶೇ.9.37, ಅಂಬೇಡ್ಕರ್ ನಗರದಲ್ಲಿ ಶೇ.14.61, ಅಜಂಗಢದಲ್ಲಿ ಶೇ.14.17, ಬಸ್ತಿಯಲ್ಲಿ ಶೇ.14.26, ಭದೋಹಿಯಲ್ಲಿ ಶೇ.12.84, ಡೊಮರಿಯಾಗಂಜ್‌ನಲ್ಲಿ ಶೇ.13.38, ಜಾನ್‌ಪುರದಲ್ಲಿ ಶೇ.12.91ರಷ್ಟು ಮತದಾನವಾಗಿದೆ.
May 25, 2024, 12:12 pm IST
ಬಿಹಾರ

ಸರತಿ ಸಾಲಿನಲ್ಲಿ ನಿಂತು ಬಿಹಾರದ ಜನರಿಂದ ಮತದಾನ

ಬಿಹಾರದ ಶಿವಹರ್ ಕ್ಷೇತ್ರದಲ್ಲಿ ಲೋಕಸಭೆಯ ಆರನೇ ಹಂತದ ಮತದಾನದಲ್ಲಿ ಮತದಾರರಲ್ಲಿ ಅತ್ಯುತ್ಸಾಹದಿಂದ ಮತಗಟ್ಟೆಗಳಿಗೆ ಬಂದು ಸರತಿ ಸಾಲಿನಲ್ಲಿ ನಿಂತು, ಮತ ಚಲಾಯಿಸಿದರು. ಎಲ್ಲರು ಒಟ್ಟಾಗಿ ಮತದಾನ ಮಾಡುವ ಮೂಲಕ ಇತರರಿಗೆ ಮಾದರಿ ಆದರು.
May 25, 2024, 12:08 pm IST
ದೆಹಲಿ

ಕುಟುಂಬ ಸಮೇತರಾಗಿ ECI ಮುಖ್ಯಸ್ಥರಿಂದ ಮತದಾನ

ಕೇಂದ್ರ ಚುನಾವಣಾ ಆಯೋಗದ ಮುಖ್ಯಸ್ಥ ರಾಜೀವ್ ಕುಮಾರ್ ಅವರು ತಮ್ಮ ಕುಟುಂಬದೊಂದಿಗೆ ಬಂದು ದೆಹಲಿಯಲ್ಲಿ ಮತ ಚಲಾಯಿಸಿದರು. ಬಳಿಕ ಮತಗಟ್ಟೆಯ ಹೊರಗೆ ತಮ್ಮ ಶಾಯಿಯ ಬೆರಳನ್ನು ಹೆಮ್ಮೆಯಿಂದ ಪ್ರದರ್ಶಿಸಿದರು. ಇವರ ಉಸ್ತುವಾರಿಯಲ್ಲಿ ಭಾರತದ ಸಾರ್ವತ್ರಿಕ ಚುನಾವಣೆ 2024ರ 5 ಹಂತಗಳಲ್ಲಿ ಮತದಾನ ಯಶಸ್ವಿಯಾಗಿ ನಡೆದಿದೆ, ಇದೀಗ 6 ನೇ ಹಂತದ ಮತದಾನ ನಡೆಯುತ್ತಿದೆ.
May 25, 2024, 12:05 pm IST
ಬಿಹಾರ

ಬಿಹಾರದಲ್ಲಿ ಬೆಳಗ್ಗೆ 11 ಗಂಟೆಯವರೆಗೆ 23.67% ಮತದಾನ

ಬಿಹಾರದಲ್ಲಿ 8 ಕ್ಷೇತ್ರಗಳಿಗೆ ಮತದಾನ ನಡೆಯುತ್ತಿದೆ. ಬಿಹಾರದಲ್ಲಿ ಆರನೇ ಹಂತದಲ್ಲಿ 8 ಸ್ಥಾನಗಳಿಗೆ ಚುನಾವಣೆ ನಡೆಯುತ್ತಿದೆ. ಬೆಳಗ್ಗೆ 11 ಗಂಟೆಯವರೆಗೆ ಬಿಹಾರದಲ್ಲಿ ಒಟ್ಟು ಶೇ.23.67ರಷ್ಟು ಮತದಾನವಾಗಿದೆ. ಗೋಪಾಲಗಂಜ್ ಕ್ಷೇತ್ರದಲ್ಲಿ 22.61% ಮತದಾನ, ವೈಶಾಲಿಯಲ್ಲಿ ಶೇ.27.98 % ಮತದಾನ, ಮಹಾರಾಜಗಂಜ್ 23.57% ಮತದಾನ, ಪಶ್ಚಿಮ ಚಂಪಾರಣ್ ಶೇ 23.84% ಮತದಾನ, ಪೂರ್ವ ಚಂಪಾರಣ್ ಶೇ.23.10ರಷ್ಟು ಮತದಾನ, ಸಿವಾನ್ 22.42%, ಶೆಯೋಹರ್ ನಲ್ಲಿ ಶೇ 25.77% ಹಾಗೂ ವಾಲ್ಮೀಕಿನಗರದಲ್ಲಿ ಬೆಳಗ್ಗೆ 11ರವರೆಗೆ ಶೇ.20.11 ರಷ್ಟು ಮತದಾನ ಆಗಿದೆ ಎಂದು ಚುನಾವಣಾ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
May 25, 2024, 11:54 am IST
ದೆಹಲಿ

ಅಮಾನತುಗೊಂಡಿರುವ ನೂಪುರ್ ಶರ್ಮಾ ಮತದಾನ

ಅಮಾನತುಗೊಂಡ ಬಿಜೆಪಿ ನಾಯಕಿ ನೂಪುರ್ ಶರ್ಮಾ ಇಂದು ದೆಹಲಿಯಲ್ಲಿ ಮತ ಚಲಾಯಿಸಿದರು. ಮೇ 2022 ರಲ್ಲಿ ಪ್ರವಾದಿಯ ಬಗ್ಗೆ ವಿವಾದಾತ್ಮಕ ಹೇಳಿಕೆಗಳನ್ನು ನೀಡುವು ಮೂಲಕ ಜಾಗತಿಕವಾಗಿ ಆಕ್ರೋಶಕ್ಕೆ ಕಾರಣವಾಗಿದ್ದರು. ನಂತರ ಅವರನ್ನು ಪಕ್ಷದ ವಕ್ತಾರರ ಜವಾಬ್ದಾರಿಯಿಂದ ಬಿಜೆಪಿಯು ಜೂನ್ 2022 ರಲ್ಲಿ ಮಾನತುಗೊಳಿಸಿತ್ತು. ಇಂದು ಅವರು ತಮ್ಮ ಮತದಾನ ಹಕ್ಕು ಚಲಾಯಿಸಿದ್ದಾರೆ.
May 25, 2024, 11:43 am IST
ದೆಹಲಿ

ದ್ರೌಪದಿ ಮುರ್ಮು ಮತದಾನ

Lok Sabha Election 2024 Phase 6 Voting LIVE
ಇಂದು ದೆಹಲಿ ಆರನೇ ಹಂತದ ಲೋಕಸಭಾ ಚುನಾವಣೆ ನಡೆಯುತ್ತಿದೆ. ರಾಷ್ಟ್ರಪತಿ ಭವನದ ಸಂಕೀರ್ಣದಲ್ಲಿರುವ ಡಾ.ರಾಜೇಂದ್ರ ಪ್ರಸಾದ್ ಕೇಂದ್ರೀಯ ವಿದ್ಯಾಲಯದ ಮತಗಟ್ಟೆಯಲ್ಲಿ ರಾಷ್ಟ್ರಪತಿ ದ್ರೌಪದಿ ಮುರ್ಮು ಮತದಾರರ ಸರತಿ ಸಾಲಿನಲ್ಲಿ ನಿಂತು ಮತ ಚಲಾಯಿಸಿದರು. ಬಳಿಕ ಮತದಾನ ಮಾಡಿದ ಹೆಮ್ಮೆಯ ಮತದಾರ ಎಂದು ಶಾಹಿ ಗುರುತಿನ ಬೆರೆಳು ಪ್ರದರ್ಶಿಸಿದರು.
May 25, 2024, 11:14 am IST
ದೆಹಲಿ

ದೆಹಲಿ ಸಿಎಂ ಕೇಜ್ರಿವಾಲ್ ಮತದಾನ

ನವದದೆಹಲಿ ಸಿಎಂ ಅರವಿಂದ್ ಕೇಜ್ರಿವಾಲ್ ತಮ್ಮ ಕುಟುಂಬ ಸದಸ್ಯರೊಂದಿಗೆ ದೆಹಲಿಯ ಮತಗಟ್ಟೆಗೆ ಆಗಮಿಸಿ ಆರನೇ ಹಂತದ ಚುನಾವಣೆಯಲ್ಲಿ ಮತ ಚಲಾಯಿಸಿದ್ದಾರೆ. ಸದ್ಯ ಇವರು ಅಬಕಾರಿ ನೀತಿ ಹಗರಣ, ಹಣ ವರ್ಗಾವಣೆ ಪ್ರಕರಕ್ಕೆ ಸಂಬಂಧಿಸಿದಂತೆ ಜೂನ್ 1ರವರೆಗೆ ಷರತ್ತು ಬದ್ಧ ಜಾಮೀನಿನ ಮೇಲೆ ಬಿಡುಗಡೆ ಆಗಿದ್ದಾರೆ.
May 25, 2024, 11:12 am IST

ಬೆಳಗ್ಗೆ 9 ಗಂಟೆಗೆ ಶೇ.10.82ರಷ್ಟು ಮತದಾನ

6ನೇ ಹಂತದ ಚುನಾವಣೆಗೆ ಮತದಾ ಬೆಳಗ್ಗೆ 7 ಗಂಟೆಗೆ ಆರಂಭವಾಗಿದೆ. ಬೆಳಗ್ಗೆ 9 ಗಂಟೆಯವರೆಗೆ ಶೇಕಡಾ 10.82ರಷ್ಟು ಮತದಾನವಾಗಿದೆ. ಬಿಹಾರ- 9.66% ಹರಿಯಾಣ- 8.31% ಜಮ್ಮು ಮತ್ತು ಕಾಶ್ಮೀರ- 8.89% ಜಾರ್ಖಂಡ್- 11.74% ದೆಹಲಿ- 8.94% ಒಡಿಶಾ- 7.43% ಉತ್ತರ ಪ್ರದೇಶ-12.33 ಪಶ್ಚಿಮ ಬಂಗಾಳ- 16.54% ಮತದಾನ ಆಗಿದೆ ಎಂದು ಚುನಾವಣಾಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
May 25, 2024, 9:47 am IST
ದೆಹಲಿ

ಸ್ವಾತಿ ಮಲಿವಾಲ್ ಮತದಾನ, ಜಾಗೃತಿ

ಎಎಪಿ ರಾಜ್ಯಸಭಾ ಸಂಸದೆ ಸ್ವಾತಿ ಮಲಿವಾಲ್ ಮತದಾನದ ಮೂಲಕ ಪ್ರಜಾಪ್ರಭುತ್ವದಲ್ಲಿ ಮಹಿಳೆಯರು ಭಾಗವಹಿಸುವಂತೆ ಒತ್ತಾಯಿಸಿದರು. ಮತದಾನ ಬಳಿಕ ಮಾತನಾಡಿದ ಅವರು, ಪ್ರತಿಯೊಬ್ಬರು ಅದರಲ್ಲೂ ವಿಶೇಷವಾಗಿ ಮಹಿಳೆಯರು ಹೊರಗೆ ಬಂದು ಮತ ಚಲಾಯಿಸುವಂತೆ ಮನವಿ ಮಾಡಿದ್ದಾರೆ. "ಭಾರತದಲ್ಲಿ, ರಾಜಕೀಯದಲ್ಲಿ ಮಹಿಳೆಯರ ಭಾಗವಹಿಸುವಿಕೆ ಬಹಳ ಮುಖ್ಯ ಎಂದು ಅವರು ಪ್ರತಿಪಾದಿಸಿದರು.
May 25, 2024, 9:43 am IST

58 ಕ್ಷೇತ್ರಗಳಲ್ಲಿ ಮತದಾನ

Lok Sabha Election 2024 Phase 6 Voting LIVE
ಇಂದು 58 ಲೋಕಸಭಾ ಕ್ಷೇತ್ರಗಳಲ್ಲಿ ಮತದಾನ ನಡೆಯುತ್ತಿದೆ. ಯಾವೆಲ್ಲ ರಾಜ್ಯಗಳಲ್ಲಿ ಮತದಾನ ನಡೆಯುತ್ತಿದೆ ಎಂಬುದವರ ವಿವರ ಈ ಕಾರ್ಡ್‌ನಲ್ಲಿದೆ.
May 25, 2024, 9:25 am IST
ದೆಹಲಿ

ರೈಹಾನ್ ರಾಜೀವ್ ವಾದ್ರಾ ಮತದಾನ: ಹೇಳಿಕೆ

ರಾಬರ್ಟ್ ವಾದ್ರಾ ಮತ್ತು ಕಾಂಗ್ರೆಸ್ ನಾಯಕಿ ಪ್ರಿಯಾಂಕಾ ಗಾಂಧಿ ವಾದ್ರಾ ಅವರ ಪುತ್ರ ರೈಹಾನ್ ರಾಜೀವ್ ವಾದ್ರಾ ಮತದಾನ ಬಳಿಕ ಮಾತನಾಡಿದರು. ಮತದಾನ ದೇಶದ ಬದಲಾಣೆಗೆ ಬಹಳ ಮುಖ್ಯವಾಗಿದೆ. ಇದು ಮುಖ್ಯವಾದ ಚುನಾವಣೆ ಎಂದು ನಾನು ಭಾವಿಸುತ್ತೇನೆ. ನಮ್ಮ ಸಂವಿಧಾನವನ್ನು ಉಳಿಸಲು ಮತ್ತು ಧನಾತ್ಮಕತೆಯನ್ನು ತರುವ ರೀತಿಯಲ್ಲಿ ಮತ ಚಲಾಯಿಸಲು ನಾನು ಎಲ್ಲಾ ಯುವಕರನ್ನು ಪ್ರೋತ್ಸಾಹಿಸುತ್ತೇನೆ ಎಂದಿದ್ದಾರೆ.
May 25, 2024, 9:15 am IST
ದೆಹಲಿ

ಪ್ರಿಯಾಂಕಾ ಗಾಂಧಿ ಮಕ್ಕಳ ಮತದಾನ

ರಾಬರ್ಟ್ ವಾದ್ರಾ ಮತ್ತು ಕಾಂಗ್ರೆಸ್ ನಾಯಕಿ ಪ್ರಿಯಾಂಕಾ ಗಾಂಧಿಯವರ ಮಕ್ಕಳಾದ ರೈಹಾನ್ ರಾಜೀವ್ ವಾದ್ರಾ ಮತ್ತು ಮಿರಯಾ ವಾದ್ರಾ ಅವರು ಇಂದು ದೆಹಲಿ ಮತಗಟ್ಟೆಯಲ್ಲಿ ಮತ ಚಲಾಯಿಸಿದರು. ಮತದಾನಕ್ಕಾಗಿ ಮಕ್ಕಳು ಸರತಿ ಸಾಲಿನಲ್ಲಿ ನಿಂತ ದೃಶ್ಯಗಳು ಕಂಡು ಬಂದವು.
May 25, 2024, 8:43 am IST
ದೆಹಲಿ

ಮತದಾನ ಮಾಡಿದ ಮೊದಲ ಹಿರಿಯ ನಾಗರಿಕರು

NCW ಮುಖ್ಯಸ್ಥೆ ರೇಖಾ ಶರ್ಮಾ ಅವರು ಬೂತ್‌ನಲ್ಲಿ ಮೊದಲ ಹೆಮ್ಮೆಯ ಹಿರಿಯ ನಾಗರಿಕರಾಗಿ ಮತ ಚಲಾಯಿಸಿದರು. ರಾಷ್ಟ್ರೀಯ ಮಹಿಳಾ ಆಯೋಗದ (ಎನ್‌ಸಿಡಬ್ಲ್ಯು) ಮುಖ್ಯಸ್ಥೆ ರೇಖಾ ಶರ್ಮಾ ಅವರು ಶನಿವಾರ ಲೋಕಸಭೆ ಚುನಾವಣೆಯ ಆರನೇ ಹಂತದಲ್ಲಿ ಮತದಾನ ಮಾಡಿದರು. ನಿರ್ದಿಷ್ಟ ಬೂತ್‌ನಲ್ಲಿ ಮತ ಚಲಾಯಿಸಿದ ಮೊದಲ ಹಿರಿಯ ನಾಗರಿಕ ಎಂಬ ಹೆಗ್ಗಳಿಕೆಯನ್ನು ಅವರು ವ್ಯಕ್ತಪಡಿಸಿದರು.
May 25, 2024, 8:37 am IST
ದೆಹಲಿ

ಕಾಂಗ್ರೆಸ್‌ ಆಯ್ಕೆಯಿಂದ ದೇಶದ ಸೈನ್ಯ ದುರುಪಯೋಗ

ಈಶಾನ್ಯ ದೆಹಲಿಯ ಸಂಸದ ಮತ್ತು ಬಿಜೆಪಿ ಅಭ್ಯರ್ಥಿ ಮನೋಜ್ ತಿವಾರಿ ಅವರು ಇಂದು ಮತದಾನ ಮಾಡಿದರು. ಕಾಂಗ್ರೆಸ್ (ಕನ್ಹಯ್ಯಾ ಕುಮಾರ್) ಆಯ್ಕೆ ಮಾಡಿದರೆ ಅವರು ದೇಶದ ಸೈನ್ಯವನ್ನು ದುರುಪಯೋಗಪಡಿಸಿಕೊಳ್ಳುತ್ತಿದ್ದಾರೆ. ಸಾಂಪ್ರದಾಯಿಕ ಮತದಾರರು ಸಹ ಅವರಿಗೆ ಮತ ಹಾಕುವುದಿಲ್ಲ ಎಂದು ನಾನು ಭಾವಿಸುತ್ತೇನೆ. ಅವರಿಗೆ ಮತ ನಿರಾಕರಿಸುತ್ತಾರೆ ಎಂದು ನಾನು ಭಾವಿಸಿದ್ದೇನೆ. ನಾವು ದೇಶದ ಅಭಿವೃದ್ಧಿಗಾಗಿ ಮತ್ತು ಪ್ರಧಾನಿ ಮೋದಿಗೆ ಮತ ಹಾಕಬೇಕು ಎಂದು ಅವರ ಹೇಳಿದರು.
May 25, 2024, 8:29 am IST
ದೆಹಲಿ

ಗೌತಮ್ ಗಂಭೀರ್ ಮತದಾನ

ಬಿಜೆಪಿ ಸಂಸದ ಗೌತಮ್ ಗಂಭೀರ್ ಅವರು ಇಂದು ಮತದಾನ ಮಾಡಿದರು. ಅವರು ಈ ಬಾರಿಯ ಲೋಕಸಭಾ ಚುನಾವಣೆಯ ರಸ್‌ನಲ್ಲಿ ಇಲ್ಲವಾದರೂ ಸಹಿತ ಅವರು ಅತ್ಯಂತ ಜನಪ್ರಿಯ ಹಾಲಿ ಸಂಸದರಲ್ಲಿ ಒಬ್ಬರಾಗಿದ್ದಾರೆ. ಮತದಾನದ ಮೂಲಕ ಅವರು ಜಾಗೃತಿ ಮೂಡಿಸಿದರು.
READ MORE

Read more about:

lok sabha election 2024 politics india voting voters ಲೋಕಸಭಾ ಚುನಾವಣೆ ಭಾರತ ರಾಜಕೀಯ ಮತದಾರರು ಮತದಾನ

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+
Sign Out