IRCTC ಜತೆ ಆಧಾರ್ ಲಿಂಕ್ ಆಗಿದ್ರೆ ಹೆಚ್ಚು ಟಿಕೆಟ್ ಬುಕ್ ಮಾಡಿ
ಬೆಂಗಳೂರು, ನವೆಂಬರ್ 03: ಆನ್ ಲೈನ್ ಮೂಲಕ ರೈಲ್ವೆ ಟಿಕೆಟ್ ಬುಕ್ ಮಾಡುವ ಪ್ರಯಾಣಿಕರಿಗೆ ಹಿತಕರ ಸುದ್ದಿಯನ್ನು ಭಾರತೀಯ ರೈಲ್ವೆ ನೀಡಿದೆ. ಐ ಆರ್ ಸಿ ಟಿ ಸಿ ವೆಬ್ ಸೈಟ್ ಮೂಲಕ ಮಾಡುವ ಟಿಕೆಟ್ ಬುಕ್ಕಿಂಗ್ ಮಿತಿಯನ್ನು ಏರಿಕೆ ಮಾಡಿದೆ.
ಇನ್ಮುಂದೆ ತಿಂಗಳಿಗೆ 6ಕ್ಕಿಂತ ಅಧಿಕ ಬಾರಿ ಆನ್ ಲೈನ್ ಮೂಲಕ ವೆಬ್ ಸೈಟ್ ಬಳಸಿ ಟಿಕೆಟ್ ಬುಕ್ಕಿಂಗ್ ಮಾಡಬಹುದು. ಆದರೆ, ಈ ಸೌಲಭ್ಯ ಪಡೆಯಲು ಪ್ರಯಾಣಿಕರು ತಮ್ಮ ಆಧಾರ್ ಸಂಖ್ಯೆಯನ್ನು ಐ ಆರ್ ಸಿ ಟಿ ಸಿ ವೆಬ್ ಸೈಟ್ ನೊಂದಿಗೆ ಜೋಡಣೆ ಮಾಡಬೇಕಾಗುತ್ತದೆ.
ಪ್ರಯಾಣಿಕರು ತಮ್ಮ ಆಧಾರ್ ನಂಬರ್ ಐ ಆರ್ ಸಿ ಟಿ ಸಿ ಜೊತೆ ಲಿಂಕ್ ಮಾಡಿದ ಬಳಿಕ ತಿಂಗಳಿಗೆ 12 ರೈಲ್ವೆ ಟಿಕೆಟ್ ಬುಕ್ ಮಾಡಬಹುದಾಗಿದೆ. ಲಿಂಕ್ ಆಗದಿದ್ದರೆ ಈಗ ಚಾಲ್ತಿಯಲ್ಲಿರುವಂತೆ ತಿಂಗಳಿಗೆ 6 ಟಿಕೆಟ್ ಮಾತ್ರ ಬುಕ್ ಮಾಡಬಹುದು ಎಂದು ಇಲಾಖೆ ಸ್ಪಷ್ಟಪಡಿಸಿದೆ.
ಐ ಆರ್ ಸಿ ಟಿ ಸಿ ಅಧಿಕೃತ ವೆಬ್ ಸೈಟ್ ಮುಖ್ಯ ಪುಟದಲ್ಲಿಯೇ ಆಧಾರ್ ಲಿಂಕ್ ಮಾಡುವ ಬಗ್ಗೆ ಮಾಹಿತಿ ನೀಡಲಾಗಿದೆ.
Click it and Unblock the Notifications
Sign in with Google