ಬಂಡಿಪೋರಾದಲ್ಲಿ ಎಲ್ಇಟಿ ಉಗ್ರ ಅಬು ಮುಸಾನ ಹತ್ಯೆ
ಬಂಡಿಪೋರಾ (ಜಮ್ಮು ಮತ್ತು ಕಾಶ್ಮೀರ), ಜನವರಿ 19 : ಜಮ್ಮು ಮತ್ತು ಕಾಶ್ಮೀರದ ಬಂಡಿಪೋರಾ ಪ್ರಾಂತ್ಯದಲ್ಲಿ ಭಾರತೀಯ ಸೈನಿಕರು ಮತ್ತು ಪೊಲೀಸರು ಲಷ್ಕರ್ ಇ ತಯ್ಬಾದ ಉಗ್ರ ಅಬು ಮುಸಾನನ್ನು ಗುರುವಾರ ಎನ್ಕೌಂಟರ್ ಮಾಡಿ ಹತ್ಯೆ ಮಾಡಿದ್ದಾರೆ. [ವಿಡಿಯೋ: ದಕ್ಷಿಣ ಕಾಶ್ಮೀರದ ಕಾಡಿನಲ್ಲಿ ಚಳಿ ಕಾಯಿಸುತ್ತಿರುವ ಉಗ್ರರು]
ಬಂಡಿಪೋರಾ ಜಿಲ್ಲೆಯ ಹಾಜಿನ್ ಎಂಬಲ್ಲಿ ಈ ಎನ್ಕೌಂಟರ್ ನಡೆದಿದ್ದು, ಉಗ್ರರಿಂದ ಭಾರೀ ಪ್ರಮಾಣದ ಶಸ್ತ್ರಾಸ್ತ್ರ ವಶಪಡಿಸಿಕೊಳ್ಳಲಾಗಿದೆ. ಕೆಲವೇ ವಾರಗಳ ಹಿಂದೆ ಅನಂತನಾಗ್ ಜಿಲ್ಲೆಯಲ್ಲಿ ಮೂವರು ಉಗ್ರರನ್ನು ಭಾರತೀಯ ಸೈನಿಕರು ಹೊಡೆದು ಉರುಳಿಸಿದ್ದರು.
ಜನವರಿ 6ರಂದು ಜಮ್ಮು ಮತ್ತು ಕಾಶ್ಮೀರದ ಬಡ್ಗಾಮ್ ಜಿಲ್ಲೆಯ ಮಾಚು ಪ್ರದೇಶದಲ್ಲಿ ಅಲ್-ಬದರ್ ಸಂಘಟನೆಯ ಭಯೋತ್ಪಾದಕ ಮುಜಫರ್ ಅಹ್ಮದ್ ನನ್ನು ಭಾರತೀಯ ಸೇನೆ ಹತ್ಯೆ ಮಾಡಿತ್ತು.
ಜನರಲ್ ರಿಸರ್ವ್ ಇಂಜಿನಿಯರ್ ಫೋರ್ಸ್ (GREF) ಮೇಲೆ ಜನವರಿ 9ರಂದು ಉಗ್ರರು ದಾಳಿ ನಡೆಸಿ, 3 ಕಾರ್ಮಿಕರನ್ನು ಹತ್ಯೆಗೈದಿದ್ದರು. ರಾತ್ರಿ 1.15ರ ಸುಮಾರಿಗೆ ಪಟ್ಟಾಲ್ ದಲ್ಲಿ ಉಗ್ರರು ದಾಳಿ ನಡೆಸಿದ್ದರು. ಜಿಆರ್ಇಎಫ್ ನಲ್ಲಿ ದಾಳಿ ನಡೆದ ಸಮಯದಲ್ಲಿ 10 ಸೇನಾ ಸಿಬ್ಬಂದಿಗಳು ಮತ್ತು 8ರಿಂದ 10 ಕಾರ್ಮಿಕರಿದ್ದರು. [ಜಮ್ಮುನ ಅಖ್ನೂರ್ನಲ್ಲಿ ಉಗ್ರರ ದಾಳಿ, 3 ಕಾರ್ಮಿಕರ ಹತ್ಯೆ]
Click it and Unblock the Notifications
Sign in with Google