• search

ಜೂನ್ 23 ವಿಶ್ವ ವಿಧವೆಯರ ದಿನ, ಬನ್ನಿ ಅವರಿಗೆ ಧೈರ್ಯ ತುಂಬೋಣ

By Manjunatha
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ನವ ದೆಹಲಿ, ಜೂನ್ 23: ಪುರುಷರು ಮರು ಮದುವೆ ಆಗುವುದಾದರೆ ಮಹಿಳೆಯರು ಏಕೆ ಆಗುವಂತಿಲ್ಲ ಹೀಗೆಂದು ಉಪ ರಾಷ್ಟ್ರಪತಿ ವೆಂಕಯ್ಯ ನಾಯ್ಡು ಹೇಳಿದ್ದಾರೆ. ಹೀಗೆ ಹೇಳುವುದಕ್ಕೆ ಕಾರಣ ಇಂದು ಅಂತರರಾಷ್ಟ್ರೀಯ ವಿಧವೆಯರ ದಿನ.

    ಹೌದು ಜೂನ್ 23 ಅಂತರಾಷ್ಟ್ರೀಯ ವಿಧವೆಯರ ದಿನ. ಪತಿಯನ್ನು ಕಳೆದುಕೊಂಡು ಒಂಟಿ ಜೀವನ ನಡೆಸುತ್ತಿರುವವರಿಗಾಗಿಯೇ ಈ ದಿನ ಮೀಸಲು.

    RAPID ಮೂಲಕ ವಿಧವೆಯರ ಬದುಕಿಗೆ ಬೆಳಕಾದ ಧಾರವಾಡದ ವಾಣಿ ಪುರೋಹಿತ್

    ಪತಿಯನ್ನು ಕಳೆದು ಒಂಟಿಯಾದ ಮಹಿಳೆಯರಿಗೆ ಮತ್ತು ಅವರ ಮಕ್ಕಳಿಗೆ ಧೈರ್ಯ ತುಂಬಲೆಂದೇ ಅಂತರಾಷ್ಟ್ರೀಯ ವಿಧವೆಯರ ದಿನವನ್ನು ಪ್ರಪಂಚದಾದ್ಯಂತ ಆಚರಿಸಲಾಗುತ್ತದೆ.

    ಜೂನ್‌ 23ರಂದೇ ಆಚರಣೆ ಏಕೆ

    ಜೂನ್‌ 23ರಂದೇ ಆಚರಣೆ ಏಕೆ

    1954 ರಲ್ಲಿ ಮೊದಲ ಬಾರಿಗೆ ವಿಶ್ವ ವಿಧವೆಯರ ದಿನ ಆಚರಿಸಲಾಯಿತು. ಲೂಂಬಾ ಫೌಂಡೇಶನ್ ಮೊದಲ ಬಾರಿಗೆ ಇದನ್ನು ಚಾಲ್ತಿಗೆ ತಂದಿತು. ಇದೇ ದಿನದಂದು ಆಚರಿಸಲು ಕಾರಣ ಇದೇ ದಿನ ಲೂಂಬಾ ಫೌಂಡೇಶನ್ ಸಂಸ್ಥಾಪಕರ ತಾಯಿ ವಿಧವೆಯಾಗಿದ್ದರು ಹಾಗಾಗಿ ಜೂನ್ 23ರನ್ನೇ ವಿಶ್ವ ವಿಧವೆಯರ ದಿನ ಆಚರಿಸಲಾಗುತ್ತಿದೆ.

    ಕರ್ನಾಟಕ ಸೇರಿದಂತೆ ವಿಧವೆಯರ ರಕ್ಷಣೆಗೆ ವಿಫಲವಾದ ರಾಜ್ಯಗಳ ಮೇಲೆ ಸುಪ್ರೀಂ ದಂಡ

    ಭಾರತೀಯರಿಂದ ಆಚರಣೆಗೆ ಬಂದ ದಿನ

    ಭಾರತೀಯರಿಂದ ಆಚರಣೆಗೆ ಬಂದ ದಿನ

    ವಿಶ್ವ ವಿಧವೆಯರ ದಿನ ಆಚರಣೆಯ ಹಿಂದೆ ಇರುವುದು ಭಾರತೀಯರ ಇಚ್ಛಾಶಕ್ತಿ ಮತ್ತು ಕಳಕಳಿ. ಹೌದು ವಿಧವೆಯರ ದಿನ ಆಚರಣೆಗೆ ಬರುವಂತೆ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿದ ಲೂಂಬಾ ಫೌಂಡೇಶನ್ನ ಮುಖ್ಯಸ್ಥ ಲಾರ್ಡ್ ಲೂಂಬಾ ಪಂಜಾಬ್‌ನವರು. ಅವರ ತಾಯಿ ಪುಷ್ಪವತಿ ಲೂಂಬಾ ಅವರು ವಿಧವೆಯಾದ ದಿನವೇ ವಿಧವೆಯರ ದಿನ ಆಚರಿಸಲಾಗುತ್ತದೆ.

    ಸೇನೆಯಲ್ಲಿ ತಪ್ಪದೆ ಆಚರಣೆ

    ಸೇನೆಯಲ್ಲಿ ತಪ್ಪದೆ ಆಚರಣೆ

    ಭಾರತೀಯ ಸೇನೆಯಲ್ಲಿ ವಿಶ್ವ ವಿಧವೆಯರ ದಿನವನ್ನು ತಪ್ಪದೆ ಆಚರಿಸಲಾಗುತ್ತದೆ. ದೇಶಕ್ಕಾಗಿ ಪತಿಯನ್ನು ಕಳೆದುಕೊಂಡು ಒಂಟಿಯಾದ ಮಹಿಳೆಯರನ್ನು ಅಂದು ಸೇನೆ ನೆನೆಸಿಕೊಳ್ಳುತ್ತದೆ. ವಿಧವೆಯರನ್ನು ಕರೆಸಿ ಉಡುಗೊರೆಗಳನ್ನು ಕೊಡುವ ವಾಡಿಕೆ ಇದೆ.

    ಬೃಂದಾವನದ ವಿಧವೆಯರು

    ಬೃಂದಾವನದ ವಿಧವೆಯರು

    ಮಥುರಾ ಪ್ರಮುಖವಾಗಿಸಿಕೊಂಡು ಉತ್ತರ ಭಾರತದ ಹಲವು ರಾಜ್ಯಗಳಲ್ಲಿ ಬೃಂದಾವನದ ವಿಧವೆಯರು ಎಂಬ ಆಚರಣೆಯನ್ನೇ ಮಾಡಿಕೊಂಡು ಬರಲಾಗಿದೆ. ಇದು ವಿಧವೆಯರ ದಿನದಂದು ಮಾಡದಿದ್ದರೂ ಸಹಿತ ಅವರನ್ನೂ ಸಂಸ್ಕೃತಿಯ ಭಾಗವಾಗಿಸಿಕೊಳ್ಳುವ ಪ್ರಯತ್ನದಿಂದ ಈ ಆಚರಣೆ ಚಾಲ್ತಿಯಲ್ಲಿದೆ.

    ಸುಖಗಳಿಂದ ದೂರ ಇಟ್ಟಿದ್ದೇವೆ

    ಸುಖಗಳಿಂದ ದೂರ ಇಟ್ಟಿದ್ದೇವೆ

    ವಿಧವೆಯರನ್ನು ಎಲ್ಲಾ ರೀತಿಯ ಸುಖಗಳಿಂದ ದೂರವೇ ಇಟ್ಟಿದೆ ನಮ್ಮ ಸಂಸ್ಕೃತಿ. ಅಲಂಕಾರ, ಸಂಸರ ಸುಖ, ಧಾರ್ಮಿಕ ವಿಧಿ ವಿಧಾನಗಳಲ್ಲಿ ಪಾಲ್ಗೊಳ್ಳದಂತೆ ಮಾಡುವ ಸಂಪ್ರದಾಯಗಳು ನಮ್ಮಲ್ಲಿ ಈಗಲೂ ಚಾಲ್ತಿಯಲ್ಲಿವೆ. ನಮ್ಮೊಳಗೆ ನೀವು ಒಬ್ಬರು ಎಂದು ಅವರಿಗೆ ಧೈರ್ಯ ತುಂಬುವ ಉದ್ದೇಶದಿಂದಲೇ ವಿಶ್ವ ವಿಧವೆಯರ ದಿನ ಅವಶ್ಯಕ.

    ಇಂದು ನಡೆದಿದೆ ಕಾರ್ಯಕ್ರಮ

    ಇಂದು ನಡೆದಿದೆ ಕಾರ್ಯಕ್ರಮ

    ಇಂದು (ಜೂನ್ 23) ನವ ದೆಹಲಿಯಲ್ಲಿ ಲೂಂಬಾ ಫೌಂಡೇಶನ್ ವತಿಯಿಂದ ನಡೆದ ವಿಧವೆಯರ ದಿನಾಚರಣೆ ಕಾರ್ಯಕ್ರಮದಲ್ಲಿ ಉಪರಾಷ್ಟ್ರಪತಿ ವೆಂಕಯ್ಯನಾಯ್ಡು ಭಾಗವಹಿಸಿದ್ದರು. ಸೇರಿದ್ದ ನೂರಾರು ವಿಧವೆಯರನ್ನುದ್ದೇಶಿಸಿ ಧೈರ್ಯದ ಮಾತುಗಳನ್ನಾಡಿದರು. ಪುರುಷರು ಮರುವಿವಾಹ ಆಗುವುದಾದರೆ ಮಹಿಳೆಯರೇಕೆ ಆಗುವಂತಿಲ್ಲ ಎಂದರು ಅವರು.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    June 23rd is International widows day. This day is for give strength to widows and their dependents. Vice President Venkaiah Naidu said if men can re marriage why not women in International widows day organized in New Delhi.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more