• search

ಪಾಕಿಸ್ತಾನಕ್ಕೆ ಕ್ಷಿಪಣಿ ರಹಸ್ಯ ಮಾರಾಟ, ಡಿಆರ್ ಡಿಒ ಸಿಬ್ಬಂದಿ ಬಂಧನ

Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ನಾಗ್ಪುರ್, ಅಕ್ಟೋಬರ್ 08: ಮಹಾರಾಷ್ಟ್ರದ ನಾಗ್ಪುರದ ಡಿಆರ್ ಡಿಒ ಘಟಕದಲ್ಲಿ ಸಿಬ್ಬಂದಿಯಾಗಿದ್ದ ವ್ಯಕ್ತಿಯೊಬ್ಬ ಪಾಕಿಸ್ತಾನ ಮೂಲದ ಐಎಸ್ ಐ ಏಜೆಂಟ್ ಎಂಬ ಸ್ಫೋಟಕ ಮಾಹಿತಿ ಹೊರ ಬಂದಿದೆ.

    ಭಾರತದ ಪ್ರಮುಖ ಕ್ಷಿಪಣಿ "ಬ್ರಹ್ಮೋಸ್ " ಕುರಿತ ತಾಂತ್ರಿಕ ಮಾಹಿತಿಗಳನ್ನು ಐಎಸ್​ಐ ಉಗ್ರರಿಗೆ ಮತ್ತು ಅಮೆರಿಕದ ಗುಪ್ತಚರ ಏಜೆನ್ಸಿಗಳಿಗೆ ನೀಡುತ್ತಿದ್ದ ಎಂದು ಮಾಹಿತಿ ಮೇರೆಗೆ ಬಲೆ ಬೀಸಿ ನಿಶಾಂತ್ ಅಗರವಾಲ್ ಎಂಬಾತನನ್ನು ಬಂಧಿಸಿ, ವಿಚಾರಣೆಗೊಳಪಡಿಸಲಾಗಿದೆ.

    ಬ್ರಹ್ಮೋಸ್ ಸೂಪರ್ ಸಾನಿಕ್ ಕ್ರೂಸ್ ಕ್ಷಿಪಣಿ ಯಶಸ್ವಿ ಪರೀಕ್ಷೆ

    ಉತ್ತರ ಪ್ರದೇಶ ಎಟಿಎಸ್ ಮತ್ತು ಮಿಲಿಟರಿ ಗುಪ್ತಚರ ಅಧಿಕಾರಿಗಳು ನಡೆಸಿದ ಜಂಟಿ ಕಾರ್ಯಾಚರಣೆಯಲ್ಲಿ ಆರೋಪಿ ನಿಶಾಂತ್​​ ಅಗರವಾಲ್​ಸಿಕ್ಕಿಬಿದ್ದಿದ್ದಾನೆ. ನಾಗ್ಪುರದ ಬ್ರಹ್ಮೋಸ್ ಏರೋಸ್ಪೇಸ್​​ ಘಟಕದಲ್ಲಿ ಕಳೆದ ನಾಲ್ಕು ವರ್ಷಗಳಿಂದ ನಿಶಾಂತ್ ಕಾರ್ಯನಿರ್ವಹಿಸುತ್ತಿದ್ದ.

    ಸುಖೋಯ್‌ ಯುದ್ಧ ವಿಮಾನದಿಂದ ಬ್ರಹ್ಮೋಸ್‌ ಕ್ಷಿ‍‍ಪಣಿ ಯಶಸ್ವಿ ಉಡಾವಣೆ

    ಪಾಕಿಸ್ತಾನ ಮತ್ತು ಅಮೆರಿಕ ಏಜೆನ್ಸಿಗಳಿಗೆ ಅಕ್ರಮವಾಗಿ ಬ್ರಹ್ಮೋಸ್ ಕ್ಷಿಪಣಿ ಕುರಿತು ಪ್ರಮುಖ ರಹಸ್ಯಗಳನ್ನು ನೀಡುತ್ತಿದ್ದ ಎಂದು ತಿಳಿದು ಬಂದಿದೆ. ಉತ್ತರಪ್ರದೇಶದ ಉಗ್ರ ನಿಗ್ರಹ ದಳ, ಮಿಲಿಟರಿ ತನಿಖಾ ದಳದವರು ನಿರಂತರವಾಗಿ ನಿಶಾಂತ್ ನನ್ನು ವಿಚಾರಣೆಗೊಳಪಡಿಸುತ್ತಿದ್ದಾರೆ.

    ಉತ್ತರಾಖಂಡ್ ಮೂಲದ ನಿಶಾಂತ್

    ಉತ್ತರಾಖಂಡ್ ಮೂಲದ ನಿಶಾಂತ್

    ಉತ್ತರಾಖಂಡ್ ಮೂಲದ ನಿಶಾಂತ್ ಅಗರವಾಲ್ ಎಲ್ಲರಂತೆ ಪರೀಕ್ಷೆ ಬರೆದು ಡಿಆರ್ ಡಿಒ ಸಂಸ್ಥೆ ಸೇರಿದ್ದ. ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಚಿನ್ನದ ಪದಕ ಪಡೆದಿದ್ದ ನಿಶಾಂತ್ ಗೆ ಕಳೆದ ವರ್ಷ ಯುವ ವಿಜ್ಞಾನಿ ಪ್ರಶಸ್ತಿಯನ್ನು ನೀಡಲಾಗಿತ್ತು. ಇತ್ತೀಚೆಗೆ ಮದುವೆ ಕೂಡಾ ಆಗಿದ್ದ.

    ರಕ್ಷಣಾ ಇಲಾಖೆ ಅಧೀನದ ಈ ಸಂಸ್ಥೆಯಲ್ಲಿ ದೇಶದ ಕ್ಷಿಪಣಿ, ರಾಕೆಟ್ ನಿರ್ಮಾಣದ ಬಗ್ಗೆ ಕಾರ್ಯ ನಿರ್ವಹಿಸುವ ಘಟಕದಲ್ಲಿ ಸಿಸ್ಟಮ್ ಇಂಜಿನಿಯರ್ ಆಗಿ ನಿಶಾಂತ್ ಕಳೆದ ನಾಲ್ಕು ವರ್ಷಗಳಿಂದ ಕಾರ್ಯ ನಿರ್ವಹಿಸುತ್ತಿದ್ದ.

    ನೆಲ್ಲೂರು ಮೂಲದ ವಿಜ್ಞಾನಿ ಡಿಅರ್ ಡಿಒ ಚೇರ್ಮನ್

    ಅಮೆರಿಕದ ಏಜೆನ್ಸಿಗಳಿಗೂ ಮಾಹಿತಿ ಮಾರಾಟ?

    ಅಮೆರಿಕದ ಏಜೆನ್ಸಿಗಳಿಗೂ ಮಾಹಿತಿ ಮಾರಾಟ?

    ನಿಶಾಂತ್ ಬಂಧಿಸಿರುವ ಉತ್ತರಪ್ರದೇಶ ಪೊಲೀಸರು, ನಿರಂತರವಾಗಿ ವಿಚಾರಣೆ ನಡೆಸಿದ್ದಾರೆ. ಬ್ರಹ್ಮೋಸ್ ಕ್ಷಿಪಣಿ ಕಾರ್ಯ ನಿರ್ವಹಣೆ ಬಗ್ಗೆ ಪ್ರಮುಖ ತಾಂತ್ರಿಕ ಅಂಶಗಳನ್ನು ಐಎಸ್ಐಗೆ ನೀಡಿರುವುದು ಖಾತ್ರಿಯಾಗಿದೆ. ಪಾಕಿಸ್ತಾನದ ಗೂಢಚಾರ ಸಂಸ್ಥೆಗಷ್ಟೇ ಅಲ್ಲದೆ, ಅಮೆರಿಕದ ಏಜೆನ್ಸಿಗಳಿಗೂ ಮಾಹಿತಿ ಮಾರಾಟ ಮಾಡಿರುವ ಶಂಕೆ ವ್ಯಕ್ತವಾಗಿದೆ. ಈ ನಿಟ್ಟಿನಲ್ಲಿ ವಿಚಾರಣೆಯನ್ನು ತೀವ್ರಗೊಳಿಸಲಾಗಿದೆ.

    ಇಸ್ರೇಲ್ ಜತೆಗೆ ಸೇರಿ ಕ್ಷಿಪಣಿ ಅಭಿವೃದ್ಧಿಗೆ 17 ಸಾವಿರ ಕೋಟಿ ಒಪ್ಪಂದ

    ಕ್ಷಿಪಣಿ ರಹಸ್ಯ ಮಾರಾಟ, ಡಿಆರ್ ಡಿಒ ಸಿಬ್ಬಂದಿ ಬಂಧನ

    ಕ್ಷಿಪಣಿ ರಹಸ್ಯ ಮಾರಾಟ, ಡಿಆರ್ ಡಿಒ ಸಿಬ್ಬಂದಿ ಬಂಧನ

    ನಾಗ್ಪುರ್ ನಲ್ಲಿರುವ ಬ್ರಹ್ಮೋಸ್ ಏರೋ ಸ್ಪೇಸ್ ರಿಸರ್ಚ್ ಸೆಂಟರ್ (ಬಿಎಂ ಆರ್ ಸಿ) ಭಾರತ ಹಾಗೂ ರಷ್ಯಾದ ಜಂಟಿ ಯೋಜನೆಯಾಗಿದೆ. ಅತ್ಯಾಧುನಿಕ ಆಯುಧ ವ್ಯವಸ್ಥೆ ಬಗ್ಗೆ ಸದ್ಯ ಸಂಶೋಧನೆ ನಡೆಸಲಾಗುತ್ತಿದೆ.

    ಮಾಹಿತಿಯನ್ನು ಸಂಗ್ರಹಿಸಿ ಐಎಸ್ಐಗೆ ಹಣಕ್ಕಾಗಿ ಮಾರಾಟ ಮಾಡಿರುವ ಶಂಕೆ ಇದೆ. ಸದ್ಯ ಉತ್ತರಪ್ರದೇಶದ ಪೊಲೀಸರು, ಮಿಲಿಟರಿ ಅಧಿಕಾರಿಗಳು ತನಿಖೆ ನಡೆಸುತ್ತಿದ್ದಾರೆ. ಅಗತ್ಯ ಬಿದ್ದರೆ, ಸಿಬಿಐ ಕೂಡಾ ಕೈ ಜೋಡಿಸಲಿದ್ದು, ನಿಶಾಂತ್ ಯಾವೆಲ್ಲ ಏಜೆನ್ಸಿ ಜತೆ ಸಂಪರ್ಕದಲ್ಲಿದ್ದ ಎಂಬುದರ ಮಾಹಿತಿ ಕಲೆ ಹಾಕಲಾಗುತ್ತಿದೆ.

    ಭಾರತದ ಕ್ಷಿಪಣಿ ತಾಕತ್ತಿನ ಮುಂದೆ ಪಾಕಿಸ್ತಾನದ ಬಾಬರ್ ಬಚ್ಚಾ!

    ಫೇಸ್ ಬುಕ್ ಹನಿ ಟ್ರ್ಯಾಪ್

    ಫೇಸ್ ಬುಕ್ ಹನಿ ಟ್ರ್ಯಾಪ್

    ನಿಶಾಂತ್ ನನ್ನು ಬಲೆಗೆ ಬೀಳಿಸಿಕೊಳ್ಳಲು ಫೇಸ್ಬುಕ್ ಚಾಟ್ ಮೂಲಕ ಹನಿ ಟ್ರ್ಯಾಪ್ ಮಾಡಿರುವ ಶಂಕೆ ವ್ಯಕ್ತವಾಗಿದೆ. ಪಾಕಿಸ್ತಾನ ಮೂಲದ ಐಡಿಯಿಂದ ಮಹಿಳೆ ಹೆಸರಿನಲ್ಲಿ ಚಾಟ್ ಮಾಡಿ ನಿಶಾಂತ್ ನನ್ನು ಬಲೆಗೆ ಬೀಳಿಸಿಕೊಂಡು ಈ ಕೆಲಸ ನೀಡಿರುವ ಸಾಧ್ಯತೆ ಕಂಡು ಬಂದಿದೆ.

    ಆತನ ಲ್ಯಾಪ್ ಟಾಪ್ ನಲ್ಲಿ ಬ್ರಹ್ಮೋಸ್ ಗೆ ಸಂಬಂಧಪಟ್ಟ ಅನೇಕ ರಹಸ್ಯ ಮಾಹಿತಿಗಳಿವೆ. ಇದು ಡಿಆರ್ ಡಿಒ ಘಟಕದಲ್ಲಿ ಮಾತ್ರ ಬಳಸಬಹುದಾದ ನಿರ್ಬಂಧಿತ ಮಾಹಿತಿಯಾಗಿದೆ. ಮನೆ ಹಾಗೂ ಕಚೇರಿಯ ಕಂಪ್ಯೂಟರ್ ಪರಿಶೀಲಿಸಲಾಗುತ್ತಿದೆ ಎಂದು ಉತ್ತರಪ್ರದೇಶ ಉಗ್ರ ನಿಗ್ರಹ ದಳದ ಮುಖ್ಯಸ್ಥ ಆಸೀಮ್ ಅರುಣ್ ಹೇಳಿದರು.

    ಬ್ರಹ್ಮೋಸ್‌ ಜಗತ್ತಿನ ಅತಿ ವೇಗದ ಕ್ಷಿಪಣಿ

    ಬ್ರಹ್ಮೋಸ್‌ ಜಗತ್ತಿನ ಅತಿ ವೇಗದ ಕ್ಷಿಪಣಿ

    2.5 ಟನ್ ತೂಕದ ಬ್ರಹ್ಮೋಸ್ ಕ್ಷಿಪಣಿ ಪ್ರತಿ ಗಂಟೆಗೆ 3,400 -3,700 ಕಿ.ಮೀ. ವೇಗದಲ್ಲಿ ಸಾಗುವ ಸಾಮರ್ಥ್ಯ ಹೊಂದಿದೆ. ಬ್ರಹ್ಮೋಸ್‌ ಜಗತ್ತಿನ ಅತಿ ವೇಗದ ಕ್ಷಿಪಣಿ ಎಂದೇ ಹೆಸರಾಗಿದೆ.ಬ್ರಹ್ಮೋಸ್ ಭಾರತದ ಡಿಆರ್ ಡೊ ಮತ್ತು ರಷ್ಯಾದ ಎನ್‍ಪಿಓಎಂನ ಜಂಟಿ ಯೋಜನೆಯಾಗಿದೆ. ಜಲ, ವಾಯು, ಭೂಮಿಯಲ್ಲಿ ಬಹ್ಮೋಸ್ ಕ್ಷಿಪಣಿ ಪ್ರಾಯೋಗಿಕ ಪರೀಕ್ಷೆ ಯಶಸ್ವಿಯಾಗಿದೆ. ಸರ್ಜಿಕಲ್ ಸ್ಟ್ರೈಕ್ ಗೆ ಇದನ್ನು ಅಳವಡಿಸಲು ರಕ್ಷಣಾ ಇಲಾಖೆ ಚಿಂತನೆ ನಡೆಸಿದೆ.

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    A man employed with Defence Research and Development Organisation (DRDO) was arrested on suspicion of leaking sensitive details about the BrahMos cruise Missile to Pakistan.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more