ಹೈದರಾಬಾದ್ನಲ್ಲಿ ಶೀಘ್ರ ಹೈಡ್ರೋಜನ್ ಚಾಲಿತ ಬಸ್ಗಳ ಸಂಚಾರ
ಹೊಸ ಹೈಡ್ರೋಜನ್ ಚಾಲಿತ ಬಸ್ ಒಂದೇ ಟ್ರಿಪ್ನಲ್ಲಿ 400 ಕಿಮೀ ಓಡಬಲ್ಲದು. ಈ ಬಸ್ನ್ನು ಕೇವಲ 15 ನಿಮಿಷಗಳಲ್ಲಿ ಮರು ತುಂಬಿಸಬಹುದಾಗಿದೆ ಎಂದು ಕಂಪನಿ ಹೇಳಿದೆ.
ಹೈದರಾಬಾದ್, ಫೆಬ್ರವರಿ 24: ಒಲೆಕ್ಟ್ರಾ ಗ್ರೀನ್ಟೆಕ್ ಲಿಮಿಟೆಡ್ (ಒಜಿಎಲ್) ಮತ್ತು ರಿಲಯನ್ಸ್ ಹೈದರಾಬಾದ್ನಲ್ಲಿ ಸಾರ್ವಜನಿಕ ಸಾರಿಗೆಗಾಗಿ ಹೊಸ ಹೈಡ್ರೋಜನ್ ಚಾಲಿತ ಬಸ್ ಅನ್ನು ಪರಿಚಯಿಸಲಿದೆ. ರಿಲಯನ್ಸ್ನ ತಾಂತ್ರಿಕ ನೆರವಿನೊಂದಿಗೆ ಸಂಪೂರ್ಣ ಇಂಗಾಲ ಮುಕ್ತ ಬಸ್ ಅನ್ನು ಪರಿಚಯಿಸಲಾಗುತ್ತದೆ ಎಂದು ಒಜಿಎಲ್ ತಿಳಿಸಿದೆ.
ಹೊಸ ಹೈಡ್ರೋಜನ್ ಚಾಲಿತ ಬಸ್ ಒಂದೇ ಟ್ರಿಪ್ನಲ್ಲಿ 400 ಕಿಮೀ ಓಡಬಲ್ಲದು. ಈ ಬಸ್ನ್ನು ಕೇವಲ 15 ನಿಮಿಷಗಳಲ್ಲಿ ಮರು ತುಂಬಿಸಬಹುದಾಗಿದೆ ಎಂದು ಕಂಪನಿ ಹೇಳಿದೆ. ಇದು ಟೈಪ್ 4 ಹೈಡ್ರೋಜನ್ ಸಿಲಿಂಡರ್ಗಳನ್ನು ಹೊಂದಿದ್ದು, ಇದು 20 ಮತ್ತು +85 ಡಿಗ್ರಿ ಸೆಲ್ಸಿಯಸ್ ತಾಪಮಾನವನ್ನು ತಡೆದುಕೊಳ್ಳಬಲ್ಲದು ಎಂದು ಕಂಪನಿ ತಿಳಿಸಿದೆ.
ಹೊಸ 12 ಮೀಟರ್ ಕೆಳಮಹಡಿಯು ಡ್ರೈವರ್ ಸೀಟಿನ ಜೊತೆಗೆ 32 ರಿಂದ 49 ಆಸನಗಳ ನಡುವೆ ಬೇಕಾದಂತೆ ಸಂಯೋಜಿಸಬಹುದಾದ ಆಸನ ಸಾಮರ್ಥ್ಯ ಇರುತ್ತದೆ. ಈ ಬಸ್ ಹೈಡ್ರೋಜನ್ ಚಾಲಿತ ವಾಹನವಾಗಿರುವುದರಿಂದ ಟೈಲ್ ಪೈಪ್ನಲ್ಲಿ ಹೊರಸೂಸುವಿಕೆ ನೀರು ಸಂಗ್ರಹವಾಗುತ್ತದೆ. ನೈಸರ್ಗಿಕ ಸಂಪನ್ಮೂಲಗಳ ಸವಕಳಿ ಮತ್ತು ವಾಯು ಮಾಲಿನ್ಯ ಮತ್ತು ಹೊರಸೂಸುವಿಕೆಯ ಋಣಾತ್ಮಕ ಪರಿಣಾಮಗಳ ಹಿನ್ನೆಲೆಯಲ್ಲಿ ಹೈಡ್ರೋಜನ್-ಚಾಲಿತ ಬಸ್ಗಳ ಅಭಿವೃದ್ಧಿಯನ್ನು ವೇಗಗೊಳಿಸಲು ಒಲೆಕ್ಟ್ರಾ ಕ್ರಮವನ್ನು ತೆಗೆದುಕೊಂಡಿದೆ.
ಈ ಉಪಕ್ರಮವು ಭಾರತ ಸರ್ಕಾರದ ಕಾರ್ಬನ್ ಮುಕ್ತ ಹೈಡ್ರೋಜನ್ ಮಹತ್ವಾಕಾಂಕ್ಷೆಗಳನ್ನು ಸಾಧಿಸಲು ಸಹಾಯ ಮಾಡುತ್ತದೆ. ಒಲೆಕ್ಟ್ರಾ ತನ್ನ ಹೈಡ್ರೋಜನ್ ಬಸ್ಗಳ ಮೂಲಕ ರಾಷ್ಟ್ರದ ಪರಿಸರ ಸುಸ್ಥಿರ ಇಂಧನ ಭದ್ರತೆಗೆ ಕೊಡುಗೆ ನೀಡುವ ಗುರಿಯನ್ನು ಹೊಂದಿದೆ ಎಂದು ಕಂಪನಿಯು ಇತ್ತೀಚಿನ ಪತ್ರಿಕಾ ಟಿಪ್ಪಣಿಯಲ್ಲಿ ತಿಳಿಸಿದೆ. ಹೊಸ ಒಲೆಕ್ಟ್ರಾ ಹೈಡ್ರೋಜನ್ ಚಾಲಿತ ಬಸ್ನ ಬಿಡುಗಡೆಯು ಒಂದು ವರ್ಷದೊಳಗೆ ನಡೆಯಲಿದೆ ಎಂದು ಕಂಪನಿ ತಿಳಿಸಿದೆ.
Click it and Unblock the Notifications
Sign in with Google