ಜೈಲಿನಲ್ಲಿಲ್ಲ, ಜನರ ಹೃದಯದಲ್ಲಿದ್ದೇನೆ: ತೆಲುಗು ಮಂದಿಗೆ ಎನ್. ಚಂದ್ರಬಾಬು ನಾಯ್ಡು ಬಹಿರಂಗ ಪತ್ರ
ಬೆಂಗಳೂರು, ಅಕ್ಟೋಬರ್ 22: ಭ್ರಷ್ಟಾಚಾರ ಪ್ರಕರಣದಲ್ಲಿ ನ್ಯಾಯಾಂಗ ಬಂಧನಕ್ಕೆ ಒಳಗಾಗಿರುವ ತೆಲುಗು ದೇಶಂ ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ಹಾಗೂ ಮಾಜಿ ಮುಖ್ಯಮಂತ್ರಿ ನಾರಾ ಚಂದ್ರಬಾಬು ನಾಯ್ಡು ಅವರು ಭಾನುವಾರ ತಾವಿದ್ದ ಕೇಂದ್ರ ಕಾರಾಗೃಹದಿಂದ ಆಂಧ್ರಪ್ರದೇಶದ ಜನತೆಗೆ ಬಹಿರಂಗವಾಗಿ ಪತ್ರ ಬರೆದಿದ್ದಾರೆ. ತಾವು ಹೊರ ಬರುವುದಾಗಿ ತಿಳಿಸಿದ್ದಾರೆ.
ಮೂರು ಬಾರಿ ಮುಖ್ಯಮಂತ್ರಿಯಾಗಿದ್ದ ಚಂದ್ರಬಾಬು ನಾಯ್ಡು ಅವರನ್ನು ಸಿಐಡಿ ಬಂಧಿಸಿತ್ತು. ಇದೀಗ ಅವರು ನಾನು ಜೈಲಿನಲ್ಲಿಲ್ಲ ಜನರ ಹೃದಯದಲ್ಲಿ ಉಳಿದಿದ್ದಾರೆ ಎಂದು ಪತ್ರ ಬರೆದಿದ್ದಾರೆ. ಈವರೆಗೆ ಮೂರು ಭಾರಿ ಮುಖ್ಯಮಂತ್ರಿ ಆಗಿರುವ ಅವರು ತೆಲುಗು ನಾಡಿನ ಅಭಿವೃದ್ಧಿಗೆ ಶ್ರಮಿಸಿದ್ದಾರೆ. ಸುಮಾರು 45 ವರ್ಷಗಳ ರಾಜಕೀಯ ಜೀವನದುದ್ದಕ್ಕೂ ತೆಲುಗು ಜನರ ಅಭಿವೃದ್ಧಿ ಮತ್ತು ಯೋಗಕ್ಷೇಮವೇ ನನ್ನ ಮೊದಲ ಆದ್ಯತೆ ಆಗಿರಲಿದೆ ಎಂದು ಉಲ್ಲೇಖಿಸಿದರು.
ವೈಎಸ್ಆರ್ಸಿಪಿಯ ನಾಯಕರು ಚುನಾವಣಾ ಸೋಲಿನ ಭಯದಿಂದ ಜೈಲಿನಲ್ಲಿ ಬಂಧಿಸಿಡುವ ಮೂಲಕ ಜನರಿಂದ ಅವರನ್ನು ದೂರವಾಗಿಡಲು ಪ್ರಯತ್ನಿಸುತ್ತಿದ್ದಾರೆ ಎಂದು ತಿಳಿಸಿದರು. ಸಾರ್ವಜನಿಕರ ಭೌತಿಕ ಅನುಪಸ್ಥಿತಿಯ ಹೊರತಾಗಿ ಅಭಿವೃದ್ಧಿ ಉಪಕ್ರಮಗಳು ರಾಜ್ಯದ ಅಭಿವೃದ್ಧಿಗೆ ಪೂರಕವಾಗಿದ್ದವು ಎಂದು ಅಭಿಪ್ರಾಯ ತಿಳಿಸಿದ್ದಾರೆ.
ನನ್ನ ವಿರುದ್ಧ ಷಡ್ಯಂತ್ರ
ನನ್ನನ್ನು ಕಪೋಲಕಲ್ಪಿತ ಷಡ್ಯಂತ್ರಗಳನ್ನು ಮಾಡಿ ಹೆಸರು ಕೆಡಿಸುವ ಪ್ರಯತ್ನಗಳು ನಡೆದಿವೆ, ಆದರೆ ಅವರ ಮೌಲ್ಯಗಳು ಮತ್ತು ವಿಶ್ವಾಸಾರ್ಹತೆ ಅಳಿಸಲು ಸಾಧ್ಯವಿಲ್ಲ. ಈಗಿನ ಜೈಲುವಾಸದ ಕತ್ತಲೆ ಅವಧಿಯು ತಾತ್ಕಾಲಿಕವಾಗಿದೆ. ಜೈಲಿನ ಗೋಡೆಗಳು ಅವನ ಆತ್ಮವಿಶ್ವಾಸವನ್ನು ಕುಗ್ಗಿಸುವುದಿಲ್ಲ ಎಂದು ಅವರು ವಿಶ್ವಾಸ ಹೊಂದಿರುವ ಬಗ್ಗೆ ತಿಳಿಸಿದ್ದಾರೆ.
ನನ್ನಿಂದ ತಪ್ಪು ಆಗಿಲ್ಲ. ಅಲ್ಲದೇ ಯಾರಿಂದಲೂ ತಪ್ಪು ಮಾಡಲು ಬಿಡುವುದಿಲ್ಲ ಎಂದು ಅವರು ಪತ್ರದಲ್ಲಿ ತಿಳಿಸಿದ್ದಾರೆ. ಚಂದ್ರಬಾಬು ನಾಯ್ಡು ಜೈಲಿನಿಂದ ಹೊರಬಂದ ನಂತರ ಸಂಪೂರ್ಣ ಪ್ರಣಾಳಿಕೆ ಬಿಡುಗಡೆ ಮಾಡುವುದಾಗಿ ತಿಳಿಸಿದರು. ತಮ್ಮ ಅನುಪಸ್ಥಿತಿಯಲ್ಲಿ ಅವರ ಪರ ಮಾಜಿ ಮುಖ್ಯಮಂತ್ರಿ ನಂದಮೂರಿ ತಾರಕ ರಾಮರಾವ್ ಅವರ ಪುತ್ರಿ ನಾರಾ ಭುವನೇಶ್ವರಿ ಅವರು ವಕಲಾತ್ತು ವಹಿಸಿದ್ದಾರೆ.
ನಾರಾ ಭುವನೇಶ್ವರಿ ಅವರ ಅಕ್ರಮ ಬಂಧನದಿಂದ ನೊಂದ ಕುಟುಂಬಗಳಿಗೆ ಸಾಂತ್ವನ ಹೇಳಲು ಮತ್ತು ಪ್ರಸ್ತುತ ಅಸ್ತವ್ಯಸ್ತವಾಗಿರುವ ಆಡಳಿತವನ್ನು ಕೊನೆಗೊಳಿಸಲು 'ನಿಜಂ ಗೆಲವಲಿ' ಎಂಬ ಅಭಿಯಾನದ ಭಾಗಿಯಾಗಿ ಜನರೊಂದಿಗೆ ತೊಡಗಿಸಿಕೊಂಡಿದ್ದಾರೆ.
ಚಂದ್ರಬಾಬು ನಾಯ್ಡು ಅವರು ನ್ಯಾಯ ವಿಳಂಬವಾದರೂ, ಅಂತಿಮವಾಗಿ ಮೇಲುಗೈ ಸಾಧಿಸಲಿದ್ದಾರೆ. ನಿರಂಕುಶ ಆಡಳಿತದ ವಿರುದ್ಧ ಎಲ್ಲರೂ ಶಾಂತಿಯುತ ಹೋರಾಟ ನಡೆಸಬೇಕು ಎಂದು ಅವರು ತಿಳಿಸಿದ್ದಾರೆ.
Click it and Unblock the Notifications
Sign in with Google