10 ದಿನ ಭಾರತ- ದುಬೈ ವಿಮಾನ ರದ್ದುಗೊಳಿಸಿದ ಎಮಿರೇಟ್ಸ್
ನವದೆಹಲಿ, ಏಪ್ರಿಲ್ 22: ಭಾರತದಲ್ಲಿ ಕೊರೊನಾ ಪ್ರಕರಣಗಳು ಏರಿಕೆಯಾಗುತ್ತಿರುವ ಕಾರಣ ಎಮಿರೇಟ್ಸ್ ಇದೇ ಭಾನುವಾರದಿಂದ ಹತ್ತು ದಿನಗಳ ಕಾಲ ಭಾರತ ಹಾಗೂ ದುಬೈ ನಡುವಿನ ವಿಮಾನಗಳನ್ನು ರದ್ದುಗೊಳಿಸುವುದಾಗಿ ತಿಳಿಸಿದೆ.
ಬ್ರಿಟನ್ ಭಾರತದಿಂದ ಬರುವ ಪ್ರಯಾಣಿಕರ ಮೇಲೆ ನಿರ್ಬಂಧ ಹೇರಿದ ಬೆನ್ನಲ್ಲೇ ಈ ನಿರ್ಣಯ ಕೈಗೊಳ್ಳಲಾಗಿದೆ. ಫ್ರಾನ್ಸ್ ಕೂಡ ಭಾರತದಿಂದ ಬರುವ ಪ್ರಯಾಣಿಕರಿಗೆ ಹತ್ತು ದಿನಗಳ ಕಾಲ ಕ್ವಾರಂಟೈನ್ ವಿಧಿಸಿದೆ. ಹಾಂಕಾಂಗ್ ಭಾರತೀಯ ಪ್ರಯಾಣಿಕರ ಮೇಲೆ ನಿರ್ಬಂಧ ಹೇರಿದೆ.
ಬುಧವಾರದಿಂದ ಎರಡು ವಾರಗಳ ಕಾಲ ಹಾಂಕಾಂಗ್ ನಿರ್ಬಂಧ ಮಾಡಿದೆ.
ಈಚೆಗಷ್ಟೆ ದುಬೈಗೆ ಭಾರತದಿಂದ ತೆರಳುವ ಪ್ರಯಾಣಿಕರು ಹೊಂದಿರಬೇಕಾದ ಕೊರೊನಾ ಪರೀಕ್ಷಾ ಪ್ರಮಾಣ ಪತ್ರದ ಅವಧಿಯನ್ನು 72 ಗಂಟೆಯಿಂದ 48 ಗಂಟೆಗೆ ಇಳಿಸಿತ್ತು. ಏಪ್ರಿಲ್ 22ರಿಂದ ಇದು ಜಾರಿಯಾಗುವುದಾಗಿ ತಿಳಿಸಿತ್ತು.
ಇದೀಗ ಹತ್ತು ದಿನಗಳ ಕಾಲ ಎಮಿರೇಟ್ಸ್ ಭಾರತ-ದುಬೈ ನಡುವಿನ ವಿಮಾನವನ್ನು ರದ್ದುಪಡಿಸಿದೆ.
Click it and Unblock the Notifications
Sign in with Google