ರಾಜ್ಯಗಳಿಗೆ 3 ದಿನದಲ್ಲಿ ಹೆಚ್ಚುವರಿಯಾಗಿ 60 ಲಕ್ಷ ಡೋಸ್ ಲಸಿಕೆ ಪೂರೈಕೆ

ನವದೆಹಲಿ, ಮೇ 03: ಕೇಂದ್ರ ಸರ್ಕಾರವು ರಾಜ್ಯ/ಕೇಂದ್ರಾಡಳಿತ ಪ್ರದೇಶಗಳಿಗೆ ಮುಂದಿನ 3 ದಿನಗಳಲ್ಲಿ ಹೆಚ್ಚುವರಿಯಾಗಿ 60 ಲಕ್ಷ ಡೋಸ್ ಲಸಿಕೆಯನ್ನು ಪೂರೈಕೆ ಮಾಡುವುದಾಗಿ ತಿಳಿಸಿದೆ.

ಈ ಪೈಕಿ 15,79,21,537 ಗಳಷ್ಟು ಲಸಿಕೆ ಡೋಸ್ ಗಳನ್ನು ಸೋಮವಾರ ಬೆಳಿಗ್ಗೆ ವರೆಗೂ ಜನರಿಗೆ ನೀಡಲಾಗಿದೆ. ಇನ್ನೂ 75 ಲಕ್ಷಗಳಷ್ಟು ಡೋಸ್ ಗಳು ಬಳಕೆಯಾಗದೇ ಉಳಿದಿದ್ದು, ಇನ್ನಷ್ಟೇ ನೀಡಬೇಕಿದೆ, ಇದರ ಜೊತೆಗೆ ರಾಜ್ಯ/ ಕೇಂದ್ರಾಡಳಿತ ಪ್ರದೇಶಗಳಿಗೆ ಇನ್ನು ಮೂರು ದಿನಗಳಲ್ಲಿ 59 ಲಕ್ಷ ಡೋಸ್ ಗಳನ್ನು ನೀಡಲಾಗುತ್ತದೆ ಎಂದು ಹೇಳಿದೆ.

ಆರೋಗ್ಯ ಸಚಿವಾಲಯ ಮಾಧ್ಯಮ ಪ್ರಕಟಣೆಯನ್ನು ಪ್ರಕಟಿಸಿದ್ದು, ಈ ವರೆಗೂ ಭಾರತ ಸರ್ಕಾರ 16.54 ಕೋಟಿ ಲಸಿಕೆ ಡೋಸ್ ಗಳನ್ನು ಕೇಂದ್ರಾಡಳಿತ/ ರಾಜ್ಯ ಸರ್ಕಾರಗಳಿಗೆ ಉಚಿತವಾಗಿ ನೀಡಿದೆ.

ಭಾನುವಾರ ಭಾರತದಲ್ಲಿ 3,69,957 ಹೊಸ ಕೋವಿಡ್ ಪ್ರಕರಣಗಳು ರಾತ್ರಿ 11.30ರ ತನಕ ದಾಖಲಾಗಿವೆ. ಈ ಅವಧಿಯಲ್ಲಿ ಒಟ್ಟು 3,455 ಜನರು ಮೃತಪಟ್ಟಿದ್ದಾರೆ.

ದೇಶದಲ್ಲಿ ಇದುವರೆಗೂ 1,99,19,900 ಕೋವಿಡ್ ಪ್ರಕರಣಗಳು ದಾಖಲಾಗಿವೆ. 2,18,909 ಜನರು ಮೃತಪಟ್ಟಿದ್ದಾರೆ. ಮಹಾರಾಷ್ಟ್ರದಲ್ಲಿ 56,647 ಹೊಸ ಕೋವಿಡ್ ಪ್ರಕರಣ ದಾಖಲಾಗಿದ್ದು, ಶೇ 16ರಷ್ಟು ಹೊಸ ಪ್ರಕರಣ ರಾಜ್ಯದ್ದಾಗಿದೆ.

ಕೋವಿಡ್ ಲಾಕ್ ಡೌನ್ ಮಾರ್ಗಸೂಚಿಯಲ್ಲಿ ಆಗಲೇ 4ನೇ ಬದಲಾವಣೆ ಕರ್ನಾಟಕದಲ್ಲಿ 37,773. ಕೇರಳದಲ್ಲಿ 31,959 ಹೊಸ ಪ್ರಕರಣಗಳು ದಾಖಲಾಗಿದ್ದವು. ಮೇ 1ರಂದು ಮಹಾರಾಷ್ಟ್ರದಲ್ಲಿ 669, ಉತ್ತರ ಪ್ರದೇಶದಲ್ಲಿ 288 ಮತ್ತು ಕರ್ನಾಟಕದಲ್ಲಿ 217 ಜನರು ಮೃತಪಟ್ಟಿದ್ದರು.

English summary

Extending support to the states and union territories in a battle against the Covid-19 pandemic, the central government on Monday said that an additional 60 lakh vaccine doses will be received by the states/UTs in the next three days.