ರಫೆಲ್: ಹಳೆ ವಿಡಿಯೋ ಟ್ವೀಟ್ ಮಾಡಿ ಹೊಸ ಪ್ರಶ್ನೆಗಳನ್ನು ಎತ್ತಿದ ಕಾಂಗ್ರೆಸ್
ನವದೆಹಲಿ, ಸೆಪ್ಟೆಂಬರ್ 24: ರಫೆಲ್ ಹಗರಣದ ಬಗ್ಗೆ ಕೇಂದ್ರ ಸರ್ಕಾರದ ಬೆನ್ನು ಬಿಡದ ಬೇತಾಳನಾಗಿರುವ ಕಾಂಗ್ರೆಸ್ ಇಂದು ಹಳೆಯ ವಿಡಿಯೋ ಒಂದನ್ನು ಟ್ವೀಟ್ ಮಾಡಿ ಹಲವು ಮೌಲ್ಯಯುತ ಪ್ರಶ್ನೆಗಳನ್ನು ಎತ್ತಿದೆ.
ರಫೆಲ್ ಫೈಟರ್ ವಿಮಾನಗಳನ್ನು ತಯಾರಿಸುವ ಡಸ್ಸಾಲ್ಟ್ ಕಂಪೆನಿಯ ಚೇರ್ಮನ್ ಟ್ರಾಫೆರ್ ಅವರು 2015ರ ಮಾರ್ಚ್ 23ರಂದು ಎಚ್ಎಎಲ್ ಅಧ್ಯಕ್ಷ ಹಾಗೂ ಭಾರತೀಯ ವಾಯುಸೇನೆ ಮುಖ್ಯಸ್ಥರು ಉಪಸ್ಥಿತಿರುವ ಕಾರ್ಯಕ್ರಮದಲ್ಲಿ ರಫೇಲ್ ಯುದ್ಧವಿಮಾನದ ಒಪ್ಪಂದದ ಬಗ್ಗೆ ಮಾತನಾಡುವ ವಿಡಿಯೋವನ್ನು ಕಾಂಗ್ರೆಸ್ ಟ್ವೀಟ್ ಮಾಡಿದೆ.
ವಿಡಿಯೋದಲ್ಲಿ ತಾವು ಎಚ್ಎಎಲ್ ಜೊತೆ ತಂತ್ರಜ್ಞಾನ ಹಂಚಿಕೊಳ್ಳಲು ಉತ್ಸುಕರಾಗಿದ್ದೇವೆ ಎಂಬರ್ಥದ ಮಾತುಗಳನ್ನಾಡಿದ್ದಾರೆ. ಆದರೆ ಈ ಡಸ್ಸಾಲ್ಟ್ ಸಂಸ್ಥೆಯ ಅಧ್ಯಕ್ಷ ಈ ಮಾತುಗಳನ್ನು ಆಡಿದ 17 ದಿನಗಳ ನಂತರ ಮೋದಿ ಅವರು ಇದೇ ಒಪ್ಪಂದವನ್ನು ರಿಲಯನ್ಸ್ಗೆ ನೀಡಿದರು ಎಂದು ಟ್ವೀಟ್ನಲ್ಲಿ ಕಾಂಗ್ರೆಸ್ ಹೇಳಿದೆ. ಅಷ್ಟೆ ಅಲ್ಲದೆ ಸುಳ್ಳು ಹೇಳಿದ್ದಕ್ಕಾಗಿ ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ರಾಜೀನಾಮೆ ನೀಡಬೇಕು ಎಂದು ಹೇಳಿದೆ.
Watch Éric Trappier, Chairman @Dassault_OnAir, on 25/03/15 speak, in the presence of IAF & HAL Chiefs, about responsibility sharing on the Rafale contract. 17 days later PM Modi gave the contract to Reliance.@nsitharaman should resign for lying to the nation. #RafaleModiKaKhel pic.twitter.com/6VoIcFjPlg
— Congress (@INCIndia) September 23, 2018
ಎಚ್ಎಎಲ್ ಕಾರ್ಯಕ್ಷಮತೆಯ ಮೇಲೆ ಅನುಮಾನವಿದ್ದ ಕಾರಣ ಅಂಬಾನಿ ಒಡೆತನದ ಸಂಸ್ಥೆಗೆ ವಿಮಾನ ತಯಾರಿ ಒಪ್ಪಂದ ನೀಡಲಾಯಿತು ಎಂದು ಬಿಜೆಪಿಯ ಕೆಲವು ಮುಖಂಡರು ಹೇಳುತ್ತಿದ್ದಾರೆ (ಅಧಿಕೃತ ಹೇಳಿಕೆ ಬಂದಿಲ್ಲ). ಆದರೆ ಕಾಂಗ್ರೆಸ್ ಟ್ವೀಟ್ ಮಾಡಿರುವ ವಿಡಿಯೋದಲ್ಲಿ ಎಚ್ಎಎಲ್ ಅನ್ನು ಡಸ್ಸಾಲ್ಟ್ ಸಂಸ್ಥೆ ಗೌರವಯುತವಾಗಿ ಹೊಗಳುತ್ತಿದೆ. ಹಾಗಿದ್ದಮೇಲೆ ಬಿಜೆಪಿ ಸುಳ್ಳು ಹೇಳುತ್ತಿದೆಯೇ ಎಂಬ ಅನುಮಾನ ಮೂಡದೇ ಇರದು.
ಅನಿಲ್ ಅಂಬಾನಿ ಒಡೆತನದ ರಿಲಯನ್ಸ್ ಸಂಸ್ಥೆಗೆ ರಫೆಲ್ ತಯಾರಿಸುವ ಒಪ್ಪಂದ ನೀಡಲಾಗಿದೆ. ಆದರೆ ಈವರೆಗೆ ಅನಿಲ್ ಅಂಬಾನಿ ಒಂದೂ ವಿಮಾನ ತಯಾರಿಸಿದ ಅನುಭವ ಇಲ್ಲ. ಅವರಿಗೆ ರಫೇಲ್ ಒಪ್ಪಂದ ನೀಡಲಾಗುವ ಕೆಲವು ತಿಂಗಳುಗಳ ಮುಂಚೆಯಷ್ಟೆ ಅವರು ಸಂಸ್ಥೆ ಸ್ಥಾಪಿಸಿದ್ದಾರೆ. ಇದು ಸಹ ಅನುಮಾನಗಳನ್ನು ಮೂಡಿಸುತ್ತಿದೆ.
2015ರ ಏಪ್ರಿಲ್ ತಿಂಗಳಲ್ಲಿ ಮೋದಿ ಅವರು ಫ್ರಾನ್ಸ್ಗೆ ಭೇಟಿ ನೀಡಿದರು. ಮೋದಿ ಅವರು ಆಗಿನ ಫ್ರಾನ್ಸ್ ಅಧ್ಯಕ್ಷ ಫ್ರಾನ್ಕೋಯಿಸ್ ಹೋಲ್ಯಾಂಡ್ ಅವರ ಜತೆ 36 ರಫೆಲ್ ಫೈಟರ್ ಜೆಟ್ಗಳನ್ನು 60000 ಕೋಟಿ ಮೊತ್ತದಲ್ಲಿ ಖರೀದಿ ಮಾಡುತ್ತಿರುವುದಾಗಿ ಹೇಳಿದರು. ಏಪ್ರಿಲ್ 10ರಂದು ಅನಿಲ್ ಅಂಬಾನಿ ಅವರ ರಿಲಯನ್ಸ್ ಒಡೆತನದ ಸಂಸ್ಥೆಗೆ ರಫೆಲ್ ತಯಾರಿಸುವ ಒಪ್ಪಂದ ನೀಡಲಾಯಿತು. ಮೋದಿ ಭೇಟಿ ನಂತರವೇ ಎಚ್ಎಎಲ್ನಿಂದ ಒಪ್ಪಂದವು ಅನಿಲ್ ಅಂಬಾನಿ ಕೈ ಸೇರಿತು . ಹಾಗಿದ್ದಮೇಲೆ ಇದರಲ್ಲಿ ಮೋದಿ ಅವರ ಕೈವಾಡ ಅಥವಾ ಒತ್ತಡವಿಲ್ಲವೆಂದು ಹೇಳುವುದು ಹೇಗೆ ಎಂಬ ಪ್ರಶ್ಮೆ ಹುಟ್ಟುತ್ತಿದೆ.
Click it and Unblock the Notifications
Sign in with Google