ಈ ಗ್ರಾಮದಲ್ಲಿ ಯುವತಿಯರು ಮೊಬೈಲ್ ಬಳಸುವಂತಿಲ್ಲ!
ಬುಧವಾರ ಬಿಹಾರದ ಸೋಮಾಘರ್ ಪಂಚಾಯತ್ ಅವಿವಾಹಿತ ಹೆಣ್ಣು ಮಕ್ಕಳು ಮೊಬೈಲ್ ಬಳಸುವಂತಿಲ್ಲ ಎಂದು ಆದೇಶ ಹೊರಡಿಸಿದೆ. ಗ್ರಾಮದ 100 ಗ್ರಾಮಸ್ಥರ ಸಮ್ಮತಿ ಪಡೆದು, ಈ ಕುರಿತು ಆದೇಶ ಹೊರಡಿಸಿದೆ ಎಂದು ಪಂಚಾಯಿತಿಯವರು ಹೇಳಿದ್ದಾರೆ. ಆದೇಶದಂತೆ, ಸೋಮಾಘರ್ ಪ್ರದೇಶದಲ್ಲಿ ಮದುವೆಯಾಗದ ಹುಡುಗಿಯರು ಮೊಬೈಲ್ ಬಳಸುವಂತಿಲ್ಲ. [ಮಹಿಳೆ ಮೊಬೈಲ್ ಬಳಸಿದರೆ 10 ಸಾವಿರ ದಂಡ]
ಗ್ರಾಮ ಪಂಚಾಯಿತಿ ಆದೇಶವನ್ನು ಮೀರಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಯುವತಿಯರು ಮೊಬೈಲ್ ಬಳಕೆ ಮಾಡಿದರೆ, ಯುವತಿ ಮತ್ತು ಆಕೆಯ ಕುಟುಂಬಕ್ಕೆ ಕಠಿಣ ಶಿಕ್ಷೆ ವಿಧಿಸಲಾಗುವುದು ಎಂದು ಗ್ರಾಮ ಪಂಚಾಯಿತಿ ಎಚ್ಚರಿಕೆ ನೀಡಿದೆ. ಗ್ರಾಮದ ಎಲ್ಲಾ ಕುಟುಂಬದವರಿಗೂ ಪಂಚಾಯಿತಿಯ ಈ ಆದೇಶದ ಬಗ್ಗೆ ಮಾಹಿತಿ ರವಾನಿಸಲಾಗಿದೆ.
ಗ್ರಾಮ ಪಂಚಾಯತ್ ನೀಡಿದ ಈ ಆದೇಶಕ್ಕೆ ವ್ಯಾಪಕ ಆಕ್ರೋಶ ವ್ಯಕ್ತವಾಗಿದೆ. ಬಿಹಾರ ಪಂಚಾಯತ್ ರಾಜ್ ಸಚಿವ ಭೀಮ್ ಸಿಂಗ್ ಈ ಕುರಿತು ಪ್ರತಿಕ್ರಿಯೆ ನೀಡಿದ್ದು, ಹುಡುಗಿಯರು ಮೊಬೈಲ್ ಉಪಯೋಗಿಸುವುದನ್ನು ನಿಷೇಧಿಸುವ ಅಧಿಕಾರ ಗ್ರಾಮ ಪಂಚಾಯತಿಗೆ ಇಲ್ಲ, ಪಂಚಾಯಿತಿ ಕ್ರಮವನ್ನು ಖಂಡಿಸಿ ಗ್ರಾಮಸ್ಥರು ದೂರು ಸಲ್ಲಿಸಿದರೆ, ಸರ್ಕಾರ ಕ್ರಮ ಕೈಗೊಳ್ಳುತ್ತದೆ ಎಂದು ಭರವಸೆ ನೀಡಿದ್ದಾರೆ.
ಕೆಲವು ದಿನಗಳ ಹಿಂದೆ ಬಿಹಾರದ ಔರಂಗಾಬಾದ್ ನ ಜಿಲ್ಲಾ ಪಂಚಾಯತ್ ಶಾಲಾ ಮಕ್ಕಳು ಮೊಬೈಲ್ ಉಪಯೋಗಿಸಬಾರದು ಎಂದು ಕಿಶನ್ ಗಂಜ್ ಜಿಲ್ಲೆಯ ಕೊಚಾಧಾಮ್ ಬ್ಲಾಕಿನ ಸುಂದರ್ ಬಾಡಿ ಗ್ರಾಮ ಪಂಚಾಯಿತಿ ಆದೇಶ ಹೊರಡಿಸಿತ್ತು ಈ ಆದೇಶ ವಿವಾದಕ್ಕೆ ಕಾರಣವಾಗಿತ್ತು.
Click it and Unblock the Notifications
Sign in with Google