Bihar Assembly Election 2025: ಬಿಹಾರ ವಿಧಾನಸಭೆ ಚುನಾವಣೆ: ಬಿಜೆಪಿ & ಕಾಂಗ್ರೆಸ್ ಪಕ್ಷಗಳ ಪ್ರಮುಖ ಅಸ್ತ್ರ ಇದೇ !

Bihar Assembly Election 2025: ಬಿಹಾರ ವಿಧಾನಸಭೆ ಚುನಾವಣೆ 2025 ಭರ್ಜರಿಯಾಗಿ ನಡೆಯುತ್ತಿದೆ. ಈ ಬಾರಿಯ ಬಿಹಾರ ವಿಧಾನಸಭೆ ಚುನಾವಣೆಯಲ್ಲಿ ಎರಡು ವಿಚಾರಗಳು ಅತ್ಯಂತ ಪ್ರಮುಖವಾಗಿ ಚರ್ಚೆ ನಡೆದಿತ್ತು. ಅದರಲ್ಲಿ ಮುಖ್ಯವಾಗಿ ಜಾತಿ ಸಮೀಕ್ಷೆ ಹಾಗೂ ಗ್ಯಾರಂಟಿ ಯೋಜನೆಗಳು ಪ್ರಮುಖವಾಗಿವೆ. ಕರ್ನಾಟಕವೂ ಸೇರಿದಂತೆ ದೇಶದಾದ್ಯಂತ ಎರಡು ವಿಚಾರಗಳು ಭಾರೀ ಚರ್ಚೆಗೆ ಕಾರಣವಾಗಿದೆ. ಅದರಲ್ಲಿ ಮುಖ್ಯವಾಗಿ ಮತ್ತದೆ ಗ್ಯಾರಂಟಿ ಯೋಜನೆ ಹಾಗೂ ಜಾತಿ ಸಮೀಕ್ಷೆ ವಿಚಾರ ಸೇರಿದೆ. ದೇಶದಲ್ಲಿ ಜಾತಿ ಸಮೀಕ್ಷೆ ಹಾಗೂ ಜಾತಿ ಮೀಸಲಾತಿ ಹೆಚ್ಚು ಚರ್ಚೆ ಆಗುವುದಕ್ಕೆ ಬಿಹಾರವೂ ಒಂದು ಪ್ರಮುಖ ಕಾರಣ.

ಬಿಹಾರದಿಂದಲೇ ಜಾತಿ ಸಮೀಕ್ಷೆ ವಿಚಾರವು ದೇಶದಾದ್ಯಂತ ಭಾರೀ ಚರ್ಚೆಗೆ ಕಾರಣವಾಗಿತ್ತು. ಬಿಹಾರದಲ್ಲಿ ಅಹಿಂದ್ ಸಮುದಾಯದ ಸಂಖ್ಯೆ ದೊಡ್ಡದಾಗಿದೆ. ಬಿಹಾರ ಹಾಗೂ ಉತ್ತರ ಪ್ರದೇಶದಲ್ಲಿ ಜಾತಿ ವಿಚಾರವು ಚುನಾವಣೆ ಸಂದರ್ಭದಲ್ಲಿ ದೇಶದ ಉಳಿದೆಲ್ಲ ರಾಜ್ಯಗಳಿಗಿಂತಲೂ ಹೆಚ್ಚು ಮುನ್ನೆಲೆಯಲ್ಲೇ ಇರುತ್ತದೆ ಎಂದು ಹೇಳಬಹುದು. ಕಾಂಗ್ರೆಸ್ ಸರ್ಕಾರವು ಮೊದಲ ಬಾರಿ ಬಿಹಾರದಲ್ಲಿ ಜಾತಿ ಸಮೀಕ್ಷೆ ಹಾಗೂ ಶೈಕ್ಷಣಿಕ ಮತ್ತು ಸಾಮಾಜಿಕ ಸಮೀಕ್ಷೆ ನಡೆಯಬೇಕು ಎಂದು ಹಲವು ವರ್ಷಗಳ ಹಿಂದೆ ಪ್ರಸ್ತಾಪಿಸಿತ್ತು.

ಜಾತಿ ಸಮೀಕ್ಷೆಯನ್ನು ಕಾಂಗ್ರೆಸ್‌ ಆಡಳಿತವಿರುವ ಕರ್ನಾಟಕ ಹಾಗೂ ತೆಲಂಗಾಣದಲ್ಲಿ ನಡೆಸಿತ್ತು ಸಹ. ಜಾತಿ ಸಮೀಕ್ಷೆಯ ಪ್ರಭಾವ ಹಾಗೂ ಜನರು ಈ ಬಗ್ಗೆ ಚರ್ಚೆ ಮಾಡುತ್ತಿರುವುದು ಹಾಗೂ ಕೆಲವರ ಒಲವುಗಳನ್ನು ಸೂಕ್ಷ್ಮವಾಗಿ ಗಮನಿಸಿದ್ದ ಬಿಜೆಪಿ ದೇಶದಾದ್ಯಂತ ಜಾತಿ ಸಮೀಕ್ಷೆ ನಡೆಸುವುದಾಗಿ ಘೋಷಿಸಿತ್ತು. ಕೇಂದ್ರ ಸರ್ಕಾರವು ಮುಂಬರುವ ರಾಷ್ಟ್ರೀಯ ಜನಗಣತಿಯಲ್ಲಿ ಜಾತಿ ಸಮೀಕ್ಷೆಯನ್ನು ನಡೆಸಲು ನಿರ್ಧರಿಸಿದೆ. ಇದಕ್ಕೆ ಬಿಹಾರ ವಿಧಾನಸಭೆ ಚುನಾವಣೆ ಸಹ ಪ್ರಮುಖ ಕಾರಣವಾಗಿದೆ. ಜಾತಿ ಸಮೀಕ್ಷೆ ಗುದ್ದಾಟಕ್ಕೆ ಪರೋಕ್ಷವಾಗಿ ವೇದಿಕೆ ಸಿದ್ಧವಾಗಿದ್ದೇ ಬಿಹಾರದಲ್ಲಿ ಈ ಬಾರಿಯ ಕಾಂಗ್ರೆಸ್ ಚುನಾವಣೆ ಪ್ರಣಾಳಿಕೆಯಲ್ಲೂ ಈ ವಿಷಯ ಪ್ರಸ್ತಾಪಿಸಲಾಗಿದೆ.

2022ಕ್ಕೆ ಅನ್ವಯವಾಗುವಂತೆ ಹಿಂದುಳಿದ ವರ್ಗ (BCs) ಮತ್ತು ಅತ್ಯಂತ ಹಿಂದುಳಿದ ವರ್ಗಗಳು (EBCs) ಸೇರಿದಂತೆ ಇತರ ಹಿಂದುಳಿದ ವರ್ಗಗಳು (OBCs) ಜನಸಂಖ್ಯೆಯ 63.14% ರಷ್ಟಿದ್ದು, EBCs 36.01% ಮತ್ತು BCs 27.12% ರಷ್ಟಿದೆ. ಪರಿಶಿಷ್ಟ ಜಾತಿ ಸಮುದಾಯದ (SCs) ಜನಸಂಖ್ಯೆಯ 19.65% ರಷ್ಟಿದೆ. ಪರಿಶಿಷ್ಟ ಪಂಗಡಗಳು (STs) 1.68% ರಷ್ಟಿವೆ ಮತ್ತು ಉಳಿದ 15.52% ಸಾಮಾನ್ಯ ಜಾತಿ ವರ್ಗಕ್ಕೆ ಸೇರಿದವರು ಇದ್ದಾರೆ. ಅತಿದೊಡ್ಡ ಜಾತಿ ಅಥವಾ ಸಮುದಾಯವು ಯಾದವ ಸಮುದಾಯದವರಾಗಿದ್ದಾರೆ. ಇವರ ಒಟ್ಟು ಜನಸಂಖ್ಯೆಯ 14.26% ರಷ್ಟಿದೆ.

ಜಾತಿವಾರು ಜನಸಂಖ್ಯಾ ವಿವರ

ಇತರ ಹಿಂದುಳಿದ ವರ್ಗಗಳು (ಒಬಿಸಿ): 63.14%

ಅತ್ಯಂತ ಹಿಂದುಳಿದ ವರ್ಗಗಳು (ಇಬಿಸಿ): 36.01%

ಹಿಂದುಳಿದ ವರ್ಗಗಳು (ಬಿಸಿ): 27.12%

ಪರಿಶಿಷ್ಟ ಜಾತಿ (ಎಸ್‌ಸಿ): 19.65%

ಸಾಮಾನ್ಯ ಜಾತಿ: 15.52%

ಪರಿಶಿಷ್ಟ ಪಂಗಡಗಳು (ಎಸ್‌ಟಿ): 1.68%

ಜಾತಿ ಸಮೀಕ್ಷೆ ಅಸ್ತ್ರ: ಬಿಹಾರ ವಿಧಾನಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್ ಹಾಗೂ ಬಿಜೆಪಿ ಸೇರಿದಂತೆ ಈ ಎರಡೂ ಪಕ್ಷಗಳ ಮೈತ್ರಿ ಪಕ್ಷಗಳು ಸಹ ಜಾತಿ ಅಸ್ತ್ರವನ್ನು ಪ್ರಯೋಗಿಸಿವೆ. ದೇಶದಲ್ಲಿ ಚುನಾವಣೆ ಸಮಯಗಳಲ್ಲಿ ಜಾತಿ ವಿಚಾರ ಹೆಚ್ಚು ಪ್ರಭಾವ ಬೀರುವುದು ಹೊಸ ವಿಚಾರವಾಗಿ ಉಳಿದಿಲ್ಲ. ಆದರೆ, ಈ ಬಾರಿ ಜಾತಿ ಸಮೀಕ್ಷೆಯೂ ಹೆಚ್ಚು ಸದ್ದು ಮಾಡಿದೆ.

English summary

Bihar Assembly Election 2025: Caste Survey Emerges as the Key Weapon for BJP and Congress. Bihar Assembly Election 2025.