Tirupati Tirumala: ತಿರುಮಲಕ್ಕೆ ಹೋಗುವ ಭಕ್ತರಿಗೆ ಬಿಗ್ ಅಲರ್ಟ್... ಘಾಟ್ ರಸ್ತೆಗಳಲ್ಲಿ ನಿರ್ಬಂಧ!
ಮಿಚುವಾಂಗ್ ಚಂಡಮಾರುತದ ಪ್ರಭಾವದಿಂದ ತಿರುಮಲದಲ್ಲಿ ಮಳೆ ಹಾಗೂ ಮಂಜಿನಿಂದಾಗಿ ಭಕ್ತರಿಗೆ ನಾನಾ ಸಮಸ್ಯೆಗಳು ಎದುರಾಗುತ್ತಿವೆ. ಬೆಟ್ಟದ ಅತಿಥಿ ಗೃಹಗಳು, ಎರಡು ಘಾಟ್ ರಸ್ತೆಗಳು, ಪಾಪವಿನಾಶನಂ ಆಣೆಗಕಟ್ಟು ರಸ್ತೆ ಮತ್ತು ಶ್ರೀವಾರಿ ಮೆಟ್ಟಿಲು ಮಾರ್ಗದಲ್ಲಿ ಬೃಹತ್ ಮರಗಳು ಬಿದ್ದಿದ್ದರಿಂದ ಕೆಲಕಾಲ ಸಂಚಾರ ಅಸ್ತವ್ಯಸ್ತಗೊಂಡಿತ್ತು.
ಹೀಗಾಗಿ ಪಾಪವಿನಾಶನಂ, ಶ್ರೀವಾರಿ ಮೆಟ್ಟಿಲುಮಾರ್ಗ, ಕಪಿಲತೀರ್ಥ ಮತ್ತು ಜಪಾಲಿ ಮಾರ್ಗಗಳನ್ನು ಟಿಟಿಡಿ ಮುಚ್ಚಿದೆ. ಜೊತೆಗೆ ಘಾಟ್ರೋಡ್ಗಳಲ್ಲಿ ದ್ವಿಚಕ್ರ ವಾಹನಗಳಿಗೆ ನಿರ್ಬಂಧ ಹೇರಲಾಗಿದೆ. ಅಲ್ಲದೆ ತಿರುಮಲದ ಜಲಾಶಯಗಳು ಪೂರ್ಣ ಪ್ರಮಾಣದ ನೀರಿನ ಮಟ್ಟವನ್ನು ತಲುಪಿವೆ. ಹೀಗಾಗಿ ಆಯಾ ಪ್ರದೇಶಗಳಿಗೆ ಭೇಟಿ ನೀಡದಂತೆ ಟಿಟಿಡಿ ಸೂಚನೆ ನೀಡಿದೆ.
ಮತ್ತೊಂದೆಡೆ ಚಂಡಮಾರುತದಿಂದ ಪ್ರಸ್ತುತ ಮಳೆಯಿಂದಾಗಿ ಎರಡು ಘಾಟ್ ರಸ್ತೆಗಳು ಮಂಜು ಮತ್ತು ಹಿಮದಿಂದ ಆವೃತವಾಗಿವೆ. ಇದರಿಂದ ವಾಹನ ಸಂಚಾರಕ್ಕೆ ಅಡ್ಡಿಯಾಗುತ್ತಿದೆ. ಅಲ್ಲದೆ ಎದುರಿಗೆ ಬರುವ ವಾಹನಗಳನ್ನು ಸರಿಯಾಗಿ ನೋಡಲಾಗದೆ ಬೈಕ್ ಸವಾರರು ತೊಂದರೆ ಅನುಭವಿಸುತ್ತಿದ್ದಾರೆ. ಇದರಿಂದಾಗಿ ವಾಹನಗಳು ಅಪಘಾತಕ್ಕೀಡಾಗುವ ಸಾಧ್ಯತೆ ಇದೆ ಎಂದು ಟಿಟಿಡಿ ಹೇಳಿದೆ.
ಮಳೆ ಕಡಿಮೆಯಾಗಿ ಸಹಜ ಸ್ಥಿತಿಗೆ ಬರುವವರೆಗೆ ಎರಡು ಘಾಟ್ ರಸ್ತೆಗಳಲ್ಲಿ ಬೆಳಿಗ್ಗೆ 6 ರಿಂದ ರಾತ್ರಿ 8 ರವರೆಗೆ ಮಾತ್ರ ಬೈಕ್ಗಳಿಗೆ ಅವಕಾಶ ನೀಡಲಾಗುವುದು ಎಂದು ಟಿಟಿಡಿ ತಿಳಿಸಿದೆ. ಆದ್ದರಿಂದ ಭಕ್ತರು ಈ ಬದಲಾವಣೆಯನ್ನು ಗಮನಿಸಿ ಟಿಟಿಡಿಗೆ ಸಹಕರಿಸಬೇಕಾಗಿ ವಿನಂತಿಸಲಾಗಿದೆ.
ಜೆಇಒ ವೀರಬ್ರಹ್ಮ ನೇತೃತ್ವದಲ್ಲಿ ಘಾಟಿ ರಸ್ತೆಗಳಲ್ಲಿ ತಪಾಸಣೆ ನಡೆಸಲಾಗಿದೆ. ಮಳೆಯಿಂದಾಗಿ ಎರಡು ಘಾಟ್ ರಸ್ತೆಗಳಲ್ಲಿ ಭಕ್ತರಿಗೆ ಯಾವುದೇ ತೊಂದರೆಯಾಗದಂತೆ ಜೆಇಒ ವೀರಬ್ರಹ್ಮ ಅಧಿಕಾರಿಗಳೊಂದಿಗೆ ಘಾಟ್ ರಸ್ತೆಗಳನ್ನು ಪರಿಶೀಲಿಸಿದರು. ಈ ಸಂದರ್ಭದಲ್ಲಿ ಇಂಜಿನಿಯರಿಂಗ್, ಅರಣ್ಯ, ಭದ್ರತಾ ಮತ್ತಿತರ ಇಲಾಖೆಗಳ ಅಧಿಕಾರಿಗಳು ಹಾಗೂ ಸಿಬ್ಬಂದಿಗೆ ಎಚ್ಚರಿಕೆ ವಹಿಸುವಂತೆ ಆದೇಶಿಸಿದರು. ಜೊತೆಗೆ ಭಕ್ತರಿಗೂ ಎಚ್ಚರಿಕೆ ವಹಿಸುವಂತೆ ಸೂಚಿಸಲಾಗಿದೆ.
ನಾಲ್ಕು ದಿನಗಳಿಂದ ಎಡೆಬಿಡದೆ ಸುರಿಯುತ್ತಿರುವ ಮಳೆಯಿಂದಾಗಿ ತಿರುಮಲದ ಐದು ಪ್ರಮುಖ ಜಲಾಶಯಗಳು ಸಂಪೂರ್ಣ ಭರ್ತಿಯಾಗಿವೆ. ಪಾಪವಿನಾಶನ, ಆಕಾಶಗಂಗಾ, ಗೋಗರ್ಭಂ, ಕುಮಾರಧಾರ ಮತ್ತು ಕುಮಲಧಾರ ತಿರುಮಲದ ಪ್ರಮುಖ ನೀರಿನ ಮೂಲಗಳಾಗಿವೆ. ತಿರುಮಲದಲ್ಲಿ ಕೇವಲ 24 ಗಂಟೆಗಳಲ್ಲಿ 100 ಮಿಮೀ ಮಳೆ ದಾಖಲಾಗಿದೆ. ಸೋಮವಾರ ಬೆಳಗ್ಗೆ 8 ಗಂಟೆ ವೇಳೆಗೆ ಎಲ್ಲ ಐದು ಜಲಾಶಯಗಳಲ್ಲಿ ನೀರಿನ ಮಟ್ಟ ಪೂರ್ಣ ಮಟ್ಟಕ್ಕೆ ತಲುಪಿದೆ. ಈ ನೀರಿನ ಮಟ್ಟವು ತಿರುಮಲದ ಸುಮಾರು 250 ದಿನಗಳ ಕುಡಿಯುವ ನೀರಿನ ಅಗತ್ಯಗಳಿಗೆ ಸಾಕಾಗುತ್ತದೆ.
ನೀರಿನ ಮಟ್ಟದ ವಿವರ ಈ ಕೆಳಗಿನಂತಿದೆ.
1) ಪಾಪವಿನಾಶನ ಅಣೆಕಟ್ಟು :- 693.60 ಮೀ.
FRL :- 697.14 ಮೀ.
2) ಗೋಗರ್ಭಮ ಅಣೆಕಟ್ಟು :- 2887
FRL :- 2894
3) ಆಕಾಶಗಂಗಾ ಅಣೆಕಟ್ಟು :- 859.80ಮೀ
FRL :- 865.00ಮೀ
4) ಕುಮಾರಧಾರ ಅಣೆಕಟ್ಟು :- 896.20ಮೀ
FRL :- 898.24ಮೀ
ಕಳೆದ ಕೆಲ ದಿನಗಳಿಂದ ಚೆನ್ನೈ ಸೇರಿದಂತೆ ಹಲವೆಡೆ ಭಾರೀ ಮಳೆಯಾಗುತ್ತಿದ್ದು ತಿರುಪತಿಯಲ್ಲೂ ವರುಣ ಅರ್ಭಟಿಸುತ್ತಿದ್ದಾನೆ. ಕೆಲ ದಿನಗಳಿಂದ ಮೋಡ ಕವಿದ ವಾತಾವರಣವಿದ್ದು ಬೆಟ್ಟಗಳಲ್ಲಿ ಮಂಜು ಆವರಿಸಿದೆ. ತಿರುಪತಿಯಲ್ಲಿ ಕತ್ತಲಾದಂತೆ ಮೋಡ ಕವಿದಿದ್ದು ಇಂದೂ ಕೂಡ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹವಮಾನ ಇಲಾಖೆ ಮಾಹಿತಿ ನೀಡಿದೆ.
Click it and Unblock the Notifications
Sign in with Google