Bharat Jodo Yatra: ಭಾರತ್ ಜೋಡೋ ಯಾತ್ರೆ ಬಳಿಕ ಕಾಂಗ್ರೆಸ್ ಮುಂದಿನ ನಡೆ ಏನು?
ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ನೇತೃತ್ವದ ಭಾರತ್ ಜೋಡೋ ಯಾತ್ರೆ ತನ್ನ ಗುರಿಯನ್ನು ಮುಟ್ಟಿದಿಯೇ? ಕಾಂಗ್ರೆಸ್ ಮುಂದಿನ ನಡೆ ಏನು?
ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿಯವರ ನೇತೃತ್ವದ ಭಾರತ್ ಜೋಡೋ ಯಾತ್ರೆ ದಕ್ಷಿಣ-ಉತ್ತರ ಮಾರ್ಗದಲ್ಲಿ ಸುಮಾರು ಹನ್ನೆರಡು ರಾಜ್ಯಗಳಾದ್ಯಂತ 4,000 ಕಿ.ಮೀವರೆಗೆ ಯಶಸ್ವಿಯಾಗಿ ಕ್ರಮಿಸಿದೆ. ಸೆಪ್ಟೆಂಬರ್ನಲ್ಲಿ ಕನ್ಯಾಕುಮಾರಿಯಿಂದ ಆರಂಭವಾದ ಪಾದಯಾತ್ರೆ ಭಾನುವಾರ ಶ್ರೀನಗರದ ಲಾಲ್ ಚೌಕ್ನಲ್ಲಿ ರಾಹುಲ್ ಗಾಂಧಿ ಧ್ವಜಾರೋಹಣ ಮಾಡುವ ಮೂಲಕ ಕೊನೆಗೊಂಡಿತು.
ಕಾಂಗ್ರೆಸ್ ಹೇಳುವಂತೆ ದೇಶವನ್ನು ಒಂದುಗೂಡಿಸುವುದು ಈ ಸಾಮೂಹಿಕ ಸಂಪರ್ಕ ಕಾರ್ಯಕ್ರಮದ ಉದ್ದೇಶವಾಗಿತ್ತು. ಮತ್ತೊಂದೆಡೆ ರಾಹುಲ್ ಗಾಂಧಿಯನ್ನು ಮರುಬ್ರಾಂಡ್ ಮಾಡುವುದು ಮತ್ತು ಕೊನೆಗೊಳ್ಳದ ಚುನಾವಣಾ ಸೋಲುಗಳು ಹಾಗೂ ಉನ್ನತ ನಾಯಕರ ರಾಜೀನಾಮೆಗಳಿಂದ ಖಿನ್ನತೆಗೆ ಒಳಗಾದ ಕಾಂಗ್ರೆಸ್ ಕಾರ್ಯಕರ್ತರನ್ನು ಹುರಿದುಂಬಿಸುವುದು ಇದರ ಉದ್ದೇಶವಾಗಿತ್ತು. ಹಾಗಾದರೆ ಭಾರತ್ ಜೋಡೋ ಯಾತ್ರೆಯ ಗುರಿಯನ್ನು ಕಾಂಗ್ರೆಸ್ ಮುಟ್ಟಿದಿಯೇ? ಕಾಂಗ್ರೆಸ್ ಮುಂದಿನ ನಡೆ ಏನು ಎನ್ನುವ ಹಲವಾರು ಪ್ರಶ್ನೆಗಳು ಸದ್ಯ ಹುಟ್ಟಿಕೊಂಡಿವೆ.
ಯಾತ್ರೆಯ ಗುರಿ ಸಾಧಿಸಲಾಗಿದೆಯೇ?
ದೇಶದಲ್ಲಿ ಆರ್ಥಿಕ ಅಸಮಾನತೆಗಳು ಮತ್ತು ಧಾರ್ಮಿಕ ಧ್ರುವೀಕರಣದ ವಿರುದ್ಧದ ಹೋರಾಟಗಳು ದಶಕಗಳಿಂದ ನಡೆಯುತ್ತಿವೆ. ದೇಶದಲ್ಲಿ ಹಿಂದೂ-ಮುಸ್ಲಿಂರನ್ನು ನೋಡುವ ರೀತಿ ಮತ್ತು ಶ್ರೀಮಂತ-ಬಡವರ ಪ್ರಮಾಣ ವಿಭಿನ್ನವಾಗಿದೆ. ಆದರೆ ಈ ಬಗ್ಗೆ ಯಾರೂ ಗಂಭೀರವಾಗಿ ಪರಿಗಣನೆಗೆ ತೆಗೆದುಕೊಳ್ಳುತ್ತಿಲ್ಲ ಎನ್ನುವುದು ಕಾಂಗ್ರೆಸ್ ಆರೋಪ. ಹೀಗಾಗಿ ಹಲವಾರು ಉದ್ದೇಶಗಳನ್ನಿಟ್ಟುಕೊಂಡು ಕಾಂಗ್ರೆಸ್ ಯಾತ್ರೆಯನ್ನು ಆರಂಭಿಸಿತು.
ಕೇರಳ, ತಮಿಳುನಾಡು, ತೆಲಂಗಾಣ, ಮಧ್ಯಪ್ರದೇಶ, ಉತ್ತರ ಪ್ರದೇಶ, ದೆಹಲಿ ಮತ್ತು ಪಂಜಾಬ್ನಂತಹ ರಾಜ್ಯಗಳ ಮೂಲಕ ಸಾಗಿದ ಈ ಯಾತ್ರೆಯು ತನ್ನ ಅವಳಿ ರಾಜಕೀಯ ಗುರಿಗಳ ಮೂಲಕ ಕಾಂಗ್ರೆಸ್ನ ಚುನಾವಣಾ ಭವಿಷ್ಯವನ್ನು ಬದಲಾಯಿಸುತ್ತದೆ ಎಂಬುದು ಕಲ್ಪನೆಯಾಗಿತ್ತು. ಮತ್ತು ಇದು ಸಂಭವಿಸುತ್ತದೆಯೋ ಇಲ್ಲವೋ ಎಂಬುದು ಫೆಬ್ರವರಿಯಲ್ಲಿ 2023 ರ ಒಂಬತ್ತು ರಾಜ್ಯಗಳ ಚುನಾವಣೆಗಳು ಪ್ರಾರಂಭವಾದಾಗ ಮಾತ್ರ ತಿಳಿಯುತ್ತದೆ. ಈ ವರ್ಷ ನಡೆಯುವ ಚುನಾವಣೆ ಫಲಿತಾಂಶದಲ್ಲಿ ಕಾಂಗ್ರೆಸ್ ಯಾತ್ರೆ ಎಷ್ಟು ಯಶಸ್ವಿಯಾಗಿದೆ ಎನ್ನುವ ಬಗ್ಗೆ ತಿಳಿಯುತ್ತದೆ. ಆದರೂ ಪ್ರಧಾನಿ ನರೇಂದ್ರ ಮೋದಿ ಈ ಬಾರಿಯೂ ಸೋಲೊಪ್ಪಿಕೊಳ್ಳುವಂತೆ ಕಾಣಿಸುತ್ತಿಲ್ಲ.
2023ರಲ್ಲಿ ಬಿಜೆಪಿಯನ್ನು ಎದುರಿಸಲು ವಿರೋಧ ಪಕ್ಷದ ಮುಂಚೂಣಿಯಲ್ಲಿರಲು ಕಾಂಗ್ರೆಸ್ ಬಯಸುತ್ತದೆ. ಆದರೆ ಇದು ಸಾಧ್ಯವಿದಿಯೇ? ಮುಂಬರುವ ಚುನಾವಣೆಗಳು ಸಾಧ್ಯತೆಗಳನ್ನು ಬದಲಾಯಿಸಬಹುದು ಅಥವಾ ಬದಲಾಯಿಸದೇ ಇರಬಹುದು. ಆದರೆ ಈ ಕ್ಷಣದಲ್ಲಿ ಆ ನಾಯಕತ್ವದ ಪಾತ್ರಕ್ಕಾಗಿ ಪಕ್ಷ ಹೆಣಗಾಡಬಹುದು.
ಅನೇಕ ವಿರೋಧ ಪಕ್ಷಗಳು ಕಾಂಗ್ರೆಸ್ನ ಜೊತೆ ಒಗ್ಗೂಡುತ್ತಾ?
ಅರವಿಂದ್ ಕೇಜ್ರಿವಾಲ್ ಅವರ ಆಮ್ ಆದ್ಮಿ ಪಕ್ಷ (ಎಎಪಿ) ಲೋಕಸಭಾ ಸಂಸದರನ್ನು ಹೊಂದಿದೆ. ಇದು ರಾಜ್ಯಗಳಲ್ಲಿ ತನ್ನ ಹೆಜ್ಜೆಗುರುತನ್ನು ವಿಸ್ತರಿಸುತ್ತಿರುವ ಏಕೈಕ ಬಿಜೆಪಿ ವಿರೋಧಿ ಪಕ್ಷವಾಗಿದೆ. ಕೇಜ್ರಿವಾಲ್ ಅವರು ಪ್ರಧಾನಿ ಮೋದಿಯವರ ಪರ್ಯಾಯ ಎಂದು ಬಿಂಬಿಸಿಕೊಂಡಿದ್ದಾರೆ. ಆದರೆ ಕಾಂಗ್ರೆಸ್ ಮತ್ತು ಎಎಪಿ ಎರಡೂ ಉತ್ತಮ ಕಾರ್ಯ ಸಂಬಂಧವನ್ನು ಹೊಂದಿಲ್ಲ.
ಮತ್ತೊಬ್ಬ ಪ್ರಧಾನಿ ಆಕಾಂಕ್ಷಿ ಎಂದು ಪರಿಗಣಿಸಲ್ಪಟ್ಟಿರುವ ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಮತ್ತು ಟಿಎಂಸಿ ನಾಯಕಿ ಮಮತಾ ಬ್ಯಾನರ್ಜಿ ಅವರೊಂದಿಗೆ ಪಕ್ಷ ಉತ್ತಮ ಸಂಬಂಧವನ್ನು ಹೊಂದಿಲ್ಲ. ಬಿಹಾರ ಮುಖ್ಯಮಂತ್ರಿ ನಿತೀಶ್ ಕುಮಾರ್ ಮತ್ತು ಅವರ ತೆಲಂಗಾಣ ಸಹವರ್ತಿ ಕೆ ಚಂದ್ರಶೇಖರ ರಾವ್ (ಕೆಸಿಆರ್) ಓಟದಲ್ಲಿ ಕಂಡುಬಂದರು.
ಬಿಹಾರದಲ್ಲಿ ಕಾಂಗ್ರೆಸ್ ಮಿತ್ರ ಪಕ್ಷವಾಗಿದ್ದರೂ, ನಿತೀಶ್ ಯಾತ್ರೆಗೆ ಸೇರಲಿಲ್ಲ. ಅವರು ಕೆಸಿಆರ್ ಅವರ ವಿರೋಧ ಪಕ್ಷದ ಏಕತಾ ರ್ಯಾಲಿಯನ್ನು ಸಹ ಬಿಟ್ಟುಬಿಟ್ಟರು. ಬಿಹಾರದ ಮತ್ತೊಂದು ಕಾಂಗ್ರೆಸ್ ಮಿತ್ರಪಕ್ಷವಾದ ಆರ್ಜೆಡಿ ಕೂಡ ರಾಹುಲ್ ಅವರ ಲಾಂಗ್ ಮಾರ್ಚ್ನಿಂದ ದೂರ ಉಳಿದಿದೆ.
ಸೋಮವಾರ ಶ್ರೀನಗರದಲ್ಲಿ ಕಾಂಗ್ರೆಸ್ ರ್ಯಾಲಿ ನಡೆಯಿತು. ಪ್ರತಿಪಕ್ಷಗಳ ಒಗ್ಗಟ್ಟಿನ ಪ್ರದರ್ಶನ ಎಂದು ನಿರೀಕ್ಷಿಸಲಾದ 24 ಸಮಾನ ಮನಸ್ಕ ಪಕ್ಷಗಳ ನಾಯಕರನ್ನು ಅದು ಆಹ್ವಾನಿಸಿತ್ತು. ಆದರೆ ಹಲವಾರು ನಾಯಕರು ಕಾಣಿಸಿಕೊಳ್ಳಲು ತಮ್ಮ ಅಸಮರ್ಥತೆಯನ್ನು ವ್ಯಕ್ತಪಡಿಸಿದ್ದಾರೆ.
ಅದರಲ್ಲಿ ಜೆಡಿಎಸ್ನ ಮಾಜಿ ಪ್ರಧಾನಿ ಎಚ್ಡಿ ದೇವೇಗೌಡರೂ ಒಬ್ಬರು. ನಿತೀಶ್ ಕೂಡ ಹಾಜರಾಗಿಲ್ಲ. ಹಾಗೆಯೇ ಆರ್ಜೆಡಿ, ಎಸ್ಪಿ, ಸಿಪಿಎಂ ಮತ್ತು ಎನ್ಸಿಪಿ ಕೂಡ ಯಾತ್ರೆಯ ಸಮಾರಂಭದಲ್ಲಿ ಭಾಗಿಯಾಗಿಲ್ಲ.
ಕಾಂಗ್ರೆಸ್ ವಿರುದ್ಧ ಅಸಮಧಾನ
ಕಾಂಗ್ರೆಸ್ ಎಎಪಿ ಮತ್ತು ಕೆಸಿಆರ್ ಅವರ ಬಿಆರ್ಎಸ್ ಅನ್ನು ಸಹ ಆಹ್ವಾನಿಸಲಿಲ್ಲ. ಒಡಿಶಾ ಮತ್ತು ಆಂಧ್ರಪ್ರದೇಶದ ಆಡಳಿತ ಪಕ್ಷಗಳಾದ ಬಿಜೆಡಿ ಮತ್ತು ವೈಎಸ್ಆರ್ಸಿಪಿಗೆ ಯಾವುದೇ ಆಹ್ವಾನವೂ ಹೋಗಲಿಲ್ಲ, ಅವು ತಟಸ್ಥ ಸ್ಥಾನವನ್ನು ಅಳವಡಿಸಿಕೊಂಡಿವೆ ಆದರೆ ಇವರು ಬಿಕ್ಕಟ್ಟಿನ ಸಂದರ್ಭಗಳಲ್ಲಿ ಕೇಂದ್ರದಲ್ಲಿ ಬಿಜೆಪಿ ನೇತೃತ್ವದ ಎನ್ಡಿಎಗೆ ಸಹಾಯ ಮಾಡುವ ಸಾಧ್ಯತೆ ಇದೆ. ಶ್ರೀನಗರ ಗಾಲಾದಲ್ಲಿ ಪ್ರತಿನಿಧಿಸುವ ಪಕ್ಷಗಳಲ್ಲಿ ಕಾಂಗ್ರೆಸ್ನ ತಮಿಳುನಾಡು ಮಿತ್ರ ಪಕ್ಷ, DMK, ಎರಡು ಕಾಶ್ಮೀರಿ ಪಕ್ಷಗಳು, NC ಮತ್ತು PDP, ಅದರ ಜಾರ್ಖಂಡ್ ಪಾಲುದಾರ, JMM ಮತ್ತು CPI ಸೇರಿವೆ.
ಚುನಾವಣೆಗಳತ್ತ ಕಾಂಗ್ರೆಸ್ ಗಮನ
ಹಾಗಾದ್ರೆ ಛಿದ್ರಗೊಂಡ ಕಾಂಗ್ರೆಸ್ ಮುಂಬರುವ ಚುನಾವಣೆಯಲ್ಲಿ ತನ್ನ ಸ್ಥಾನ ಭದ್ರಪಡಿಸಿಕೊಳ್ಳುತ್ತದೆಯೋ ಇಲ್ಲವೆ ಎನ್ನುವ ಬಗ್ಗೆ ಯಾವುದೇ ಅನುಮಾನಗಳು ಇಲ್ಲ ಎನ್ನಲಾಗದು. ಯಾತ್ರೆಯಿಂದ ಮತ್ತೆ ಜನರಲ್ಲಿ ಭರವಸೆ ಮೂಡಿಸಿದ ಕಾಂಗ್ರೆಸ್ ಮತ್ತೆ ಗೆಲುವಿನ ಹಾದಿ ಹಿಡಿದರೂ ಆಶ್ಚರ್ಯವಿಲ್ಲ. ಆದರೆ ಪಕ್ಷ ಸಂಘಟನೆಯನ್ನು ಪುನರ್ ನಿರ್ಮಿಸುವುದು ಯಾತ್ರೆಯಿಂದ ಕಾಂಗ್ರೆಸ್ ಸಾಧಿಸದ ಕೆಲಸ.ಮತದಾರರನ್ನು ಮರಳಿ ಗೆಲ್ಲಲು, ಅದು ವಿಶ್ವಾಸಾರ್ಹ ದೃಷ್ಟಿಯೊಂದಿಗೆ ಬರಬೇಕು. ಬಿಜೆಪಿ ಏನು ಮಾಡಿದೆ? ಏನು ಮಾಡಬೇಕಿತ್ತು? ಕಾಂಗ್ರೆಸ್ನ ಮುಂದಿನ ನಿಲುವುಗಳೇನು? ಎನ್ನುವ ದೃಢವಾದ ಮಾಹಿತಿಯನ್ನು ಕಾಂಗ್ರೆಸ್ ಜನಸಾಮಾನ್ಯರಿಗೆ ಮುಟ್ಟಿಸುವ ಅಗತ್ಯವಿದೆ. ಭಾರತ್ ಜೋಡೋ ಯಾತ್ರೆಯ ನಂತರ ಕಾಂಗ್ರೆಸ್ನ ಮುಂದಿನ ನಡೆ ಏನು ಎನ್ನುವ ಬಗ್ಗೆ ಕಾಂಗ್ರೆಸ್ ಈ ವರೆಗೂ ಸ್ಪಷ್ಟ ನಿಲುವನ್ನು ಹೊಂದಿಲ್ಲ. ಆದರೆ ಮುಂಬರುವ ಚುನಾವಣೆಗಳನ್ನು ಗಂಭೀರವಾಗಿ ತೆಗೆದುಕೊಳ್ಳುವ ಸಾಧ್ಯತೆ ಇದೆ. ಬಿಜೆಪಿಯನ್ನು ಸೋಲಿಸಲು ಕಾಂಗ್ರೆಸ್ ಹಲವಾರು ತಂತ್ರಗಳನ್ನು ರೂಪಿಸುವ ಲಕ್ಷಣಗಳು ದಟ್ಟವಾಗಿವೆ.
Click it and Unblock the Notifications
Sign in with Google