ಇಂದು ದೆಹಲಿ ತಲುಪಲಿರುವ ಭಾರತ್ ಜೋಡೋ ಯಾತ್ರೆ: ಪೊಲೀಸರಿಂದ ಸಂಚಾರ ಸಲಹೆ

Updated: Saturday, December 24, 2022, 7:41 [IST]

ನವದೆಹಲಿ ಡಿಸೆಂಬರ್ 24: ಕಾಂಗ್ರೆಸ್‌ನ 'ಭಾರತ್ ಜೋಡೋ ಯಾತ್ರೆ' ಶನಿವಾರ ರಾಷ್ಟ್ರ ರಾಜಧಾನಿ ದೆಹಲಿಯನ್ನು ಪ್ರವೇಶಿಸಲಿದೆ. ರಾಹುಲ್ ಗಾಂಧಿ ನೇತೃತ್ವದಲ್ಲಿ 107 ದಿನಗಳ ಕಾಲ ನಡೆದ 'ಭಾರತ್ ಜೋಡೋ ಯಾತ್ರೆ' ಇಂದು ದೆಹಲಿಗೆ ಬರುತ್ತಿದೆ. ಕಾಂಗ್ರೆಸ್‌ನ 'ಭಾರತ್ ಜೋಡೋ ಯಾತ್ರೆ'ಯನ್ನು ಗಮನದಲ್ಲಿಟ್ಟುಕೊಂಡು ದೆಹಲಿ ಟ್ರಾಫಿಕ್ ಪೊಲೀಸರು ಸಂಚಾರ ಸಲಹೆಯನ್ನು ನೀಡಿದ್ದಾರೆ. ಇಂದು ದೆಹಲಿಯಲ್ಲಿ ಭಾರೀ ದಟ್ಟಣೆಯ ನಿರೀಕ್ಷೆಯಿದೆ ಎಂದು ದೆಹಲಿ ಪೊಲೀಸರು ತಿಳಿಸಿದ್ದಾರೆ. ಟ್ರಾಫಿಕ್ ಸಲಹೆಯಲ್ಲಿ ದೆಹಲಿ ಪೊಲೀಸರು ಯಾವ ಮಾರ್ಗಗಳು ಮತ್ತು ಪ್ರಯಾಣಿಕರು ಯಾವ ಮಾರ್ಗಗಳಲ್ಲಿ ಹೋಗಬೇಕು, ಎಲ್ಲಿ ಹೆಚ್ಚು ಜಾಮ್ ಆಗಬಹುದು ಎಂದು ತಿಳಿಸಿದ್ದಾರೆ.

ಬಾದರ್‌ಪುರ ಗಡಿಯಿಂದ ಕೆಂಪು ಕೋಟೆಗೆ ಪ್ರಯಾಣಿಸುವುದನ್ನು ತಪ್ಪಿಸಿ ಮತ್ತು ಸಾರ್ವಜನಿಕ ಸಾರಿಗೆಯನ್ನು ಹೆಚ್ಚು ಬಳಸುವಂತೆ ದೆಹಲಿ ಸಂಚಾರ ಪೊಲೀಸರು ಪ್ರಯಾಣಿಕರಿಗೆ ಸಲಹೆ ನೀಡಿದ್ದಾರೆ. 24 ಡಿಸೆಂಬರ್ 2022 ರಂದು ದೆಹಲಿಯಲ್ಲಿ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್‌ನ ಭಾರತ್ ಜೋಡೋ ಯಾತ್ರೆಯ ದೃಷ್ಟಿಯಿಂದ ವಿವಿಧ ಮಾರ್ಗಗಳಲ್ಲಿ ಸಂಚಾರವನ್ನು ಬದಲಾಯಿಸಲಾಗಿದೆ ಎಂದು ದೆಹಲಿ ಸಂಚಾರ ಪೊಲೀಸರು ತಿಳಿಸಿದ್ದಾರೆ. ನಾಗರಿಕರು ಪೀಡಿತ ರಸ್ತೆಗಳಲ್ಲಿ ಚಲಿಸುವುದನ್ನು ತಪ್ಪಿಸಬೇಕು ಮತ್ತು ಸಾಧ್ಯವಾದಷ್ಟು ಸಾರ್ವಜನಿಕ ಸಾರಿಗೆಯನ್ನು ಬಳಸಬೇಕೆಂದು ವಿನಂತಿಸಲಾಗಿದೆ.

ಬಾದರ್‌ಪುರ ಗಡಿಯಿಂದ ದೆಹಲಿ ಪ್ರವೇಶಿಸಲಿರುವ ಯಾತ್ರೆ
ರಾಹುಲ್ ಗಾಂಧಿ ನೇತೃತ್ವದಲ್ಲಿ ಕಾಂಗ್ರೆಸ್‌ನ ಭಾರತ್ ಜೋಡೋ ಯಾತ್ರೆ ಶನಿವಾರ ಬೆಳಗ್ಗೆ 6 ಗಂಟೆಗೆ ಬದರ್‌ಪುರ ಗಡಿಯಿಂದ ದೆಹಲಿ ಪ್ರವೇಶಿಸಲಿದೆ. ಭಾರತ್ ಜೋಡೋ ಯಾತ್ರೆಯ ಜನರು ಮಥುರಾ ರಸ್ತೆಯ ಮೂಲಕ ಆಶ್ರಮದ ಕಡೆಗೆ ನಡೆದು ಜಾಕಿರ್ ಹುಸೇನ್ ಮಾರ್ಗ, ಇಂಡಿಯಾ ಗೇಟ್, ತಿಲಕ್ ಮಾರ್ಗ, ಐಟಿಒ ಮತ್ತು ಕೆಂಪು ಕೋಟೆಯವರೆಗೆ ಹೋಗುತ್ತಾರೆ. ಇದಾದ ನಂತರ ಕಾಂಗ್ರೆಸ್ ಮುಖಂಡರ ಗುಂಪು ಕೆಂಪುಕೋಟೆಯಿಂದ ನೇತಾಜಿ ಸುಭಾಷ್ ಮಾರ್ಗದ ಮೂಲಕ ರಾಜ್‌ಘಾಟ್‌ಗೆ ಪಾದಯಾತ್ರೆ ನಡೆಸಿ ರಾಷ್ಟ್ರೀಯ ನಾಯಕರಿಗೆ ನಮನ ಸಲ್ಲಿಸಲಿದೆ. ಸಂಜೆ 4.30ರ ಸುಮಾರಿಗೆ ನಾಯಕರು ರಾಜ್‌ಘಾಟ್‌ ತಲುಪುವ ನಿರೀಕ್ಷೆಯಿದೆ. ದೆಹಲಿಯ ವಿವಿಧ ಭಾಗಗಳಿಂದ ಸುಮಾರು 40,000 ಜನರು ಭಾರತ್ ಜೋಡೋ ಯಾತ್ರೆಗೆ ಸೇರಬಹುದು ಎಂದು ದೆಹಲಿ ಕಾಂಗ್ರೆಸ್‌ನ ಸಂವಹನ ವಿಭಾಗದ ಅಧ್ಯಕ್ಷ ಅನಿಲ್ ಭಾರದ್ವಾಜ್ ಹೇಳಿದ್ದಾರೆ.

यातायात निर्देशिका
दिनांक 24 दिसंबर,2022 को दिल्ली में भारतीय राष्ट्रीय कांग्रेस की भारत जोड़ो यात्रा को देखते हुए विभिन्न मार्गों पर यातायात में परिवर्तन किया गया है।

नागरिकों से अनुरोध है कि प्रभावित सडकों से बचें, सार्वजनिक परिवहन का अधिकतम उपयोग करें।#DelhiPoliceUpdates pic.twitter.com/yAkEcfYp9q
— Delhi Traffic Police (@dtptraffic) December 23, 2022

ಸೆಪ್ಟೆಂಬರ್ 7 ರಂದು ಪ್ರಾರಂಭವಾದ ಭಾರತ್ ಜೋಡೋ ಯಾತ್ರೆ
ಭಾರತ್ ಜೋಡೋ ಯಾತ್ರೆ ಸೆಪ್ಟೆಂಬರ್ 7 ರಂದು ಕನ್ಯಾಕುಮಾರಿಯಿಂದ ಪ್ರಾರಂಭವಾಯಿತು. ಯಾತ್ರೆಯು ಇದುವರೆಗೆ ತಮಿಳುನಾಡು, ಕೇರಳ, ಕರ್ನಾಟಕ, ಆಂಧ್ರಪ್ರದೇಶ, ತೆಲಂಗಾಣ, ಮಹಾರಾಷ್ಟ್ರ ಮತ್ತು ಹರಿಯಾಣವನ್ನು ಒಳಗೊಂಡಿದೆ. ಪಕ್ಷವು 2024 ರ ಲೋಕಸಭೆ ಚುನಾವಣೆಯನ್ನು ಗಮನದಲ್ಲಿಟ್ಟುಕೊಂಡು ಮತ್ತು ನಿರುದ್ಯೋಗ, ಬೆಲೆ ಏರಿಕೆ ಮತ್ತು ಬಡತನದಂತಹ ಸಮಸ್ಯೆಗಳನ್ನು ಗಮನದಲ್ಲಿಟ್ಟುಕೊಂಡು ಈ ಸಾಮೂಹಿಕ ಸಂಪರ್ಕ ಕಾರ್ಯಕ್ರಮವನ್ನು ಪ್ರಾರಂಭಿಸಿದೆ.