ನಟಿ ಮಮತಾ ಕುಲಕರ್ಣಿ ವಿರುದ್ಧ ಬಂಧನ ವಾರಂಟ್

ಬಾಲಿವುಡ್ ನ ಮಾಜಿ ನಟಿ ಮಮತಾ ಕುಲಕರ್ಣಿ ವಿರುದ್ಧ ಬಂಧನ ವಾರೆಂಟ್. ಬಹು ಕೋಟಿ ಮೌಲ್ಯದ ಮಾದಕ ಪದಾರ್ಥ ಮಾರಾಟ ಜಾಲ ಪ್ರಕರಣದಲ್ಲಿ ಆರೋಪಿಯಾಗಿರುವ ಮಮತಾ ಕುಲಕರ್ಣಿ. ಮಮತಾರನ್ನು ಅಪರಾಧಿಯೆಂದು ಘೋಷಿಸಿದ ಥಾಣೆ ನ್ಯಾಯಾಲಯ.

ಮುಂಬೈ, ಜೂನ್ 8: ಮಾದಕ ವಸ್ತು ಮಾರಾಟ ಪ್ರಕರಣದಲ್ಲಿ ಆರೋಪ ಎದುರಿಸುತ್ತಿರುವ ಭೂಗತ ಲೋಕದ ವಿಕ್ಕಿ ಗೋಸ್ವಾಮಿ ಹಾಗೂ ಬಾಲಿವುಡ್ ನ ಮಾಜಿ ನಟಿ ಮಮತಾ ಕುಲಕರ್ಣಿ ಅವರನ್ನು ಇಲ್ಲಿನ ವಿಶೇಷ ನ್ಯಾಯಾಲಯ ಅಪರಾಧಿಗಳೆಂದು ಘೋಷಿಸಿ, ಅವರ ಬಂಧನಕ್ಕೆ ವಾರೆಂಟ್ ಜಾರಿಗೊಳಿಸಿದೆ.[ಮಾಜಿ ನಟಿ ಮಮತಾ ಕುಲಕರ್ಣಿ ಪತಿ, ಡ್ರಗ್ಸ್ ಮಾಫಿಯಾ ಡಾನ್ ಸೆರೆ]

2,000 ಕೋಟಿ ರೂ. ಮೌಲ್ಯದ ಎಫೆಡ್ರೈನ್ ಡ್ರಗ್ಸ್ ಮಾರಾಟ ಜಾಲದಲ್ಲಿ ಮಮತಾ ಮತ್ತು ವಿಕ್ಕಿ ಗೋಸ್ವಾಮಿ ಸೇರಿದಂತೆ 14 ಆರೋಪಿಗಳು ಶಾಮೀಲಾಗಿದ್ದಾರೆಂದು ಮುಂಬೈ ಪೊಲೀಸರು ಥಾಣೆಯ ಸ್ಥಳೀಯ ನ್ಯಾಯಾಲಯದಲ್ಲಿ ದಾವೆ ಹೂಡಿದ್ದರು. ಹಲವಾರು ವರ್ಷಗಳಿಂದ ನಡೆಯುತ್ತಿದ್ದ ಈ ವಿಚಾರಣೆಯ ತೀರ್ಪು ಜೂನ್ 8ರಂದು ಹೊರಬಿದ್ದಿದೆ.[ನಟಿ ಮಮತಾ ಕುಲಕರ್ಣಿ ಕೂಡಾ ಡ್ರಗ್ಸ್ ದಂಧೆಯಲ್ಲಿ ಭಾಗಿ!]

ವಿಕ್ಕಿ ಗೋಸ್ವಾಮಿಯನ್ನು ವರಿಸಿರುವ ಮಮತಾ ಕುಲಕರ್ಣಿ ಸದ್ಯಕ್ಕೆ ಕೀನ್ಯಾದ ಮೊಮ್‍ಬಾಸಾ ನಗರದಲ್ಲಿದ್ದಾರೆಂದು ಕೆಲ ಮೂಲಗಳು ಹೇಳಿವೆ. ಇದೀಗ ಅವರ ಬಂಧನಕ್ಕೆ ಭಾರತ ಸರ್ಕಾರದ ರಾಜತಾಂತ್ರಿಕ ಮಟ್ಟದಲ್ಲಿ ಕೀನ್ಯಾ ಸರ್ಕಾರದ ಸಹಕಾರ ಕೋರಬೇಕಿದೆ.

English summary

Bollywood's former actress Mamata Kulkarni is in trouble as a local court in Thane (Maharashtra) has issued arrest warrant against her in Multi crore drugs sale case.