Prajwal Revanna: ಪ್ರಜ್ವಲ್ ರೇವಣ್ಣ ಪೆನ್ಡ್ರೈವ್ ಕೇಸ್: 23 ದಿನದಿಂದ ಮನೆ ಬಿಟ್ಟ ರೇವಣ್ಣ ಕುಟುಂಬ
ಪ್ರಜ್ವಲ್ ರೇವಣ್ಣ ಪೆನ್ಡ್ರೈವ್ ಪ್ರಕರಣ ರಾಜ್ಯ ಮಾತ್ರವಲ್ಲ, ದೇಶದಲ್ಲೇ ಭಾರಿ ಸದ್ದು ಮಾಡಿದೆ. ಪೆನ್ಡ್ರೈವ್ನಲ್ಲಿನ ವಿಡಿಯೋಗಳು ವೈರಲ್ ಆದ ಬೆನ್ನಲ್ಲೇ ಪ್ರಜ್ವಲ್ ರೇವಣ್ಣ ದೇಶ ಬಿಟ್ಟು ಪರಾರಿಯಾಗಿದ್ದಾರೆ. ಅವರನ್ನು ಬಂಧಿಸಲು ವಿಶೇಷ ತನಿಖಾ ದಳ (ಎಸ್ಐಟಿ) ಪ್ರಯತ್ನಿಸುತ್ತಿದೆ.
ಪ್ರಜ್ವಲ್ ರೇವಣ್ಣ ಪೆನ್ಡ್ರೈವ್ ಪ್ರಕರಣ ಹೆಚ್ಡಿ ರೇವಣ್ಣ ಕುಟುಂಬದಲ್ಲಿ ಬಿರುಗಾಳಿ ಎಬ್ಬಿಸಿದೆ. ಮಹಿಳೆ ಅಪಹರಣ ಪ್ರಕರಣದಲ್ಲಿ ಎಚ್ಡಿ ರೇವಣ್ಣ ಅವರನ್ನು ಕೂಡ ವಿಶೇಷ ತನಿಖಾ ದಳ ಬಂಧಿಸಿ ವಿಚಾರಣೆ ನಡೆಸಿತ್ತು, ಬಳಿಕ ಎಚ್ಡಿ ರೇವಣ್ಣ ಜಾಮೀನು ಪಡೆದು ಬಿಡುಗಡೆಯಾಗಿದ್ದಾರೆ.
ಪ್ರಜ್ವಲ್ ರೇವಣ್ಣ ಪೆನ್ಡ್ರೈವ್ ಪ್ರಕರಣದ ಪರಿಣಾಮ ಹೊಳೆನರಸೀಪುರದ ಸ್ವಂತ ಮನೆ ಈಗ ಬಿಕೋ ಎನ್ನುತ್ತಿದೆ. ಕಳೆದ 23 ದಿನಗಳಿಂದ ಕುಟುಂಬ ಹೊಳೆನರಸೀಪುರದ ಮನೆಯಿಂದ ರೇವಣ್ಣ ಕುಟುಂಬ ದೂರ ಉಳಿದಿದೆ.
ಎಚ್ಡಿ ರೇವಣ್ಣ ಅವರು ಈ ಮನೆಯಿಂದ ಹೊರಗಡೆ ಇರುತ್ತಿದ್ದದು ಬಹಳ ಕಡಿಮೆ, ಕೆಲಸದ ಮೇಲೆ ಎಲ್ಲಿಗೇ ಹೋದರೂ ಎಷ್ಟೇ ಹೊತ್ತಾದರೂ ಹೊಳೆನರಸೀಪುರದ ಮನೆಗೆ ಬರುತ್ತಿದ್ದರು. ಆದರೆ ಈಗ ಅದೇ ಮನೆಯಿಂದ ದೂರ ಉಳಿದಿದ್ದಾರೆ.
ಜೈಲುವಾಸ ನಂತರ ಹೊಳೆನರಸೀಪುರಕ್ಕೆ ಬಂದ ರೇವಣ್ಣ, ಹರದನಹಳ್ಳಿ ದೇವೇಗೌಡರ ಮನೆಯಲ್ಲಿ ಉಳಿದುಕೊಂಡಿದ್ದರು. ತವರು ಮನೆ ಸಾಲಿಗ್ರಾಮಕ್ಕೆ ಹೋಗಿರೋ ಭವಾನಿ ರೇವಣ್ಣ ಕೂಡ ಮನೆಗೆ ವಾಪಸ್ ಬಂದಿಲ್ಲ. ತಮ್ಮ ನೆಚ್ಚಿನ ಮನೆಯಿಂದ ರೇವಣ್ಣ- ಭವಾನಿ ರೇವಣ್ಣ ದೂರ ಉಳಿದಿದ್ದಾರೆ.
Click it and Unblock the Notifications
Sign in with Google