ಲಾಕ್ ಡೌನ್ ಸಡಲಿಕೆ ಬೆನ್ನಲ್ಲೇ ದಾವಣಗೆರೆಯಲ್ಲಿ ಕೊರೊನಾ ಕೇಕೆ

ದಾವಣಗೆರೆ, ಮೇ 19: ದಾವಣಗೆರೆ ಜಿಲ್ಲೆಯಲ್ಲಿ ಕೊರೊನಾ ವೈರಸ್ ಆರ್ಭಟ ಮುಂದುವರಿದಿದ್ದು, ಲಾಕ್ ಡೌನ್ ಸಡಿಲಿಕೆ ಬೆನ್ನಲ್ಲೇ ಕೊರೊನಾ ಪಾಸಿಟಿವ್ ಕೇಸ್ 100 ರ ಗಡಿ ದಾಟಿ ಮುನ್ನುಗ್ಗುತ್ತಿವೆ. ಇದರಿಂದ ಬೆಣ್ಣೆನಗರಿಯಲ್ಲಿ ತಲ್ಲಣ ಸೃಷ್ಠಿಸಿದೆ.

ಒಂದೇ ದಿನ 21 ಜನರಿಗೆ ಸೋಂಕು ದೃಢಪಟ್ಟಿದ್ದು, ಒಟ್ಟು ಇಲ್ಲಿವರೆಗೂ 111 ಕ್ಕೆ ಸೋಂಕಿತರ ಸಂಖ್ಯೆ ಏರಿಕೆಯಾಗಿದೆ. ಸೋಂಕಿತ ಸಂಖ್ಯೆ 976 ರ ಬೆಳ್ಳುಳ್ಳಿ ವ್ಯಾಪಾರಿಯಿಂದ ನಾಲ್ಕು ಜನರಿಗೆ ಸೋಂಕು ಹರಡಿದೆ. ಅಂತೆಯೇ 556 ರ ಮೃತ ವೃದ್ಧನ ದ್ವಿತೀಯ ಸಂಪರ್ಕ ಸೋಂಕಿತನಿಂದ 8 ಜನರಿಗೆ ಸೋಂಕು ಹರಡಿದೆ. 533 ನರ್ಸ್ ನ ಸಂಪರ್ಕದಲ್ಲಿ ಇದ್ದ ಸೋಂಕಿತರಿಂದ 3 ಜನರಿಗೆ ಸೋಂಕು ದೃಢಪಟ್ಟಿದೆ. 694 ಐಎಲ್ಐ ಸೋಂಕಿತರಿಂದ ಒಬ್ಬರಿಗೆ ಸೋಂಕು ಹರಡಿದೆ.

ಅಹಮದಾಬಾದ್ ನಿಂದ ಬಂದ ಇಬ್ಬರು ಪುರುಷರಿಗೆ ಸೋಂಕು, ಕೇರಳದಿಂದ ಬಂದ ಮಹಿಳೆಗೆ ಸೋಂಕು ಮತ್ತು ಹೊಸಪೇಟೆಯಿಂದ ಬಂದ ಇಬ್ಬರು ಯುವಕರಿಗೆ ಕೊರೊನಾ ಸೋಂಕು ತಗುಲಿದೆ.

ಜಾಲಿನಗರ, ಭಾಷಾ ನಗರದಲ್ಲೆ ಅತೀ ಹೆಚ್ಚು ಪ್ರಕರಣ ಪತ್ತೆಯಾಗಿವೆ.‌ ಮೃತ ವೃದ್ಧ, ಬೆಳ್ಳುಳ್ಳಿ ವ್ಯಾಪಾರಿ ಹಾಗೂ ತಬ್ಲಿಘಿಗಳೇ ದಾವಣಗೆರೆಗೆ ಕಂಟಕವಾಗಿದ್ದಾರೆ.

ದಾವಣಗೆರೆಯಲ್ಲಿ ಇಂದು 21 ಬದಲಿಗೆ 19 ಪ್ರಕರಣ ಎಂದು ತಪ್ಪಾಗಿ ಮಾಧ್ಯಮಕ್ಕೆ ಮಾಹಿತಿ ನೀಡುವ ಬುಲೆಟಿನ್ ನಲ್ಲಿ ಮುದ್ರಿಕೆಯಾಗಿದೆ. ಈ ಬಗ್ಗೆ ಸ್ವತಃ ಜಿಲ್ಲಾಧಿಕಾರಿ ಮಹಾಂತೇಶ್ ಬೀಳಗಿ ಸ್ಪಷ್ಟಪಡಿಸಿದ್ದಾರೆ.

ತಪ್ಪಾಗಿ ಮುದ್ರಿತವಾಗಿ ಶಿವಮೊಗ್ಗದ ಲಿಸ್ಟ್ ಗೆ ಎರಡು ಪ್ರಕರಣ ಸೇರ್ಪಡೆಯಾಗಿದ್ದವು. 18, 19 ವರ್ಷದ ಯುವಕರಿಗೆ ಪಾಸಿಟಿವ್ ಪ್ರಕರಣ ಪತ್ತೆಯಾಗಿವೆ. ಹೊಸಪೇಟೆಯಿಂದ ಚನ್ನಗಿರಿಗೆ ಬಂದಿದ್ದ ಇಬ್ಬರು ಯುವಕರಿಗೆ ಸೋಂಕು ಹರಡಿದ್ದು, ದಾವಣಗೆರೆ ಜಿಲ್ಲಾಡಳಿತ ಇವರನ್ನು ದಾವಣಗೆರೆಯ ಹೋಟೆಲ್ ಒಂದರಲ್ಲಿ ಕ್ವಾರಂಟೈನ್ ಮಾಡಿತ್ತು ಎಂದಿದ್ದಾರೆ.

English summary

Coronavirus infection continues in Davanagere district.