ಚಿತ್ರದುರ್ಗ; ಸರ್ಕಾರಿ ಅಧಿಕಾರಿ ಫೇಸ್ಬುಕ್ ಹ್ಯಾಕ್, ಹಣ ಪಡೆದು ವಂಚನೆ
ಚಿತ್ರದುರ್ಗ, ಜುಲೈ 25; ದುಷ್ಕರ್ಮಿಗಳು ಚಳ್ಳಕೆರೆಯ ಲೋಕೋಪಯೋಗಿ ಇಲಾಖೆ ಕಿರಿಯ ಅಭಿಯಂತರ ರಾಜಪ್ಪ ಫೇಸ್ ಬುಕ್ ಖಾತೆ ಹ್ಯಾಕ್ ಮಾಡಿದ್ದಾರೆ. ಖಾತೆಯಲ್ಲಿದ್ದ ಸ್ನೇಹಿತರಿಗೆ ಸಂದೇಶ ಕಳಿಸಿ ಸಾವಿರಾರು ರೂಪಾಯಿ ಹಣ ಪಡೆದು ವಂಚನೆ ಮಾಡಿದ್ದಾರೆ.
ರಾಜಪ್ಪ ಫೇಸ್ ಬುಕ್ ಖಾತೆ ತೆರೆದಿದ್ದರೂ ಅದನ್ನು ಬಳಕೆ ಮಾಡದೇ ಎರಡು ವರ್ಷಗಳು ಕಳೆದಿವೆ. ದುಷ್ಕರ್ಮಿಗಳು ರಾಜಪ್ಪ ಖಾತೆ ಹ್ಯಾಕ್ ಮಾಡಿದ್ದಾರೆ. ರಾಜಪ್ಪ ಆಸ್ಪತ್ರೆಯಲ್ಲಿದ್ದಾರೆ ಎಂದು ಖಾತೆಯಲ್ಲಿರುವ ಸ್ನೇಹಿತರಿಗೆ ಸಂದೇಶ ಕಳಿಸಿದ್ದಾರೆ.
ತುರ್ತಾಗಿ ಹಣ ಬೇಕಾಗಿದೆ ಎಂದು ಹಣವನ್ನು ಪಡೆಯಲಾಗಿದೆ. ಇದು ತಿಳಿಯುಷ್ಟರಲ್ಲಿ ಸುಮಾರು 40 ರಿಂದ 50 ಸಾವಿರ ಹಣವನ್ನು ಸ್ನೇಹಿತರಿಂದ ಪಡೆಯಲಾಗಿದೆ. ಸ್ನೇಹಿತರು ಫೋನ್ ಮಾಡಿ ಕೇಳಿದಾಗಲೇ ಖಾತೆ ಹ್ಯಾಕ್ ಆಗಿರುವುದು ರಾಜಪ್ಪಗೆ ತಿಳಿದಿದೆ.
"ಫೇಸ್ ಬುಕ್ ಖಾತೆಯನ್ನು ಬಳಸದೇ ಸುಮಾರು ಎರಡು ವರ್ಷಗಳು ಕಳೆದಿವೆ. ರಾತ್ರಿಯಿಂದ ನನ್ನ ಫೇಸ್ ಬುಕ್ ಖಾತೆಯನ್ನು ಹ್ಯಾಕ್ ಮಾಡಿ, ನನ್ನ ಹೆಸರಿನಲ್ಲಿ ಸಂದೇಶ ಕಳಿಸಿ ಸ್ನೇಹಿತರಿಂದ ನನ್ನ ಹೆಸರಿನಲ್ಲಿ ಹಣವನ್ನು ಪಡೆಯಲಾಗಿದೆ" ಎಂದು ರಾಜಪ್ಪ ಹೇಳಿದ್ದಾರೆ.
ಫೇಸ್ ಬುಕ್ ಖಾತೆ ಹ್ಯಾಕ್ ಆಗಿದ್ದು ತಿಳಿದ ತಕ್ಷಣ ಖಾತೆಯನ್ನು ರದ್ದು ಮಾಡಿದ್ದಾರೆ. ಹಾಗೆಯೇ ಸ್ನೇಹಿತರಿಗೆಲ್ಲಾ ವಾಟ್ಸಪ್ನಲ್ಲಿ ಮೆಸೇಜ್ ಹಾಕಿ, ದುಡ್ಡು ಹಾಕದಂತೆ ತಿಳಿಸಿದ್ದಾರೆ.
ದುಷ್ಕರ್ಮಿಯ ಸಂದೇಶ ಕಳಿಸಲು ಬಳಕೆ ಮಾಡಿದ ನಂಬರ್ ಉತ್ತರ ಪ್ರದೇಶ ಎಂದು ತೋರಿಸುತ್ತಿದೆ. ರಾಜಪ್ಪ ವಂಚನೆ ಬಗ್ಗೆ ಚಿತ್ರದುರ್ಗದ ಸೈಬರ್ ಕ್ರೈಂ ಪೋಲಿಸ್ ಠಾಣೆಯಲ್ಲಿ ದೂರು ನೀಡಿದ್ದಾರೆ.
Click it and Unblock the Notifications
Sign in with Google