Chikkamagaluru: ಆಪ್ತರಾಗಿದ್ದ ಸಿಟಿ ರವಿ ಮತ್ತು ಎಚ್ಡಿ ತಮ್ಮಯ್ಯ ಈಗ ಎದುರಾಳಿಗಳು!
ಚಿಕ್ಕಮಗಳೂರು, ಮೇ. 06: ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಹಾಗೂ ಚಿಕ್ಕಮಗಳೂರು ಶಾಸಕ ಸಿ.ಟಿ.ರವಿ ಅವರ 14 ವರ್ಷದ ಜೊತೆಗಾರ, ಲಿಂಗಾಯತ ಮುಖಂಡ ಎಚ್.ಡಿ.ತಮ್ಮಯ್ಯ ಅವರು ಪಕ್ಷ ತೊರೆದು ಕಾಂಗ್ರೆಸ್ಗೆ ಸೇರ್ಪಡೆಯಾಗಿದ್ದಾರೆ. ಈ ಕಾರಣದಿಂದ ಇದು ಆಪ್ತರ ನಡುವಿನ ಯುದ್ಧವಾಗಿ ಪರಿಣಮಿಸಿದ್ದು, ಕೇಸರಿ ಪಕ್ಷಕ್ಕೆ ಪ್ರತಿಷ್ಠೆಯ ಕದನವಾಗಿ ಮಾರ್ಪಟ್ಟಿದೆ.
ತಮ್ಮಯ್ಯ ಕಳೆದ ಫೆಬ್ರವರಿಯಲ್ಲಿ ಕಾಂಗ್ರೆಸ್ಗೆ ಸೇರ್ಪಡೆಗೊಂಡಿದ್ದು, 2004 ರಿಂದ ಗೆಲುವಿನ ಹಾದಿಯಲ್ಲಿರುವ ಸಿಟಿ ರವಿ, ಎಲ್ಲ ಕಾಲದಲ್ಲೂ ತಮ್ಮನ್ನು ಬೆಂಬಲಿಸಿದ್ದ ಲಿಂಗಾಯತರ ವಿಶ್ವಾಸ ಗಳಿಸಲು ಹೊಸ ತಂತ್ರಗಾರಿಕೆ ರೂಪಿಸಬೇಕಿದೆ. ಸಾಕಷ್ಟು ಸಂಖ್ಯೆಯಲ್ಲಿ ಇರುವ ಲಿಂಗಾಯತರು ಬಿಜೆಪಿ ಮತ್ತು ಕಾಂಗ್ರೆಸ್ಗೆ ನಿರ್ಣಾಯಕ ಮತದಾರರಾಗಿದ್ದಾರೆ.
ಲಿಂಗಾಯತ ಅಭ್ಯರ್ಥಿಯನ್ನು ಕಣಕ್ಕಿಳಿಸುವ ಮೂಲಕ ಸಿಟಿ ರವಿ ಅವರನ್ನು ಮಣಿಸುವುದು ಕಾಂಗ್ರೆಸ್ ನಾಯಕರ ಯೋಜನೆಯಾಗಿತ್ತು. ಆರು ಮಂದಿ ಟಿಕೆಟ್ ಆಕಾಂಕ್ಷಿಗಳ ಪೈಕಿ ಇಬ್ಬರು ಲಿಂಗಾಯತರಾದ ಮಹದಿಮನೆ ಸತೀಶ್ ಮತ್ತು ಬಿಎಚ್ ಹರೀಶ್ ಸೇರಿದ್ದರು. ಸತೀಶ್ ಸಕ್ರಯಾಪಟ್ಟಣ ಹೋಬಳಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾಗಿದ್ದು, ಅವರ ಪ್ರಭಾವ ಸೀಮಿತವಾಗಿದೆ. 2018 ರಲ್ಲಿ ಜೆಡಿಎಸ್ ಟಿಕೆಟ್ನಲ್ಲಿ ಸ್ಪರ್ಧಿಸಿ 37,988 ಮತಗಳನ್ನು ಪಡೆದಿದ್ದ ಹರೀಶ್, ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್ ಅವರ ಭರವಸೆಯ ಮೇರೆಗೆ ಕಾಂಗ್ರೆಸ್ಗೆ ಸೇಡಿ ಪಕ್ಷದ ಟಿಕೆಟ್ ನಿರೀಕ್ಷೆಯಲ್ಲಿದ್ದರು.
ಈ ಮಧ್ಯೆ, ಸಿಟಿ ರವಿ ಅವರ ನಿಕಟವರ್ತಿ ತಮ್ಮಯ್ಯ ಅವರೊಂದಿಗೆ ಭಿನ್ನಾಭಿಪ್ರಾಯ ಹೊಂದಿದ ನಂತರ ಲಿಂಗಾಯತ ಆಕಾಂಕ್ಷಿಗಳಲ್ಲಿ ಒಬ್ಬರನ್ನು ಆಯ್ಕೆ ಮಾಡಬೇಕಿದ್ದ ಕಾಂಗ್ರೆಸ್ಗೆ ಹಾರಿದರು. ಬ್ಲಾಕ್ ಮಟ್ಟದಿಂದ ಹಲವಾರು ಸಭೆಗಳು ಮತ್ತು ಚರ್ಚೆಗಳ ನಂತರ, ಕಾಂಗ್ರೆಸ್ ಹೈಕಮಾಂಡ್ ತಮ್ಮಯ್ಯ ಗೆಲುತ್ತಾರೆ ಎಂದು ನಿರ್ಧರಿಸಿ ನಾಮಪತ್ರ ಸಲ್ಲಿಸುವ ಕೇವಲ ಎರಡು ದಿನಗಳ ಮುಂಚಿತವಾಗಿ ಅವರ ಉಮೇದುವಾರಿಕೆಯನ್ನು ಘೋಷಿಸಿತು. ಎಲ್ಲ ಆಕಾಂಕ್ಷಿಗಳು ಕೆಲವರ ಮನವೊಲಿಕೆ ಬಳಿಕ ಪಕ್ಷದ ಅಭ್ಯರ್ಥಿ ಪರ ಕೆಲಸ ಮಾಡಲು ಒಪ್ಪಿಗೆ ಸೂಚಿಸಿದರು.
ತಮ್ಮಯ್ಯ ಅವರು ಮೂಲತಃ ಕಾಂಗ್ರೆಸ್ನವರು. 1996 ರಲ್ಲಿ ಸಿಎಂಸಿ ಸದಸ್ಯ ಮತ್ತು ಅಧ್ಯಕ್ಷರಾಗಿದ್ದರು. ಉತ್ತಮ ಸಂಘಟಕ ಮತ್ತು ಭಾಷಣಕಾರರಾಗಿದ್ದರು. ಬಳಿಕ ಬಿಜೆಪಿ ಸೇರಿದ ಇವರಿಗೆ ಬಿಜೆಪಿಯ ಒಳಗಿನ ವ್ಯಕ್ತಿಯಾಗಿ ಬಿಜೆಪಿಯ ಚುನಾವಣಾ ತಂತ್ರದ ಒಳಸುಳಿಗಳನ್ನು ಅವರು ತಿಳಿದಿದ್ದಾರೆ ಎಂಬುದು ಅವರ ಬಲ. ಅವರ ಅಧಿಕಾರಾವಧಿಯಲ್ಲಿ ಅವರು ಕಲ್ಯಾಣ ಯೋಜನೆಗಳನ್ನು ಕೈಗೆತ್ತಿಕೊಂಡು ಸೂಕ್ಷ್ಮ ಸಮುದಾಯಗಳು ಮತ್ತು ಅಲ್ಪಸಂಖ್ಯಾತರ ಅಭಿಮಾನವನ್ನು ಗಳಿಸಿದ್ದಾರೆ.
ಕೆಲವು ವಿಭಾಗಗಳು ಅವರು ಲಿಂಗಾಯತ ಸಮುದಾಯದ ಮೇಲೆ ಸಂಪೂರ್ಣ ಪ್ರಭಾವ ಬೀರಲು ಸಾಧ್ಯವಿಲ್ಲ ಎಂಬುದನ್ನು ಹೇಳುತ್ತಾರೆ. ಆದರೆ, ಬಿಜೆಪಿ ಅಭ್ಯರ್ಥಿ ಸಿಟಿ ರವಿ ಸೋಲನ್ನು ಖಚಿತಪಡಿಸಿಕೊಳ್ಳುವುದೇ ನನ್ನ ಗುರಿ ಎಂದು ತಮ್ಮಯ್ಯ ಹೇಳಿದ್ದಾರೆ. ಅತಿರೇಕದ ಭ್ರಷ್ಟಾಚಾರದಿಂದ ಜನರು ಬೇಸತ್ತಿದ್ದಾರೆ. ಗುತ್ತಿಗೆಗಳಲ್ಲಿ ಸಿಟಿ ರವಿ ಮತ್ತು ಅವರ ಸೋದರಸಂಬಂಧಿ ಹಗರಣಗಳನ್ನು ಮಾಡಿದ್ದಾರೆ. ಇದು ಲಿಂಗಾಯತ ಕೋಪಕ್ಕೆ ಕಾರಣವಾಗಿದ್ದು, ತಮ್ಮ ಪರವಾಗಿ ಕೆಲಸ ಮಾಡುತ್ತದೆ ಎಂದು ರಚ್.ಡಿ ತಮ್ಮಯ್ಯ ಅಭಿಪ್ರಾಯಪಟ್ಟಿದ್ದಾರೆ.
Click it and Unblock the Notifications
Sign in with Google