ಚೆನ್ನೈ ಬಾಲಕನಿಗೆ ಗೂಗಲ್ ನಿಂದ ಪ್ರತಿಷ್ಠಿತ ಪ್ರಶಸ್ತಿ
ಚೆನ್ನೈ, ಜುಲೈ 20 : ಗೂಗಲ್ ವಿಜ್ಞಾನ ಹಬ್ಬ 2016 ರಲ್ಲಿ ಸಮಾಜಕ್ಕೆ ಮಾದರಿಯಾಗಬಲ್ಲ ಯೋಜನೆಯನ್ನು ಪ್ರಸ್ತುತ ಪಡಿಸಿದ ಚೆನ್ನೈ ಮೂಲದ 14 ವರ್ಷದ ಬಾಲಕನಿಗೆ ಕಮ್ಯುನಿಟಿ ಇಂಪ್ಯಾಕ್ಟ್ ಅವಾರ್ಡ್ ಘೋಷಿಸಲಾಗಿದೆ.
ಚೆನ್ನೈನ ಅದ್ವಾಯ್ ರಮೇಶ್ ಅವರು ಈ ಗೌರವಕ್ಕೆ ಪಾತ್ರರಾಗಿದ್ದಾರೆ ಎಂದು ಗೂಗಲ್ ಇಂಡಿಯಾ ಪ್ರಕಟಿಸಿದೆ. ಒಟ್ಟು 107 ದೇಶಗಳಿಂದ ಸಾವಿರಾರು ಪ್ರಾಜೆಕ್ಟ್ ಗಳು ಈ ವರ್ಷ ಗೂಗಲ್ ಸಂಸ್ಥೆಗೆ ಸಲ್ಲಿಕೆಯಾಗಿತ್ತು. ಅದರಲ್ಲಿ ಏಷ್ಯಾದಲ್ಲೇ ಪ್ರಥಮ ಸ್ಥಾನವನ್ನು ರಮೇಶ್ ಪಡೆದುಕೊಂಡಿದ್ದಾರೆ. [ಗೂಗಲ್ ಶುರುಮಾಡಿದೆ ಹೊಸ ಕೋರ್ಸ್, ನೀವು ಸೇರ್ತಿರಾ?]
FishErmen Lifeline Terminal (FELT) ಶೀರ್ಷಿಕೆಯ ಯೋಜನೆಗೆ ಹತ್ತು ಸಾವಿರ ಡಾಲರ್ ( 6 ಲಕ್ಷ 72 ಸಾವಿರ ರೂ.) ಬಹುಮಾನವನ್ನು ಅದ್ವಾಯ್ ಪಡೆದಿದ್ದಾರೆ. ಜಿಎಸ್ ಟಿ ಬಳಕೆ ಮಾಡಿಕೊಂಡು ಮೀನುಗಾರರ ಸುರಕ್ಷತೆ ಹಾಗೂ ಮತ್ಸ್ಯ ಉದ್ಯಮ ಅಭಿವೃದ್ಧಿಗೆ ಈ ಯೋಜನೆ ಸಹಕಾರಿಯಾಗಿದೆ.
ಅಂತಿಮ ಹಂತದ ಪ್ರವೇಶ ಪಡೆದ 20 ಮಂದಿ ಸ್ಪರ್ಧಾಳುಗಳು 50,000 ಡಾಲರ್ ಶಿಷ್ಯವೇತನಕ್ಕಾಗಿ ಸ್ಪರ್ಧಿಸಲಿದ್ದಾರೆ. ಇದಕ್ಕಾಗಿ ಅಮೆರಿಕದಲ್ಲಿರುವ ಗೂಗಲ್ ಕೇಂದ್ರ ಕಚೇರಿಗೆ ಅದ್ವಾಯ್ ತೆರಳಲಿದ್ದಾರೆ.[ಮೋದಿಯನ್ನು ಕ್ರಿಮಿನಲ್ ಎಂದ ಗೂಗಲ್ ಗೆ ನೋಟಿಸ್]
ಪರಿಸರ, ಆರೋಗ್ಯ ಸಂಪನ್ಮೂಲಗಳ ಸವಾಲುಗಳನ್ನು ಯಾವರೀತಿ ಎದುರಿಸಬಹುದು ಎಂಬ ವಿಷಯದ ಆಧಾರದ ಮೇಲೆ ಈ ಪ್ರಾಜೆಕ್ಟ್ಗಳನ್ನು ರೂಪಿಸಲಾಗಿದೆ.ಈ ಗೌರವದಿಂದ ನನಗೆ ಇನ್ನಷ್ಟು ಪ್ರೋತ್ಸಾಹ ದೊರಕಿದೆ.
ಭವಿಷ್ಯದಲ್ಲಿ ಈ ಯೋಜನೆಯನ್ನು ಪರಿಣಾಮಕಾರಿಯಾಗಿ ಜಾರಿಗೆ ತರುವ ನಿಟ್ಟಿನಲ್ಲಿ ನನ್ನ ಮುಂದಿನ ಸಂಶೋಧನೆ ನಡೆಯಲಿದೆ ಎಂದು ನ್ಯಾಷನಲ್ ಪಬ್ಲಿಕ್ ಸ್ಕೂಲ್ ನಲ್ಲಿ ಕ್ಲಾಸ್ X ರಲ್ಲಿ ವ್ಯಾಸಂಗ ಮಾಡುತ್ತಿದ್ದಾರೆ.
Click it and Unblock the Notifications
Sign in with Google